استشارة في التكييف

[memoo305]

سؤال لخبراء التكييف. أنا عندي غرفة المعيشة مساحتها 14.7م2 منهم 3.5 م تقريبا عبارة عن بلكونة مفتوحة على الغرفة . عاوز أركب فيها تكييف وقدامي خيارين 1.5 حصان (مكتوب أن بيكفي حتى مساحة15م) التوكيل بقولي انه مش هيبقى كفاية لأني دي غرقة معيشة ودور أخير ( السقف معزول كويس على فكرة)
وبالتالي أن ركبته هيبقي من الموزع وعلى مسئوليتي
أو أركب 2.25 حصان (مكتوب أن بيكفي حتى مساحة22م) طبعا سحب الكهرباء بتاعة أكبر وفرق التمن مابينهم 1500ج

ناس بتقولي 1.5 وسيبك من كلام التوكيل وناس تانية تقولي خليك في 2.25 هيوفر في الكهرباء لأنه هيحقق درجة الحرارة المطلوبة وهيفصل
أنا بتكلم عن شارب
أنتم تنصحوني بأيه وايه ماركة تكون أفضل؟

[amr011111]

حصان ونص كفاية ان شاء الله وانت كده كده هتبقى عامل ستاير على الشباك وبعدين مساحة الاوضه 14.70 متر مربع
منهم كمان العفش يتخصم من حجم الاوضة

[yassin_samir]

هو وصل سعرة كام ال1.5 شباك و الا سبليت

[حسام الغرباوي]

انا عندي الاوضة اكتر من 16 متر ( حوالي 4 * 4.5 تقريبا )

جايب شارب 1.5 حصان ...بسم الله ماشاء الله تلج ..

1.5 حصان كافي جدا وفكك من كلام التوكيل عايز يبيع ...بس خلي بالك مفيش تكييف هيجيب نتيجة غير لما يكون المكان مغلق

اما موضوع المساحة فتكيف 1.5 حصان يكفي لحد 20 متر كمان خصوصا ان بيكون في عفش في المكان وكدا

[canner]

من رأييى ال 1.5 حصان كفاية بس ابقى نضفه كل شويه

[Mohamed_Hamid]

سحب الكهربا بتاع ال 2.25 على المساحة 14 م متقلقش منه لأن الكمبريسور مش هيشتغل كل شوية علشان يسقع فانت كدة هتريح الكومبريسور وفى نفس الوقت الاستهلاك هيبقى معقول. بس أعتقد ان ال 1.5 كاف ان شاء الله ليك لأن ال 1 حصان بيغطى 8 متر. ده رأيى والله أعلم.

[salam100100]

حضرتك ذكرت انك اخر دور , والسقف معزول
انا انصح ب 2.25 حصان لانها اخر دور وغرفة معيشه يعنى ممكن يكون فيها ناس كتير فى وقت ضيوف مثلا

انا عندى كارير 2.25 فى غرفة نوم مساحتها 15 متر مربع غربي , يعنى الشمس خبطا فيها بعد الظهر علطول . التكيف رائع والكمبرسور بيفصل ويعد فاصل فتره طويله لحد ما يشتغل تانى

فى حاله شراء 2.25 تاكد من السلك الكهرباء يكون 2.5 ملى على الاقل

وشكرا