إعـــــــلان

Collapse

.

,
See more
See less

البترول قاعد ينزل لتحت تحت تحت

Collapse
X
 
  • Filter
  • الوقت
  • Show
Clear All
new posts

  • #16
    ولا الهوا

    اللعب كله سياسة من أمريكا و توابعها لضرب روسيا و توابعها إقتصاديا ( و التوابع تستفيد بضرب إيران إقتصاديا)

    دول الخليج ماتفرقش معاها حاجة لما السعر ينزل لمدة سنة أو إتنين لإن إقتصادها مش قوى زى الصين و روسيا كما أن لديها إحتياطيات مالية هائلة ( السعودية سحبت الشهرين الماضيين 30 مليار دولار من الإحتياطى النقدى لأول مرة منذ عقود )

    بالنسبة لمصر مستحيل ينعكس هذا الإنخفاض على أسعار المحروقات أو السلع لإختلاف المعادلة كالآتى :
    1- المستفيد الوحيد من خفض الأسعار هو الحكومة المصرية المثقلة بالديون التريليونية و أى خفض يساعد فى تحسين العجز فى الموازنة .
    2-إنخفاض تكلفة الإستيراد مع تثبيت سعر البيع للمستهلك من شأنة تغطية جزء من ديون الهيئة العامة للبترول تجاه شركات الإنتاج .

    Comment


    • #17
      المشاركة الأصلية كتبت بواسطة imhotep مشاهدة المشاركة
      على فكرة هى مش مأساة اوى لانها حصلت قبل كده كتير

      و سنة 1999 وصل 10 دولار مع ازمة النمور الاسيوية
      و سنة 2008 وصل الى 36 دولار نزولا من 147 ثم صعد مرة اخرى الى 115 قبل الهبوط الاخير.
      اعترض مع حضرتك فى النقطة دى فقط .....

      عام 99 فقد جزء كبير من العاملين فى قطاع البترول فى مصر وظائفهم .. و تحديدا شركات الخدمات و العمالة المؤقته ... الجزء الكبير ده تقريبا ... 90 %

      و توقف تام فى عمليات الصيانة و التطوير و الاستكشاف... و شبه تام فى عمليات الحفر و الاستخراج و خدمات الابار


      سنة 2008 .. برميل البترول فى مصر تقريبا كان تمن استخراجه قرابة 16 دولار .. و الشركات بتبيعه باقل من 36 زى ما حضرتك ذكرت .. نتيجة لعدم جودة الزيت المصرى مقارنة بخام برنت ...و ده ما كنت اقصده بانها كدة كدة كسبانة ... و حدثت صدمة مؤقته فى العمليات و لم تستغرق وقتا طويلا
      و متفق مع حضرتك فى باقى النقاط
      تقبل مرورى

      Comment


      • #18
        المشاركة الأصلية كتبت بواسطة ahmedwagdy03 مشاهدة المشاركة
        ولا الهوا

        اللعب كله سياسة من أمريكا و توابعها لضرب روسيا و توابعها إقتصاديا ( و التوابع تستفيد بضرب إيران إقتصاديا)

        دول الخليج ماتفرقش معاها حاجة لما السعر ينزل لمدة سنة أو إتنين لإن إقتصادها مش قوى زى الصين و روسيا كما أن لديها إحتياطيات مالية هائلة ( السعودية سحبت الشهرين الماضيين 30 مليار دولار من الإحتياطى النقدى لأول مرة منذ عقود )

        بالنسبة لمصر مستحيل ينعكس هذا الإنخفاض على أسعار المحروقات أو السلع لإختلاف المعادلة كالآتى :
        1- المستفيد الوحيد من خفض الأسعار هو الحكومة المصرية المثقلة بالديون التريليونية و أى خفض يساعد فى تحسين العجز فى الموازنة .
        2-إنخفاض تكلفة الإستيراد مع تثبيت سعر البيع للمستهلك من شأنة تغطية جزء من ديون الهيئة العامة للبترول تجاه شركات الإنتاج .
        معترض مع حضرتك فى نقطتين ...
        الاولى ....
        بالفعل دو ل الخليج اقتصادها لا ينمو بسرعة مثل الصين و روسيا .... و لا يوجد الكثير من الصناعات التى تحتاج الى الكثير من الطاقة ....
        و لكن .. السعودية على سبيل المثال .... تحتاج الى الغاز الطبيعى المنتج تقريبا بالكامل لادارة محطات الكهرباء ... و صدق او لا تصدق ... يتوقع مشاكل فى توليد الطاقة الكهربائية فى السعودية خلال السنوات القليلة المقبلة ... نتيجة ارتفاع الطلب على الكهرباء

        سحب 30 مليار دولار من الاحتياطى .. ده معناه ان هناك عجز فى ايرادات البترول ... و استمرار هذا العجز يعنى سحب المزيد من الاحتياطى

        الثانية ....
        ديون الهيئة العامة للبترول ... اغلبها ديون داخلية ... و بالتحديد من وزارة الكهرباء .. التى تولد الكهرباء من الغاز الطبيعى و تتأخر فى سداد مديونيتها لهيئة البترول

        ده غير موضوع غريب جدا سمعناه ... انا مش متأكد منه ... قيام هيئة البترول بتجميد مديونيتها لشركات البترول داخل البنوك لعدة اشهر ... للانتفاع بالفوائد .. ثم دفعها ... و بالطبع بدون غرامات تاخير . و الاستفادة من الفوائد
        تقبل مرورى

        Comment


        • #19
          المشاركة الأصلية كتبت بواسطة ahmed_eng2001 مشاهدة المشاركة
          اعترض مع حضرتك فى النقطة دى فقط .....

          عام 99 فقد جزء كبير من العاملين فى قطاع البترول فى مصر وظائفهم .. و تحديدا شركات الخدمات و العمالة المؤقته ... الجزء الكبير ده تقريبا ... 90 %

          و توقف تام فى عمليات الصيانة و التطوير و الاستكشاف... و شبه تام فى عمليات الحفر و الاستخراج و خدمات الابار


          سنة 2008 .. برميل البترول فى مصر تقريبا كان تمن استخراجه قرابة 16 دولار .. و الشركات بتبيعه باقل من 36 زى ما حضرتك ذكرت .. نتيجة لعدم جودة الزيت المصرى مقارنة بخام برنت ...و ده ما كنت اقصده بانها كدة كدة كسبانة ... و حدثت صدمة مؤقته فى العمليات و لم تستغرق وقتا طويلا
          و متفق مع حضرتك فى باقى النقاط
          تقبل مرورى
          انا لما قلت انها مش مأساة كان قصدى مش مأساة بالنسبة للدول عشان كده وضحت الوضع المالى للاحتياطيات النقدية للدول المتأثرة. . . و لسه كان فى مؤتمر صحفى لبوتين من كام يوم قال فيه ان الدنيا هترجع زى ما كانت خلال سنتين و ده فعلا حقيقى حسب الدورة الاقتصادية الحالية
          اما بالنسبة للعمالة فهى طبعا مأساة زى ما حضرتك وضحت دى مفيش عليها خلاف. . . كل الحكاية انا كنت بتكلم ماكرو مش ميكرو :-)
          احنا بقى يا عزيزى وقود اللعبة . . . لعبة الامم. . . ذلك الوقود الذي دائما ما يحترق فى الازمات و لا يستفيد دائما من المنافع. . . و ده من قواعد اللعبة الاساسية

          Comment


          • #20
            المشاركة الأصلية كتبت بواسطة imhotep مشاهدة المشاركة
            انا لما قلت انها مش مأساة كان قصدى مش مأساة بالنسبة للدول عشان كده وضحت الوضع المالى للاحتياطيات النقدية للدول المتأثرة. . . و لسه كان فى مؤتمر صحفى لبوتين من كام يوم قال فيه ان الدنيا هترجع زى ما كانت خلال سنتين و ده فعلا حقيقى حسب الدورة الاقتصادية الحالية
            اما بالنسبة للعمالة فهى طبعا مأساة زى ما حضرتك وضحت دى مفيش عليها خلاف. . . كل الحكاية انا كنت بتكلم ماكرو مش ميكرو :-)
            احنا بقى يا عزيزى وقود اللعبة . . . لعبة الامم. . . ذلك الوقود الذي دائما ما يحترق فى الازمات و لا يستفيد دائما من المنافع. . . و ده من قواعد اللعبة الاساسية
            فاهم وجهة نظر حضرتك طبعا ... فهى بالفعل مش مأساة على الدول .... بس انا حبيت اوضح انها مأساة على ناس كتير قعدت فى البيت كام شهر

            و انا متفق مع كلام حضرتك فى موضوع ان احنا الوقود الى بيتحرق فى الازمات و بالفعل لا يستفيد من المنافع .... عارف حضرتك ليه ؟!

            علشان احنا مش لاعبين اساسيين ... احنا الصنايعية .. مش اصحاب راس المال
            على الرغم من اننا معانا الفلوس .... معانا الارض .. معانا البترول ... بس مفيش دماغ تفكر للمصلحة العامة .. مفيش دماغ تفكر صح

            انا سعيد بالحوار مع حضرتك
            تقبل مرورى

            Comment


            • #21
              اسعار البترول مجرد بيدق علي لوحه شطرنج بين اثنين محترفيين (امريكا و روسيا)

              Comment


              • #22
                المشاركة الأصلية كتبت بواسطة ahmed_eng2001 مشاهدة المشاركة
                فاهم وجهة نظر حضرتك طبعا ... فهى بالفعل مش مأساة على الدول .... بس انا حبيت اوضح انها مأساة على ناس كتير قعدت فى البيت كام شهر

                و انا متفق مع كلام حضرتك فى موضوع ان احنا الوقود الى بيتحرق فى الازمات و بالفعل لا يستفيد من المنافع .... عارف حضرتك ليه ؟!

                علشان احنا مش لاعبين اساسيين ... احنا الصنايعية .. مش اصحاب راس المال
                على الرغم من اننا معانا الفلوس .... معانا الارض .. معانا البترول ... بس مفيش دماغ تفكر للمصلحة العامة .. مفيش دماغ تفكر صح

                انا سعيد بالحوار مع حضرتك
                تقبل مرورى
                تمام
                اللى اخترع مصطلح رأس المال ده شيطان مش بنى ادم. . . فكأنه بيشبه المال بكائن له عقل مستقل يفكر و يتصرف
                عشان كده نظرية اقتصادية وسياسية كاملة هى النظرية الشيوعية تم صكها كمحاولة لتقويض الفكرة دى. . . فكرة سيطرة رأس المال. . . و للمفارقة كارل ماركس ملقيش غير المصطلح ده بعينه عشان يسمى بيه الكتاب اللى شرح فيه النظرية الشيوعية و هو كتاب Das Kapital
                ازمة النمور الاسيوية اللى انا ذكرتها كمثال نزلت فيه اسعار البترول للارض كان السبب فيها شخص واحد. . . ملياردير معروف اسمه سوروس يمثل كل جشع و استغلال رأس المال. . . لما امريكا لقت ان دول شرق اسيا بتنمو اقتصاديا بشكل مش طبيعى فكرت تعملهم ازمة تبطئ من نمو الدول دى و كمان عشان تبقى جرس انذار لهم . . و قد كان. . . و دخل سوروس يضارب على عملات الدول دى لغاية ما جابها الارض و كانت الازمة. . . اللى سمى امريكا الشيطان الاعظم كان فاهم سياسة كويس :-) بس رغم كده هى فى النهاية دولة تحاول حماية مصالحها و ضمان زعامتها للعالم لاطول مدة ممكنة بأستخدام كل الادوات المتاحة
                السعادة بالحوار البناء متبادلة يا عزيزى

                Comment


                • #23
                  المشاركة الأصلية كتبت بواسطة imhotep مشاهدة المشاركة
                  انا لما قلت انها مش مأساة كان قصدى مش مأساة بالنسبة للدول عشان كده وضحت الوضع المالى للاحتياطيات النقدية للدول المتأثرة. . . و لسه كان فى مؤتمر صحفى لبوتين من كام يوم قال فيه ان الدنيا هترجع زى ما كانت خلال سنتين و ده فعلا حقيقى حسب الدورة الاقتصادية الحالية
                  اما بالنسبة للعمالة فهى طبعا مأساة زى ما حضرتك وضحت دى مفيش عليها خلاف. . . كل الحكاية انا كنت بتكلم ماكرو مش ميكرو :-)
                  احنا بقى يا عزيزى وقود اللعبة . . . لعبة الامم. . . ذلك الوقود الذي دائما ما يحترق فى الازمات و لا يستفيد دائما من المنافع. . . و ده من قواعد اللعبة الاساسية
                  ممكن اعرف من حضرتك يعنى اية كلام بوتين هاترجع زى ماكانت الدنيا وماتاثيرة على الاقتصاد المصرى
                  وهل السلع ستزيد
                  الحمد للة

                  Comment


                  • #24
                    المشاركة الأصلية كتبت بواسطة dedi مشاهدة المشاركة
                    ممكن اعرف من حضرتك يعنى اية كلام بوتين هاترجع زى ماكانت الدنيا وماتاثيرة على الاقتصاد المصرى
                    وهل السلع ستزيد
                    هو كان قصده على التأثيرات الاقتصادية السلبية اللى حصلت و هتحصل لاقتصاد بلده بسبب تدنى اسعار البترول. . . هى دى اللى هتتلاشى خلال سنتين. . . التأثير على الاقتصاد المصرى مش هيحس بيه المواطن العادى لان اسعار السلع و الخدمات بيحددها التجار و المستوردين بلا رقابة و دول مصلحتهم ان الاسعار تظل فى اتجاه واحد فقط هو الصعود . . . لكن الموضوع هيفرق فى ميزانية الحكومة لانه هيشيل شوية من الضغط الناتج عن دعم المحروقات و اسعار الطاقة و ده فى النهاية هينعكس ايجابا على الموازنة العامة للدولة لانه هيقلل العجز فى الموازنة و يبطئ من نمو الدين العام . . . و فى اخت هنا عايشة فى الخليج قالت فى تعليقها ان حتى المواطن الخليجى مش بيحس بحاجة فى اسعار السلع و الخدمات سواء سعر البترول ارتفع او انخفض لان ده بينعكس على الاقتصاد الكلى للدولة اكتر من انه يبان له اثار على المواطن . . . بس ده فى الدول اللى زينا. . . اما فى اوروبا و امريكا فطبعا المواطن هيهيص لان سعر جالون البنزين عنده متغير من يوم ليوم. . . فلما يلقى انه بيفول عربيته بتخفيض 30-50 % هيهيص. . . و مصائب قوم عند قوم فوائد :-)

                    Comment


                    • #25
                      المشاركة الأصلية كتبت بواسطة imhotep مشاهدة المشاركة
                      التأثير على الاقتصاد المصرى مش هيحس بيه المواطن العادى لان اسعار السلع و الخدمات بيحددها التجار و المستوردين بلا رقابة و دول مصلحتهم ان الاسعار تظل فى اتجاه واحد فقط هو الصعود . . . لكن الموضوع هيفرق فى ميزانية الحكومة لانه هيشيل شوية من الضغط الناتج عن دعم المحروقات و اسعار الطاقة و ده فى النهاية هينعكس ايجابا على الموازنة العامة للدولة لانه هيقلل العجز فى الموازنة و يبطئ من نمو الدين العام .
                      كلام رائع و انا اؤيده جملة و تفصيلا ....

                      ما اتمناه .... ان الحكومة .. تستفيد من فرق السعر ده فى شيئ مفيد .. فمثلا .. يتم التعاقد من الان على حصة الثلاث الشهور المقبلة ... او يتم الاستفادة بها فى حاجة واضحة و ملموسة و يستطيع ان يستفيد منها اكبر قدر من الناس ..
                      م مخبيش على حضرتك .... انا مش متفائل خالص

                      Comment


                      • #26
                        المشاركة الأصلية كتبت بواسطة أحمد كمال مشاهدة المشاركة
                        القرم في اوكرانيا مفيهاش وقود و لا نيلة ....... القرم موقع استراتيجي على البحر الاسود فقط لا غير


                        من الاخر روسيا بتستوي على نار هادية دلوقتي عالجنبين ........ بالشفا يا بوتين باشا ........ شفيتم
                        علي عهده ال RT

                        • ال Crimea فيها غاز طبيعي و اوكرانيا كانت بتصدره لباقي دول اوروبا ده غير انها منطقه سياحيه جميله

                        • لما انضمت ال Crimea لروسيا قام بوتين عمل اتفاقيه مع الصين لتصدير الغاز ده ... فلوس غاز ال Crimea بقت في جيب بوتين + تقارب اكبر مع الصين

                        • روسيا من اكبر الدول من حيث احتياطي الدهب و اليورو ... يمكن عشان كده بوتين مش في دماغه ان الروبل بقي كل يوم في النازل

                        Comment


                        • #27
                          المشاركة الأصلية كتبت بواسطة ahmed_eng2001 مشاهدة المشاركة
                          كلام رائع و انا اؤيده جملة و تفصيلا ....

                          ما اتمناه .... ان الحكومة .. تستفيد من فرق السعر ده فى شيئ مفيد .. فمثلا .. يتم التعاقد من الان على حصة الثلاث الشهور المقبلة ... او يتم الاستفادة بها فى حاجة واضحة و ملموسة و يستطيع ان يستفيد منها اكبر قدر من الناس ..
                          م مخبيش على حضرتك .... انا مش متفائل خالص
                          هو فعلا تعاقدات البترول بتبقى بعقود آجلة تبدأ من شهر حتى خمسة شهور. . . و الدول الناصحة فعلا مش تعمل تعاقدات و بس بالاسعار المتدنية دى لأ كمان تشترى و تخزن و الصين بتعمل كده بأمتياز. . . و عندك حق الا تتفاءل من تصرفات حكوماتنا لاننا لا نتقن التخطيط الجيد الطويل المدى. . . ده حتى فى بورصة الحبوب العالمية مجرد ما يتعرف ان مصر داخلة تشترى قمح السعر بيرتفع :-) لاننا بنخش نشترى كميات مهولة مرة واحدة و ننام بعدها مدة كبيرة. . . طيب يا فالحين ما توزعوا الشراء على ال 12 شهر بحيث نشترى كميات اصغر لا تسبب زيادة فى السعر. . . لأ مبيعملوش كده. . . و الكلام ده من عشرات السنين

                          Comment


                          • #28
                            المشاركة الأصلية كتبت بواسطة باسم يوسف مشاهدة المشاركة
                            علي عهده ال rt

                            • ال crimea فيها غاز طبيعي و اوكرانيا كانت بتصدره لباقي دول اوروبا ده غير انها منطقه سياحيه جميله

                            • لما انضمت ال crimea لروسيا قام بوتين عمل اتفاقيه مع الصين لتصدير الغاز ده ... فلوس غاز ال crimea بقت في جيب بوتين + تقارب اكبر مع الصين

                            • روسيا من اكبر الدول من حيث احتياطي الدهب و اليورو ... يمكن عشان كده بوتين مش في دماغه ان الروبل بقي كل يوم في النازل
                            اللى اهم من كل ده ان شبه جزيرة القرم هى منفذ روسيا الوحيد على البحر الاسود و فيها يتمركز اسطول البحر الاسود الروسى. . . اضف لكده انها اساسا جزء من روسيا و قامت فى زمن ماضى بوضعها تحت السيطرة الاوكرانية. . . عشان كده اول ما حصل قلق فى اوكرانيا بوتين قالك انا هرجع ما يخص روسيا و هو شبه جزيرة القرم و بعد كده يحصل اللى يحصل فى اوكرانيا. . . و كان عنده استعداد يدخل حرب مع الناتو لو حد حاول يمنعه و لان الغرب عارف كده كويس اكتفوا بالبرطمة و البعبعة و بس

                            Comment


                            • #29
                              بصراحة حوار ممتع والواحد بيستفاد بالخلاصة
                              الحمد للة

                              Comment


                              • #30
                                المشاركة الأصلية كتبت بواسطة imhotep مشاهدة المشاركة
                                هو فعلا تعاقدات البترول بتبقى بعقود آجلة تبدأ من شهر حتى خمسة شهور. . . و الدول الناصحة فعلا مش تعمل تعاقدات و بس بالاسعار المتدنية دى لأ كمان تشترى و تخزن و الصين بتعمل كده بأمتياز. . . و عندك حق الا تتفاءل من تصرفات حكوماتنا لاننا لا نتقن التخطيط الجيد الطويل المدى. . . ده حتى فى بورصة الحبوب العالمية مجرد ما يتعرف ان مصر داخلة تشترى قمح السعر بيرتفع :-) لاننا بنخش نشترى كميات مهولة مرة واحدة و ننام بعدها مدة كبيرة. . . طيب يا فالحين ما توزعوا الشراء على ال 12 شهر بحيث نشترى كميات اصغر لا تسبب زيادة فى السعر. . . لأ مبيعملوش كده. . . و الكلام ده من عشرات السنين
                                يا ريت تيجى على عدم التخطيط فقط ... مفيش عدم تخطيط متعمد بالشكل ده و طول الفترة دى ...

                                الامر لا يخلو من فساد مالى كبير فى مختلف القطاعات

                                Comment

                                Working...
                                X