معانا هنا مهندس بترول يفهمنا يعنى اية بترول صخرى اللى طالع دة

[الفجر]

موضة جديدية طالعة اسمها النفط الصخرى ؟؟

طالعة جديد وبيقولوا انها احدى اهم اسباب نزول البترول ؟!!!!

فهل ممكن معلومات وشرح موجز يعنى اية نفط صخرى ؟؟ من اى مهندس بتررول معانا وان كنت اشك ان معانا ههنا مهندسين بترول لان تمنهم غالى ومش فاضيين لقعدة المنتديات زينا هههههههه

[Imhotep]

مقلتلناش انت بس يا غالى الكوارث خلصت و لا لسه فيها تانى :-)

[ahmed_eng2001]

انا مش متخصص حفر و تنقيب ... بس انا متابع معاكو ..ان شاء الله احد الخبراء يفيدنا اكتر ....


البترول بصفة عامة ... موجود فى طبقات صخرية فى باطن الارض ... الطبقات دى لازم تكون مسامية و البترول ينتقل داخلها .. الصخور دى بتكون حاجة شبه الاسفنج .. فيها ممرات صغيرة تسمح بمرور البترول من خلالها
و الطبقات دى ضغوطها الداخلية بتكون كبيرة جدا ... مما يجعل البترول يندفع للخارج بفعل فرق الضغوط
فالبترول كله صخرى ... و نفس الحال بالنسبة للغاز الطبيعى
متابع معاكوا

[besso]

متابع

[Imhotep]

انا مش متخصص حفر و تنقيب ... بس انا متابع معاكو ..ان شاء الله احد الخبراء يفيدنا اكتر ....


البترول بصفة عامة ... موجود فى طبقات صخرية فى باطن الارض ... الطبقات دى لازم تكون مسامية و البترول ينتقل داخلها .. الصخور دى بتكون حاجة شبه الاسفنج .. فيها ممرات صغيرة تسمح بمرور البترول من خلالها
و الطبقات دى ضغوطها الداخلية بتكون كبيرة جدا ... مما يجعل البترول يندفع للخارج بفعل فرق الضغوط
فالبترول كله صخرى ... و نفس الحال بالنسبة للغاز الطبيعى
متابع معاكوا

الله ينور عليك فى الشرح الجيولوجى
الجرف الصخرى المسامى ده اللى بيبقى فيه المخزونات البترولية لقيوا طريقة تخليقية synthetic لمعالجة المركبات الهيدروكربونية اللى فى صخوره و استخراج الزيت منها بعد نفاذ هذه المستودعات البترولية نفسها او حتى فى عدم وجود مخزونات crude او خام كبيرة
ادى كل الحكاية
بس النفط الصخرى استثمارات استخراجه مازالت عالية و ده اللى السعودية مرضيتش تخلى اوبك تقلل الانتاج عشان تضربه. . . لان سعر البرميل تحت ال 70 دولار النفط الصخرى تصبح تكلفة استخراجه غير مجدية اقتصاديا تحت هذا الرقم. . . فالسعودية كانت بتبص لقدام لما سابت سعر البرميل ينزل و لسه هينزل كمان. . لان النفط الصخرى هينافسها فى حصة الانتاج و دى الاهم على المدى الطويل من سعر البرميل فى ظل وفرة المعروض
بالمناسبة احتياطات النفط الصخرى تقدر ب 4 الى 5 تريليون برميل
فى كمان النفط الرملى و ده اهم دول انتاجه كندا و تقنية استخراجه شبيهه بالصخرى

[هيثم مجدي]

انا مش مهندس بترول

النفط الصخري بيبقى موجود في الصخور في باطن الأرض. و مش بيكون موجود بصورة سائلة. واستخراجة بيستهلك موارد بيئية (بيستهلك مياه الأنهار, و دا سبب أزمة في منسوب المياه في أنهار بعض المناطق في أمريكا) و بيسبب تلوث بيئي كبير , عكس النفط التقليدي اللي بيبقى موجود في قشور التربة العليا وموجود بصورة سائلة ومش بيستهلك نفس الموارد.

النفط الصخري معروف من فترات طويلة جدا, لكن طريقة استخراجه كانت مكلفة جدا, فطبعا لم يتم اللجوء ليه كبديل للنفط التقليدي. مؤخرا تم اكتشاف طريقة اقل تكلفة لاستخراجة,و عشان كدا امريكا اعلنت انها هتصبح اكبر منتج للبترول في عام 2025 لانها تمتلك اكبر احتياطي نفط صخري على مستوى العالم. استهلاك امريكا يوميا من البترول يقدر ب 20 مليون برميل تقريبا !

دا تقرير على الايكونوميست عن الأزمة في موضوع النفط و انهيار اسعاره, و أحد التفاسير أن الانخفاض دا لمواجهة النفط الصخري واخراجه من السوق (و انا شايف دا كلام ساذج جدا, لكن مستبعدوش على تفكير الناس اللي بتحكمنا في المنطقة)

Money talks: December 1st 2014: Sheikhs v shale | The Economist

[ahmed_eng2001]

الله ينور عليك فى الشرح الجيولوجى
الجرف الصخرى المسامى ده اللى بيبقى فيه المخزونات البترولية لقيوا طريقة تخليقية synthetic لمعالجة المركبات الهيدروكربونية اللى فى صخوره و استخراج الزيت منها بعد نفاذ هذه المستودعات البترولية نفسها او حتى فى عدم وجود مخزونات crude او خام كبيرة
ادى كل الحكاية
بس النفط الصخرى استثمارات استخراجه مازالت عالية و ده اللى السعودية مرضيتش تخلى اوبك تقلل الانتاج عشان تضربه. . . لان سعر البرميل تحت ال 70 دولار النفط الصخرى تصبح تكلفة استخراجه غير مجدية اقتصاديا تحت هذا الرقم. . . فالسعودية كانت بتبص لقدام لما سابت سعر البرميل ينزل و لسه هينزل كمان. . لان النفط الصخرى هينافسها فى حصة الانتاج و دى الاهم على المدى الطويل من سعر البرميل فى ظل وفرة المعروض
بالمناسبة احتياطات النفط الصخرى تقدر ب 4 الى 5 تريليون برميل
فى كمان النفط الرملى و ده اهم دول انتاجه كندا و تقنية استخراجه شبيهه بالصخرى

الله ينور عليك ....
اضافة جديدة لمعلوماتى ...
اعتقد ان البترول الصخرى ده مصطلح فى الاستخراج مش فى التكوين الجيولوجى ... صح كدة ؟
عند حضرتك معلومات اكثر عن العملية دى ؟

[ahmed_eng2001]

انا مش مهندس بترول

النفط الصخري بيبقى موجود في الصخور في باطن الأرض. و مش بيكون موجود بصورة سائلة. واستخراجة بيستهلك موارد بيئية (بيستهلك مياه الأنهار, و دا سبب أزمة في منسوب المياه في أنهار بعض المناطق في أمريكا) و بيسبب تلوث بيئي كبير , عكس النفط التقليدي اللي بيبقى موجود في قشور التربة العليا وموجود بصورة سائلة ومش بيستهلك نفس الموارد.

النفط الصخري معروف من فترات طويلة جدا, لكن طريقة استخراجه كانت مكلفة جدا, فطبعا لم يتم اللجوء ليه كبديل للنفط التقليدي. مؤخرا تم اكتشاف طريقة اقل تكلفة لاستخراجة,و عشان كدا امريكا اعلنت انها هتصبح اكبر منتج للبترول في عام 2025 لانها تمتلك اكبر احتياطي نفط صخري على مستوى العالم. استهلاك امريكا يوميا من البترول يقدر ب 20 مليون برميل تقريبا !

دا تقرير على الايكونوميست عن الأزمة في موضوع النفط و انهيار اسعاره, و أحد التفاسير أن الانخفاض دا لمواجهة النفط الصخري واخراجه من السوق (و انا شايف دا كلام ساذج جدا, لكن مستبعدوش على تفكير الناس اللي بتحكمنا في المنطقة)

money talks: December 1st 2014: Sheikhs v shale | the economist

احترم كلام حضرتك جدا ... ربنا يباركلك
حضرتك تعرف معلومات اكتر عن العملية الاستخراجية دى ؟

[Imhotep]

الله ينور عليك ....
اضافة جديدة لمعلوماتى ...
اعتقد ان البترول الصخرى ده مصطلح فى الاستخراج مش فى التكوين الجيولوجى ... صح كدة ؟
عند حضرتك معلومات اكثر عن العملية دى ؟

الهوليلة بتاعة النفط الصخرى طلعت من كام سنة لما تكلفة استخراجه اصبحت اقتصادية مقارنة بسعر برميل البترول اللى كان عدى ال 100 دولار
الطريقة بتسنخدم فيها الترسبات الصخرية الغنية بمادة الكيروجن اللى بيتم تسخينها و تحويلها بالحرارة الى سائل هيدروكاربونى بديل للخام الخفيف. . . و كلمة shale معناها المزيج الصخرى اللى فيه الترسبات و ده سبب التسمية
الصياعة الامريكية بقى كانت فى استخدام البترول الصخرى كسلاح سياسى تضرب بيه كذا عصفور بحجر واحد
فى ديسمبر 2012 اعلن باراك اوباما ان امريكا فى طريقها لتصبح اكبر منتج للبترول بفضل تقنية استخراج النفط الصخرى
و استنوا لما احتاجوله و استخدموه استخدام شيطانى
اولا قرروا فتح الحنفية و غرقوا السوق من اول السنة دى لغاية ما العرض تفوق على الطلب العالمى بحوالى 3 مليون برميل يوميا تبحث عن مشترى
ده ادى الى ان العقود الاجلة تسليم شهر و اتنين و تلاتة بدأ سعرها فى الانخفاض من مستوى 115 دولار فى يوليو الماضى الى مستوى 59 دولار فى ديسمبر الحالى
و فى تقارير بتقول ان سعر البرميل هيستقر عند 43 دولار قبل ان يبدأ فى الصعود مجددا بعد خروج الكثير من مستخرجى النفط الصخرى من الخدمة
طبعا السعر ده خراب بيوت لروسيا و ايران و فنزويلا و هم 3 من اهم منتجى و مصدرى البترول فى العالم لكنهم كمان من الدول المناوئة لامريكا. . . فاللعبة شكلها اقتصادى لكن جوهرها سياسى و حتى جانبها الاقتصادى سبب زلزال فى اقتصاديات البترول كان من اهم نتايجه فقد اوبك لقدرتها على التحكم او التأثير فى اسعار النفط عالميا لانه يكفى ان حنفية النفط الصخرى الامريكية تتفتح فى اى وقت عشان تجيب الاسعار الارض

[ahmed_eng2001]

كلام اكثر من رائع ... ربنا يزيدك من علمه ..

كلام حضرتك كدة ان دى طريقة جديدة فى المعالجة الكيميائية لخام فقير فى الهيدروكربونات الى مركب غنى بالهيدروكربونات و يحل محل الخام الخفيف ..!!! .. الله ينور عليك

معلومة جانبية كدة .... shale ده من اسوأ انواع التربة .... متعب جدا فى عملية الحفر .. و متعب جدا فى استخراج البترول .. بس اكيد shale الى انا اقصده غير ال shale الى حضرتك ذكرته

و للأسف ... امريكا ممكن تلعب بالعالم كله و معندهاش اى مشكلة ..

الظريف ان التكلفة الفعلية لاستخراج برميل البترول اقل حتى من 40 دولار للبرميل فى ظروف الانتاج العادية
فالدول التى تملك بترول اراضيها ... زى السعودية و فنزويلا و سلطنة عمان .. برضو لسة كسبانة .... مش كسبانة زى ما كان البرميل ب 115 .. بس لسة كسبانة
الدول التى باعت بترولها و هو لسة فى باطن الارض ... زى اغلب دول العالم ... .و منهم مصر طبعا .. ستكون تحت رحمة الشركات المنتجة .. زى شل و بى بى و شيفرون و موبيل
و التى بدأت بالفعل فى تقليل انتاجها ... و تقليل عمليات التنقيب و الحفر و الاستخراج ... عملا بمبدأ خليه متخزن فى الارض لغاية لما يغلى

[Imhotep]

كلام اكثر من رائع ... ربنا يزيدك من علمه ..

كلام حضرتك كدة ان دى طريقة جديدة فى المعالجة الكيميائية لخام فقير فى الهيدروكربونات الى مركب غنى بالهيدروكربونات و يحل محل الخام الخفيف ..!!! .. الله ينور عليك

معلومة جانبية كدة .... shale ده من اسوأ انواع التربة .... متعب جدا فى عملية الحفر .. و متعب جدا فى استخراج البترول .. بس اكيد shale الى انا اقصده غير ال shale الى حضرتك ذكرته

و للأسف ... امريكا ممكن تلعب بالعالم كله و معندهاش اى مشكلة ..

الظريف ان التكلفة الفعلية لاستخراج برميل البترول اقل حتى من 40 دولار للبرميل فى ظروف الانتاج العادية
فالدول التى تملك بترول اراضيها ... زى السعودية و فنزويلا و سلطنة عمان .. برضو لسة كسبانة .... مش كسبانة زى ما كان البرميل ب 115 .. بس لسة كسبانة
الدول التى باعت بترولها و هو لسة فى باطن الارض ... زى اغلب دول العالم ... .و منهم مصر طبعا .. ستكون تحت رحمة الشركات المنتجة .. زى شل و بى بى و شيفرون و موبيل
و التى بدأت بالفعل فى تقليل انتاجها ... و تقليل عمليات التنقيب و الحفر و الاستخراج ... عملا بمبدأ خليه متخزن فى الارض لغاية لما يغلى

كلامك كله تمام
الخطير فى الموضوع انه كده عمليا بقى فيه سقف لسعر البترول يعنى اخره 70-80 دولار للبرميل و ده متغير جديد يمثل تحول خطير هيخدم بعدين فى اوقات الازمات. . . زى حرب كبيرة فى منطقتنا الموبوءة بالاضطرابات السياسية. . . و ده مستقبلا هيمنع ان السعر يطير مهما كان حجم الازمة
فاكر كلامى عن ايران. . . هبقى افكرك بموضوع ال shale oil ده ساعتها :-)
امريكا تعمل جاهدة على ضمان ان يستمر القرن ال 21 امريكيا كما كان النصف الثانى من القرن العشرين امريكيا. . . و واضح انها بتستف ورقها و ادواتها لكده. . . و النفط الصخرى ده احد اهم الادوات الجديدة دى

[naser_56]

نيويورك اعلنت وقف انتاج الغاز الصخري من امس تقريبا

[Imhotep]

نيويورك اعلنت وقف انتاج الغاز الصخري من امس تقريبا

ده بسبب التأثيرات البيئية و الصحية لعملية فى التنقيب اسمها fracking
Hydraulic fracturing - Wikipedia, the free encyclopedia

و ادى حيثيات القرار:
New York Decision To Ban Shale Gas Fracking Contradicts Other State Policies - Forbes

[ahmed_eng2001]

كلام حضرتك مظبوط .....
امريكا كده تكون ضمنت انتاج ما يكفيها من البترول عند الازمات .... ناس بتخطط ل 50 سنة قدام ...
الى حيضمن وجود بترول فى اراضيه هو الى .. مش حيندم لما تحصل ازمة عالمية
و زى ما ذكرت حضرتك سلفا .... اكبر الخاسرين من الموضوع ده هى روسيا ... لأنها بتبيع الغاز و البترول لأوروبا
و اقل الخاسرين دول زى عمان و فنزويلا ... و المستفيد الاكبر هى امريكا

[ahmed_eng2001]

الفراك ده عملية تفتيح المسام الموجودة فى طبقات الصخر لزيادة انتاجية الابار
و تصلح فى بعض الابار ... و لا تصلح فى اخرى
و بالفعل له اضرار بيئية ملحوظة
و من اشهر الشركات المنفذة لعمليات الفراك .... هاليبرتون .. ثم شلمبرجير ... ثم بيكر .. التى انضمت اخيرا الى هاليبرتون