استفسار عن بوتجاز

[الاسد المهاجر]

السلام عليكم
سؤال محيرني في بوتجاز بشتغل بالكهرباء من غير غاز او انبوبة وهل بالكهربا هيكون اوفر ولا انبوبة اوفر
وسعره كام والموديل

[exelence]

ايوه فيه بوتاجازات بتشتغل كهرباء
بس اللى شفتهم بتكون احجامهم صغيرة و اعتقد هتلاقيه غول كهرباء

[salodas]

يا راجل .... أنا عندى سخان واحد فقط فى شقة فيها 3 حمامات وبعانى من الفاتورة ...
اانت عاوز تجيب بوتوجاز كهرباء ...
حرام عليك ... لو ببلاش أوعى تجيبة .
وبعدين انت متعرفش ان الكهرباء اسعارها بتتضاعف كل شوية ... أنا أخر فاتورة جايه 450 ج بعد ما كنت بدفع 120 ج بكتيرة ولما سألت ... قالو الأسعار غليت ولسه هتغلى كمان

[canner]

خليك فى الغاز احسن

[friendship7897]

طبعاً بيسحب كهرباء كتيير جداً
أنا جبت بوتاجاز بلت إن كهرباء 2 عين فقط
للمساعدة في حالة عدم وجود أنبوبة
قبل تركيب الغاز
وكنت بستخدمه في الحالات الطارئة فقط وكنت مجنونة من فاتورة الكهرباء