الحمام الطاقى لتوليد وتجديد طاقتك من جديد بعد يوم العمل

[Secret-Man]

الحمام الطاقى لتوليد وتجديد طاقتك من جديد بعد يوم العمل من المدرب عمر الحلبى ماستر الطاقه الحيويه


تجربه جميله وانا كلمت الماستر ده شخصيا وجربت منه حاجات رهيبه وقويه جدا حبيت انقلها ليكم يمكن تفيدكم


شوفو الحلقه ديه وركزو على حمام الطاقه اللى هو عباره عن ملح وقهوه فى البانيو ولكن اسمعوها بالتفصيل

[youtube]http://www.youtube.com/watch?v=6MfI-924X3Q[/youtube]

[lolnk]

طيب ملح ماشى انما قهوه كمان جديده دى

[Secret-Man]

طيب ملح ماشى انما قهوه كمان جديده دى

منا كنت اول مره اسمعها زيك كده

[إنسانة]

هرتلة ولا علاقة له بالعلم و مفيش فرق بينه وبين اللي بيضربوا الودع وبتوع الأبراج بس بيضحك على الناس بكام مصطلح علمي

و عموما الناس بتوع العلاج بالطاقة وكل الاسماء دي مصنفة عالميا من ضمن العلوم الزائفة و سبب تصنيفها إنها لا تتيع طرق المنهج العلمي ولا يمكن فحصها أو تجربتها بمقاييس معلومة ثابتة

[أحمد كمال]

اشباه العلم : اي هجص بس يتم القاؤه باسلوب علمي و خلاص


مصاص طاقة ايه و حمام طاقي ايه و ملح و قهوة ايه


غالبا كل اللي بيحصل ان الكافيين بيتم امتصاصه عبر الجلد بشكل جزئي فبيديك احساس بالفوقان شوية كانك شربت فنجان قهوة


اي فتي و خلاص

زي ال chi pendant و الفتاوي دي

[canner]

بلاسيبو

اعتقد هم بيشتغلوا على اللعب فى الحالة النفسية و لا فيه طاقة و لا حاجة

[الاسد المهاجر]

الكلام ده صحيح
انا كل يوم لازم اخد حمام البور
الطريقه اسهل ومجربه
تملي البانيو مايه ساقعه ومكعبات تلج وكانزين باور هورس و٣ معالق نسكافيه السكر حسب الحاجه

[lonedoctor]

يا ترى ايه هو نوع النيسكافيه كلاسيك ولا جولدن؟

[Secret-Man]

ياجماعه بدل التريقه وكميه الكوميديا الى ظهرت مره واحده ديه فى المنتدى

انا واحد من الناس عايز اثبت بطريقه علميه عكس كلام الراجل ده لانى والله اول ماسمعته زيكم كده مقتنعتش وكلمته بنفسى وقالى بتجيب نتيجه وجرب فعايزين نقول انه كداب باثبات وعلم مش كوميديا وهزار

ده رايى مع احترامى لرايى الاعضاء

[أحمد كمال]

ياجماعه بدل التريقه وكميه الكوميديا الى ظهرت مره واحده ديه فى المنتدى

انا واحد من الناس عايز اثبت بطريقه علميه عكس كلام الراجل ده لانى والله اول ماسمعته زيكم كده مقتنعتش وكلمته بنفسى وقالى بتجيب نتيجه وجرب فعايزين نقول انه كداب باثبات وعلم مش كوميديا وهزار

ده رايى مع احترامى لرايى الاعضاء

اسف ...... في العلم العكس هو الصحيح ....... اللي يدعي حاجة جديدة هو اللي يثبت فعاليتها ....... مش الناس اللي تثبت عدم فعاليتها


هات لي مرجع او بحث علمي واحد محترم من مجلة او جهة علمية موثوق بيها بتقول الكلام ده ....... او عالاقل اثبت لي ان مؤهلاته (اللي غالبا مضروبة في شرق اوروبا) حقيقية و من جهات حقيقية مش بلح



هو اللي يثبت مش احنا اللي ننفي .........


موضوع بتجيب نتيجة و جرب غالبا بيبقى سببه تاثير ال placebo ..... او تاثير الوهم ...... لذلك في التجارب الطبية ..... بيبقى فيه مجموعتين من المرضى ..... محموعة بتاخد العلاج الجديد المقترح ...... و محموعة بتاخد بلاسيبو (اقراص سكر و نشا مفيهاش مادة فعالة و نفس شكل الاقراص الاولانية) ...... و مفيش مريض عارف هو بياخد بلاسيبو و لا علاج حقيقي ...... و يتم دراسة نسبة المرضى اللي اتحسنوا في المجموعتين ........ لو مفيش فرق احصائي كبير يبقى تأثير وهم


غير اني زي ما قلت لحضرتك ممكن يكون امتصاص الكافيين عبر الجلد ....... يعني كانك شربت قهوة ....... لان فيه شركة برة عملت صابونة بالكافيين تستحمى بيها الصبح تفوقك ......


مفيش اي علم طبي او حيوي بيقول مصاصين طاقة و الكلام الفارغ ده ........

[إنسانة]

ياريت حتى شرق اوروبا ... قالت خريج الأكاديمية العربية للتدريب اللي غالبا محدش هيعرف مكانها حتى
و عنده 5 سنين خبرة فالتدريب و في العلاج "بعلوم الطاقة" !

ومش بس تأثير القهوة , حتى الملح له أكبر تأثير
وأي حد بيعمل رياضة لازم في دولابه كيس ملح بيتباع للغرض دا مخصوص
وبيكون فيه 500 جرام ملح وبيكون مضاف ليه الروائح المحببة زي الفانيليا أو الورد
وبيتباع في الصيدليات أو أماكن الخاصة بالرياضة أو العلاج الطبيعي , مع ان ملح الطعام او الملح الخشن هيقوم بالمهمة بس الملح المستخدم لأغراض الرياضة بيضيفوا عليه بعض الإضافات
وبيتعمل حمام الملح كل 3 أيام أو اسبوع بحسب الحاجة "للمبتدئين بالذات" عشان يقدر يكمل رياضة بلا إنقطاع
وله تأثير على أي تورم و بيريح العضلات والمفاصل وبيخلي الجسم يرتاح فبتالي النفسية بتكون أفضل

فدا زي اللي بيدي المريض العلاج بدون مايحس ويوهمه إنه خف نتيجة لقوة خارقة بتأثر عليه