Tweet
مشكلتي بدات بعد الزواج انا الابن الوحيد والأب متوفي وامي دائمة الشجار مع زوجتي بتتلكك علي أي حاجه تافهه وتتدخل في كل تفاصيل حياتنا وطريقة تصرفات زوجتي وكل شيء تتمني ان تسير كما تحب هي (علي أساس انها اكبر وعندها خبره وتفهم اكتر ومراتي عيله ومبتفهمش) زوجتي كانت بتستحمل دلوقتي بعد طفلين وثلاث سنوات زواج لم تعد تستحمل الاستفزازات والتحكم من امي بدات ترد عليها وساعات لما الموضوع يكبر تاخد العيال وتروح عن والدها وامي عاوزه الولد (بس مش عاوزه تشوف امه) محدش يقولي افصل بينهم هو امي عندها شقتها بس ست كبيرة ومش عاوزه تسيبنها مع بعض أصلا علشان لو سابتنا مراتي هتستريح وهيا متعتها انها تضايقها وتزلها .دي نبذه مختصرة لان الموضوع اكبر مما تتخيلو والعيشه مرار ارجو اللي عنده حل يطرحه والل معندوش اسأله الدعاء وجزاكم الله خيرا
-
-
متزعلش والدتك مهما حصل لان الام لا تعوض ولكن الزوجه تعوض[SIZE="5"]لا اله إلا الله محمدُ رسول الله[/SIZE] -
اصل المشكله انك اتجوزت في بيت والدك مع والدتك
الزوجه و حماتها دونت ميكس
الحل الجذري هو شراء او تأجير شقه اخري
بس تكون قريبه من بيت والدتك برضهComment
-
والله انا اتجوزت في شقه جديده وقريبة من شقة والدتي علي أساس أكون دايما قريب منها لكن والدتي مش عاوزه تدي فرصة لمراتي تاخدني منها (هيا حاسه جواها انها اخدتني وخلتني مش عاوز امي مع ان كل اللي بعمله عكس كده ) لكن الغريزة بقي ومش عاوزه تسيبلها الشقه علشان متحسسش زوجتي انها انتصرت عليها (كانها في حرب)Comment
-
لا حول ولا قوة إلا بالله
ربنا يصبرك ويكون في عونك[CENTER]:11_5_14[1]:[/CENTER]Comment
-
و الله الرك عليك دلوقتي انك تفهم والدتك ان اللي بتعمله ده غير صحيح و بالعكس ممكن يخليك تتضايق منها و تبعد عنها و لازم تعرفها انك راجل كبير ملو هدومك و مفيش حد يقولك تعمل ايه و متعملش ايه غير نفسكComment
-
أنا رأيي الشخصي أن لو في تعارض بين الأهل و الزوجة فالزوجة مصلحتها تأتي في المقام الأول..[shfaf2]http://nileup.com/up/uploads/nilemotors_14667781721.jpg[/shfaf2]Comment
-
جرب الحل دا
خد والدتك علي جنبك كدا في قاعدة صفا ...وفهمهم انك انت اللي تعبان من الموضوع دا ..وان هي بتصرافتها دي بتخليك انت مش مستريح وقلها يعني ترضيلي مكنش مستريح وفهمها ان مراتك عمرها ما قالتلك حاجة عنها وكدا يعني ...وحاول تخلي مراتك تتجنب ولدتك وتيجي علي نفسها شوية وتكون زكية يعنيComment
-
مشكلة أبدية ملهاش حل غير فصل البنزين عن النار
بر والدتك وخليك قريب منها بس في شقة تانية تبعد فيها عن زوجتك ومهما حاولت تحتك بيها ابعدها بالعافية لأنك لو معملتش كده هتبقى ظلمت زوجتك
زورها كل يوم انت والأولاد لكن متاخدش زوجتك معاك ومهما حاولت توقع بينكم أو تسخنك عليها قولها حاضر واطلع من عندها ولا كأنك سمعت حاجة وهي مع الوقت هتتعود والأمور هتمشي
ربنا يعينك مشكلة صعبة فعلا حاسس بيك لأن أختي عندها نفس المشكلة للأسف مع حماتها وكانت هتوصل للطلاق[SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
[SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]
[SIGPIC][/SIGPIC]Comment
-
المشاركة الأصلية كتبت بواسطة dede_dodo88 مشاهدة المشاركةأنا رأيي الشخصي أن لو في تعارض بين الأهل و الزوجة فالزوجة مصلحتها تأتي في المقام الأ
ول..
ازاااااااااي :-[
Comment
-
ياراجل انا رميت مراتي و بنتي عشان خاطر امي ...
انا كتبت قصتي قبل كده و هي نفس قصتك بالضبط .. برضه وحيد امي و هي ست مسنه
وعايشة معايا و مراتي مش طايقها و بتضايقها ...
لحد ما مسكت مراتي و قولتلها انتي ماتلزمنيش انتي و بنتك طول ما انتي مش بتعاملي امي كويس
ووديتها لبيت ابوها وقولتله بنتك عندك خليهالك .وبقالي سنه و نصف منفصلين و عايش تحت رجل امي
بخدمها بعيوني .م / محمد صالح
[sor2]http://im84.gulfup.com/DdjMo3.jpg[/sor2]Comment
-
حضرتك موضوعك العكس فى الاطرافالمشاركة الأصلية كتبت بواسطة مداح القمر مشاهدة المشاركة
هو بيشتكى من الوالدة
انت اشتكيت من الزوجةA.SaadComment
-
والله انا رأي اي حاجة في الدنيا تتعوض الا الام .
وماتنساش انه وحيد والدته يعني هي اللي كبرته و في الحالة دي الام بتحس انه الزوجة خطفت ابنها منهام / محمد صالح
[sor2]http://im84.gulfup.com/DdjMo3.jpg[/sor2]Comment
-
اوعي تقصر في حق امكComment
-
هذه مشكله نفسيه بحته وديه خلاصة موضوعكالمشاركة الأصلية كتبت بواسطة teka_100 مشاهدة المشاركة
كثير من الامهات عندها اعتقاد ترسخ لديها وسيطر على مشاعرها وظهر في سلوكها
وهي لدى الام احساس انها ربت وتعبت وسهرت حتى جعلت من الطفل رجلا وقد انتظرت تلك
اللحظه بفارغ الصبر وعندما تتحقق تخطفته إمرأه اخرى منها .
الام كانت متعوده على وجودك بحياتها فوجودك سيطر عليها وبالتالي بعد الزواج وبطبيعة الحال قد
تغير الوضع وتولد لدى الام شعور الإختطاف فلذلك هي تتصرف بناءأ على هذا الشعور
نصيحتي لك ان تذهب بالام الى طبيب نفسي محترم يجلس معها وهو قادر على اقناعها
وربما يعطي لها بعض الادويه الخاصه بحالتها
وكذلك سوف ينصحك ببعض السلوك تجاه الآم
يسر الله امرك[COLOR=darkred] { اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً } " .[/COLOR]Comment
Comment