حد يعرف اجراءات الجيش ؟؟؟؟الاعفاء النهائى

[hotboja]

ازيكم يا جامعة محدش يعرف يساعدنى فى موضوع الجيش لسة جاى من القسم دلوقتى وطلعت قيد عائلى كمبيوتر ومعاية بطاقة 6 جند وتابع لقسم الدقى ومعاية شهادة التخرج

وانا وحيد معندش اخوات ولاد وطلعت 3 شهادات ميلاد لينا امى وابويا ولية

السؤال بقى انا اروح الرماية ولا الهك استب محتار اختار مين فيهم :k1:

واية المطلوب منى من اوراق تانية حد يعرف ؟ وهل في حاجة ناقصة؟


ورقم بتاع الجيش ادراة التجنيد والتعئبة اهووو اللى يحب يسمع موسيقة مشن امبوسبل

هو موضح بس اللى عندهم جيش اللى زاى حالتى مش موضح قوى
26351195 او 26339581

معلش طولت عليكم

[tamera]

اعتقد انك هاتمشي في اجراءات التقديم عادي خالص زي باقي دفعتك في الموعد اللي بيعلنوا عنه وفي الاخر هاتاخد تأجيل لو الوالد اقل من 60 سنة..
لو فوق ال 60 ممكن اعفاء نهائي
اعتقد ذلك.. كان على ايامنا كدا :)

[عزيز محمد]

تاخد القيد العائلى بتاعك وتصوره + أصل وصور من شهادة ميلادك + أصل وصور شهادات ميلاد أخواتك البنات (إن وجدوا) + أصل وصورة بطاقة والدك + استمارة 6 جند اللى معاك

وضامن (والد أو عمك أو خالك أو موظف بالقطاع العام) معاه بطاقته وصورة منها

وتطلع على منطقة التجنيد اللى إنت تابع لها (إسأل فى القسم اللى إنت تابع ليه وهما يقولولك)،

تروح بدرى على قد ما تقدر 8 بالكتير تكون هناك، هتلاقى هناك لوحات إرشادية بالنماذج المطلوب شراءها، تشتريها وتملاها وتقدم ورقك، وتقعد إنت والضامن تستنى لغاية ما يندهوا عليك

لو إنت وحيد والدك وعمره كان أكتر من 60 سنة هتطلع ليك شهادة إعفاء نهائى
لو عمره أقل هيطلع إعفاء مؤقت (مش عارف لمدة كام سنة بصراحة)

أهم حاجة تتأكد من إن الأختام على كل الورق اللى معاك تكون واضحة جدا جدا
وصور المستندات تكون واضحة قوى برضه وخد معاك نسخ بزيادة عشان ما تضطرش تصور هناك

[memohamada]

وضامن (والد أو عمك أو خالك أو موظف بالقطاع العام) معاه بطاقته وصورة منها

لو عمرك 21 سنة واكتر ملوش لزمة الضامن انت هتضمن نفسك

لو إنت وحيد والدك وعمره كان أكتر من 60 سنة هتطلع ليك شهادة إعفاء نهائى
لو عمره أقل هيطلع إعفاء مؤقت (مش عارف لمدة كام سنة بصراحة)

الاعفاء المؤقت 5 سنين

أهم حاجة تتأكد من إن الأختام على كل الورق اللى معاك تكون واضحة جدا جدا
وصور المستندات تكون واضحة قوى برضه

دى اهم حاجة فعلا وخلى بالك القيد العائلى لازم يكون مختوم من السجل المدنى

وعلى فكرة انت مش محتاج فيش و تشبية وكمان ملكش كشف طبى بس هما لازم يصورك هناك فاعمل حسابك تحلق دقنك و شعرك يكون طولة معقول مش لازم زيرو . وهات معاك كلينيكس و ديتول او ماية نار حتى لانك هتطلع من هناك بتهرش او هيجيلك مرض جلدى بسبب الجاكتة الى هيلبسوهالك و انت بتتصور ( شعب مصر كلة لبسها قبلك )

[hotboja]

شكرا على الرد السريع:k10: انا برضو قولت مش هيجبة الة رجالة المنتدى هما هيفيدونى ويقولى اعمل اية

وفعلا انا سنى 23 وابويا 62 يعنى الحمد الله مش محتاج ضامن

واتبع النصائح وهروح من النجمة اول لم الشمس تشرق من 6 ان شاء الله

وهاخد معاية سفلون لحسن ارجعلهم بهرش يطردونى ولا حاجة

شكرا مرة تانية

جزاكم الله كل خير