الانتقال الدائم الى الغردقة

[ali ashraf]

السلام عليكم بأختصار اصبحت غير قادر على المعيشة بالقاهرة , السواقة اصبحت نوع من العذاب , التعامل مع البشر صعب جدا الناس زعلانة و عصبية جدا, التنافس على كل شئ على شراء شئ , على قضاء مصلحة فى المرور او الكهرباء الخ, صعوبة الالتزام بالمواعيد للزحام الشديد, بفكر جديا فى الانتقال الى مدينة ساحلية اكثر هدوءا و انقى جوا و اقل صخبا و اقل ازدحاما ....ظروف عملى تسمح لى بالانتقال بفكر فى الغردقة طبعا عايز اسمع رايكم الكريم فى الموضوع ده و ياريت الجماعة اللى فى المنتدى من الغردقه يدلوا برايهم الكريم

[ali ashraf]

قرار خطير محتاج رايكم

السلام عليكم بأختصار اصبحت غير قادر على المعيشة بالقاهرة , السواقة اصبحت نوع من العذاب , التعامل مع البشر صعب جدا الناس زعلانة و عصبية جدا, التنافس على كل شئ على شراء شئ , على قضاء مصلحة فى المرور او الكهرباء الخ, صعوبة الالتزام بالمواعيد للزحام الشديد, بفكر جديا فى الانتقال الى مدينة ساحلية اكثر هدوءا و انقى جوا و اقل صخبا و اقل ازدحاما ....ظروف عملى تسمح لى بالانتقال بفكر فى الغردقة طبعا عايز اسمع رايكم الكريم فى الموضوع ده و ياريت الجماعة اللى فى المنتدى من الغردقه يدلوا برايهم الكريم ارجوكم لا تبخلوا على بالرأى

[J A G U A R]

ممكن مطروح محافظه جميله وهاديه ومش مزدحمه

[SeiffoZ]

الغردقة حلوة وفيها مدارس دولية وجامعة دولية ومجتمع راقي. روح

[Omar Mahmoud]

مطروح

[zorg]

متابع نفس اللى انا بفكر فيه بفكر اعمل هجرة داخلية ان منفعتش الهجرة الخرجية بس المشكلة مش عارف هروح فين فى البلد دى

[Mohab.Nabil]

ممكن تجرب تجربة بسيطة لأن موضوع المعيشة ده بصراحة بيختلف من شخص لشخص تانى بشكل كبير

تأجر شقة هناك لمدة شهر او شهرين مثلا و طالما شغلك بيسمح ليك انك تتنقل عادى يبقى مفيش مشكلة و شوف الدنيا هتبقى عاملة معاك ازاى

فيه حاجات مش هتعرف تحكم عليها الا لما تعيشها بنفسك لأن فيه تفاصيل صغيرة ممكن تبقى مهمة عندك و مش مهمة عند الناس التانية و العكس برضه

فأنا شايف احسن حل انك تجرب بنفسك و اهو تغيير جو فى نفس الوقت حتى لو المكان معجبكش

[adelghanem]

العيشه فى الغردقه جميله
البلد السياحيه كطبيعه وتصرفات فيها نوع من الرقى
ثانيا المساحات واسعه لان لها
ظهير صحراوى يعنى الامتداد العمرانى افقى
وليس راسى مثل القاهره
عدم وجود ارتفاعات فى المبانى جعلها متخنقش الواحد
وجود محلات الماركات العالميه جيد جدا.
وجود اماكن كثيره للتنزه .كما ان اسعار الشقق معقوله جدا.
جعلها مكان مريح للاقامه.
وان كان يعيبها ضعف الاضاءه
فى الشوارع والشوارع الجانبيه مش على المستوي المطلوب.

[طارق _عبد السلام]

يااااااااااااااااااااااه

برافو عليك فكره ولا اروع

والله لو ظروف عملى تسمح يبقى من الصبح لكن للاسف



توكل على الله

[أبو آسر]

أي مكان غير القاهرة رحمة
ويا سلام لو مدينة ساحلية كمان ويا سلام السلام لو سياحية ده انت تعيش ملك ولا تحس انك عايش في مصر أصلا
توكل على الله يا حاج علي بس ابقى افتكرنا برحلة رصيد حلوة كده :)

[ali ashraf]

عايز اشكركم عاى ردكم الجميل

الحقيقة مش عارف اقولكم ايه بالكلام الجميل و التشجيع الرائع حضارتكم قدمتم لى دفعة قوية و تشجيع لأتخاذ قرارى ده و غالبا (ان شاء الله) هعمل بالنصيحة يعنى أروح شهر أو شهرين أقيم الوضع و طبعا ساقوم بارسال تقارير اول بأول عن انطبعاتى فى الغردقة واذا اراد الرحمن سيكون السفر ان شاء الله بعد حوالى 3 اسابيع اخلص امورى فى القاهرة مع خالص تحياتى و طبعا يا ابو آسر بس اظبط الامور و اجهز رحلة صيد فى الغردقة

[ali ashraf]

توكلت على الله

فى مشاركة سابقة اشار كثير من الأصدقاء الى تجربة السفر الى الغردقة شهر او شهرين و موازنة الامور و هى فكرة جيدة اصبح هناك رأين الغردقة او مطروح ان شايف الغردقة احسن ياريت اللى بيفضل مطروح يشرح وجهة نظره مع خالص تحياتى

[adelghanem]

ياراجل ده العيال حضروا حفلات كل المطربين
واتصوروا وحكوا معاهم...
ببلاش اللى فى مرينا الغردقه واللى فى الممشى
واللى فى سينزو وربنا يخلي تنشيط السياحه.
ههههههههه

[Mecha]

طالما شغلك تمام ,اتوكل علي الله ,هتهدي اعصابك وتطول عمرك وتعيش حياة صحية.
اللي ف القاهره لو يقدروا يسيبوهاكانو حصلوك

[A.Saad]

ما تفكر فى اكتوبر او زايد