أحنا أسفين جلالتك ...!!!

[abogogo]

ذكرت مجلة "اللطائف المصورة"، عبر موقعها صور ووثائق، أنه في سبتمبر من عام 1918، آخر أعوام الحرب العالمية الأولى، أرسلت مصر أكثر من 500 ألف فرنك فرنسي لإنقاذ الشعب البلجيكي من الفقر ومرض السل، بل واستمرت في إرسال الأموال، وبعثت جلالة الملكة إليزابيث، ملكة بلجيكا، برسالة بخط يدها تعرب فيها عن عظيم كرم الشعب المصري، وما قدمه للشعب البلجيكي خلال الحرب العالمية الأولى، وهو ما يستوجب على الشعب البلجيكي أن يرد الجميل للشعب المصري الكريم، إذا احتاجت مصر لبلجيكا في يوم من الأيام.

أما سكرتيرة جلالة ملكة بلجيكا فبعثت هي الأخرى بخطاب شكر على إنقاذ مصر للشعب البلجيكي، معلنةً فيه عن أن بلجيكا ستدون هذا العمل الجليل في الكتاب الذهبي لها ليعلم العالم من كان يساند بلجيكا، وأوضحت في رسالتها عن أنه تم تقسيم هذه الأموال إلى ثلاثة أقسام منها : 165 ألف فرنك لحساب الملكة الشخصي باعتبارها رئيسة الممرضات وللإنفاق منها على تمريض ضحايا الحرب، و250 ألف فرنك لشراء الغذاء الكاف للجنود، و150 ألفا لشراء ملابس عسكرية للجنود في الشتاء.

وتعد هذه بعض الوثائق الخاصة بالمعونة وهي أحد الشيكات التي أرسلتها مصر إلى بلجيكا، ورسالة بخط يد ملكة بلجيكا، وأخرى لسكرتيرة الملكة.

[marwanragab]

هههههه لو ينفع بس يعطونا ادين هازارد و كورتوا حارس المرمي ونديهوم الجنسية هنسامح في الفلوس اللي لينا دي

[mr_vampire]

عمرنا ماسمعنا يعني ان بلجيكا ده ساعدت مصر في اي حاجة.

ايه يابلجيكا مش هتردي اللي عليكي بقي بفوايدهم ولا كلام جلالتها كان تثبيت لجلاتله عشان يسخن ويبعت كمان دفعة؟؟؟؟

[hugan]

مش كان الاوربيين بيشتغلو في مصر
بقالين وحلاقين وحلواني ومدربين كلاب
كانو بيهاجروا مصر
يكونوا نفسهم

[الاسد المهاجر]

ياريت كنت موجود لسه كنت رحمتنا من مبارك والمرشد
اهو لما نشوف السيسي

[Ahmed Oraby]

ياريت كنت موجود لسه كنت رحمتنا من مبارك والمرشد
اهو لما نشوف السيسي

لووول معرفتكش انا كده :d

[الاسد المهاجر]

لووول معرفتكش انا كده :d

ياريت تح

[هيثم مجدي]

مصر وقتها كانت تحت (الخلافة العثمانية) اللي كانت في أواخر أيامها و بيتم التلاعب بيها عن طريق القوى العظمى, و (جلالته) كان لعبة في ايد التاج البريطاني و(مصر) كانت اسمها (السلطنة المصرية) وتحت الحماية البريطانية. الامبراطورية العثمانية في الوقت دا كان سقوطها أمر واقع ومسألة وقت, ربما قبلها بسنوات كمان, و كان المشكلة في تقسيم التركة بين القوى العظمى ودا سبب تأخر السقوط.

يعني الموضوع مش بأيد جلالته بقدر ماكان تودد للقوى العظمى وقتها (بلجيكا كانت السبب في دخول بريطانيا الحرب العالمية الأولى, لما القوات الألمانية اجتاحتها عام 1914 عشان تقدر تغزو فرنسا عن طريقها.) , و ربما كانت المنحة دي لعبة سياسية ساذجة عشان تفضل أسرة محمد علي محتفظة بهيبة ووقار الحكم اللي كان بيهتز تحت اقدامهم و كانوا مدركين انه هيسقط في وقت ما.

[أبو آسر]

ياريت كنت موجود لسه كنت رحمتنا من مبارك والمرشد
اهو لما نشوف السيسي

مينفعش تحكم على الراجل قبل 30 سنة ياعم زيكو اصبر عليه زي ما صبرت على مبارك كده وبعد ال30 سنة أهو أولادك ربنا يجيبهم بالسلامة عندهم ميدان التحرير أكيد هيبقى لسة موجود !

[الاسد المهاجر]

ياريت حضرتك تاخد بالك من الاسم الصحيح لو موجهلي الكلام

[Imhotep]

على فكرة دي مش المرة الوحيدة اللى مصر عملت فيها حاجة زي كدة... مصر اثناء الحرب العالمية الأولى سلفت بريطانيا العظمى بجلالة قدرها مبلغ و قدره 3 مليون إسترليني... و لم نسترده حتى الان... يا ترى لو جينا نسترده دلوقت بفوائد 100 سنة هيبقى كااااااااام:
[url=http://new.elfagr.org/Detail.aspx?nwsId=733385]

[Mecha]

طول عمرنا بنحب الفشخرة ,جلالته بيتبرع لبلجيكا عشان السل والفقر ,ولو خرج للعزب والنجوع بتاع بلده كان شاف الجوع والحفا والدرن والجرب والعمي والشلل .لكن مكنتش بلده زي ما جدو توفيق قال للمصريين -ما انتم الا عبيد احساناتنا.

[mmolazem]

ووجد الشعب البلجيكى ( العزيم ) من يحنو عليه !
تاريخ حافل بالحنيه و الحونينين :)

[friendship7897]

الجنية المصري كان بيشتري جنيه دهب وبيفيض كمان من قيمته شوية قروش

دلوقتي جنية الذهب فوق الـ 2000ج

وأول تعامل بالعملة كانت أيام محمد على باشا والناس أطلقت على العملات مصاري نسبة إلى المصريين لأن الخير والمصاري بتيجي من المصريين .

ياااه حسرة كبيرة على الرؤساء وأتباعهم اللي بيطلبو صداقة اليهود ويتذللون لأي دولة أجنبية طلباً لكرسي زائل أو عزة واهمة بأسم الوطنية فخسروا دينهم ودنياهم .

وخسرونا بلدنا – الأغلبية مش عارف مين الصح ومين الغلط ! فين الحق وفين الباطل ؟

والدرس اللي لازم نتعلمه من مأساتنا والفرق بين اليوم وأمس

أن المصرين كانوا فاخورين بعقيدتهم الراسخة ووحدتهم الصلبة ، ولما تفرقوا خسروا بلادهم وخسروا أنفسهم .

يــوم كنــا خيـــر أمــة *** كان للحــق مكانـــا
كان للأقـــوال فعـــــل *** فاسمعـوا للترجمانا
يوم كان الناس فيهــم *** شرعة الله منــــارا

آسفين يا مينا : موحد القطرين

آسفين محمد على باشا

آسفين إبراهيم باشا

آسفين عم على البواب

[الاسد المهاجر]

ايه ياجماعه عمالين تقولو اسفين ونسين تتاسفو لمرسي بيه