وصلت 32 سنة

[Mohamed_1414]

الحمد لله كلها 15 يوم واوصل 32 سنة باالتمام والكمال
لسة انا عازب كان عندي تجارب فاشلة تماما في حوارات الخطوبة والكلام دة
اي نصايح من الشباب هنا اعمل اية تجارب جديدة في حياتي الفترة اللي جاية

[احمد المصرى]

الحمد لله كلها 15 يوم واوصل 32 سنة باالتمام والكمال
لسة انا عازب كان عندي تجارب فاشلة تماما في حوارات الخطوبة والكلام دة
اي نصايح من الشباب هنا اعمل اية تجارب جديدة في حياتي الفترة اللي جاية

لازم تشوف ايه المشاكل ال وجهتك وتحلها ولو قلت ان كل العيب على العروسه او الناس التانيه يبق دى اول مشكله لازم تحلها لان اكيد انت عملت حاجه غلط حتى لو بنسبه قليله علشان كدا الموضوع فشل

وطبعا توكل على الله اولا واخيرا وان شاء الله قريبا ربنا هيرزقك ببنك الحلال

[exelence]

حاول تفكر بموضوعية اكثر فى شؤون حياتك لان العمر مش سنين و بس لأ ده فكر بيتغير يوم بعد يوم

[Bassem Youssef]

كل عام و انت بخير :)

الموضوع كله ان نصيبك لسه مجاش

و لما يجي هتترحم علي ايام العزوبيه :)

[أحمد كمال]

من متزوج عنده 33 سنة


باحسدك

باحسدك

باحسدك

باحسدك


باحسدك

[Secret-Man]

العمر بالقيميه والكيفيه وليست بعدد السنين احسبها كده علشان ترتاح

بمعنى اصح احسب انت وصلت لاايه وعملت ايه وناوى تعمل ايه افضل

الجواز متربطوش بالسنين وتضايق نفسك لان فى الاخر نصيبك مستنيك ولكن هتسعى ليه علشان تحصل عليه والرزق مربوط بالسعى

[Mohamed_1414]

انا اصلي اترفضت اكتر من مرة مش واحدة كنت بحبها جدا ودة عاملي عقدة من الموضوع
حاسس اني عمري مهلاقي زيها تاني ابدا
وحاسس اني مش هقدر احب حد تاني ابدا كدة
فعلشان كدة سبت موضوع الجواز دة خالص
نفسي اقضي الايام الجاية في راحة وسعادة من غير ما الاقي ذكري مش كويسة تعكنن عليا حياتي

[ahmedfor3]

يا عم لا تبكي على اللبن المسكوب المفروض تبقى اقوى من كده بكتير
وسيب الكلام ده للبنات ومتزعلش نفسك ده فى حاجات اصعب من بتيجى للانسان
وكله بيتنسى ويعدى واحمد ربنا على النعمه اللة انتا فيها
تحياتى

[طارق _عبد السلام]

انا اصلي اترفضت اكتر من مرة مش واحدة كنت بحبها جدا ودة عاملي عقدة من الموضوع
حاسس اني عمري مهلاقي زيها تاني ابدا
وحاسس اني مش هقدر احب حد تاني ابدا كدة
فعلشان كدة سبت موضوع الجواز دة خالص
نفسي اقضي الايام الجاية في راحة وسعادة من غير ما الاقي ذكري مش كويسة تعكنن عليا حياتي

ليه زعلان على تجربه لم تعشها من الاصل

من يضمن لك انك كنت هتكون سعيد فى الارتباط بها

وكويس جدا انك اترفضت بدون اى ارتباط لكن لو حصل الرفض او النفور بعد زواجك منها الموضوع بيكون كارثى عليك بالاكثر

الايام ستثبت لك ان عقدتك دى خطأ وان شاء الله تجد بنت الحلال هتنسيك تجربتك القديمه لكن حاول ترتبط بواحد مؤدبه تخاف الله فى نفسها وزوجها المستقبلى


ونصيحه لاتندم ابدا على شخص رفضك ..... بالعكس اجعل تجربه الرفض تصحيح لمسارك القادم

ربنا يرزقك بقٌره عينك ان شاء الله

[engmody32]

اهلا بيك في نادي الشباب فوق الثلاثين الغير متزوجين
طبعا في اختلاف بيني و بينك في اني محبتش حد زيك و كده
بس يبدو ان الموضوع ده مش انا و انت بس اللي بنعاني منه
ده في واحد عامل مدونه اسمها اه يا افه مقضيها عياط و عويل و صوات انه متجوزش و هو معدي ال 33
شكل الموضوع كده مفيهوش وسط يا تتجوز بدري يا تتجوز متأخر مفيش حل وسيط
ربنا يسير ليك و لينا الحال

[J A G U A R]

العزوبيه دى نعمه مش هاتتعوض

[Imhotep]

زى ما القط بيحب خناقه برضه الانسان كده تملى يدور على اللى ناقصه و يتباكى على حاله بسببه
الشئ المهم هو ان الانسان يكون مبسوط بحاله ايا كان و كل شئ بأوانه . . . بس ده مش فى طبع الانسان اللى تملى يدور على اللى ناقصه و اول ما يحصل عليه يزهق منه و يزهده. . . فالنتيجة بتكون كالتالى

اللى مش متجوز عاوز يتجوز عشان ده اللى ناقصه
و اللى متجوز بيترحم على ايام العزوبية عشان راحت منه
طب اتجوزت ليه يا عم
عشان مفيش بديل و دى سنة الحياة
طب مبسوط فى الجواز
يقولك ماشى الحال
طب زعلان و بتشتكى ليه
اصل العزوبية كانت اجمل و بلا وجع دماغ الجواز
طب اتجوزت ليه
اصل دى سنة الحياة و مفيش بديل
و هلم جرا لغاية ما تقوم القيامة :-)

[S O P H O S]

ربنا يكتبلك الخير فالي جي
نصيبك منتظرك

[Mohamed_1414]

ربنا يكتبلك الخير فالي جي
نصيبك منتظرك

امين يارب

[Mohamed_1414]

الواحد بس بيبقي صعبان علية نفسة
يعني انة دخل البيت من بابة والبنت واهلها بيتلككوا علي كلام فارغ علشا يبوظوا الدنيا
وهية تروح تاخد حد تاني وعادي جدا مفيش اي حاجة
وانا مش عارف احب حد تاني بسبب اني مس قادر اشيلها من دماغي