شغل فى بنك مصر

[SeiffoZ]

واحد صاحبى معروض عليه شغل فى الادارة الهندسية فى بنك مصر، مهندس مدنى.

حد بيشتغل فى بنك مصر هنا يقولى ايه مميزات البنك والشغل فيه واوضاعه ايه بالضبط؟؟

[amr011111]

لو المرتب المعروض عليه كويس خليه يروح
بس هوه كده هيشتغل مهندس مالك يعنى الخبره اللى هيكتسبها هتبقى قليلة جداً وهوه اللى هيفيد الشغل مش الشعل هوه اللى هيفيده وخاصة لو كان فيه استشارى مالك يبقى هوه اخره هيمضى مستخلصات وبالتوفيق

[Mecha]

شغلانة انتخة ,موظفين البنك بيشتغلو خمس ساعات ونص ,خمس تيام ف الاسبوع ,لو بيدفعوا حلو يتوكل ع الله ويلوشها ويغني حياته تعبت من البغددددددده

[hugan]

يشتغل بلا تردد

[SeiffoZ]

غالبا هيبدا من 2500 جنيه شهريا

[Bassem Youssef]

طالما المرتب كويس و شروط العمل جيده خليه يتوكل علي الله

[حسام الغرباوي]

طبعا يشتغل بلا تردد


شغل مريح جدا ..وضع اجتماعي وبرستيج ..انتخه ...يومين اجازة + الاجازت الرسمية في البنك بتكون اكتر من الاجازات العادية

مرتب كويس جدا ( المحاسب بيبدأ براتب 2500 وفي توزيع ارباح يعني بيوصل 3000 ..اعتقد مرتبه هيعدي 4000 مستريح )


بيطلع عربية بدون فوائد + ليهم رحلات حج وعمرة مجانا + ليهم اجازات سنوية مدفوعة الراتب + يقدر ياخد كورسات علي حساب البنك ...الخ

[canner]

خليه يتكل على الله طبعا هى دى عاوزه كلام

[SeiffoZ]

شكرا جزيلا يا جماعة

[homme49]

فى رأى الشخصى يقبل العمل مؤقتا حتى يجد مكان أفضل يحصل منه على خبرة مع الأخذ فى الإعتبار أن العمل فى بنك بالنسبة لمهندس كالعمل لمحاسب فى شركة صناعية
سوف تكون مكانتك دائما فى الدرجة الثانية .
و لا تعتقد أن البنك مكان مناسب لمهندس أو طبيب من حيث إكتساب خبرة عملية فى مجال تخصصه .
و أخشى أن يأخذك الوقت ( يسرقك الوقت) و تعتاد على الراحة فى الوقت الأمثل لبذ ل العرق و الجهد لعمل مستقبل .

لاحظ أن بنك مصر ========= قطـــــــــــــــــــــــاع عـــــــــــــــــــــــــــــــــــــــام ===============

[SeiffoZ]

فى رأى الشخصى يقبل العمل مؤقتا حتى يجد مكان أفضل يحصل منه على خبرة مع الأخذ فى الإعتبار أن العمل فى بنك بالنسبة لمهندس كالعمل لمحاسب فى شركة صناعية
سوف تكون مكانتك دائما فى الدرجة الثانية .
و لا تعتقد أن البنك مكان مناسب لمهندس أو طبيب من حيث إكتساب خبرة عملية فى مجال تخصصه .
و أخشى أن يأخذك الوقت ( يسرقك الوقت) و تعتاد على الراحة فى الوقت الأمثل لبذ ل العرق و الجهد لعمل مستقبل .

لاحظ أن بنك مصر ========= قطـــــــــــــــــــــــاع عـــــــــــــــــــــــــــــــــــــــام ===============

وده شئ وحش انه يكون قطاع عام؟؟

[homme49]

وده شئ وحش انه يكون قطاع عام؟؟

القطاع العام و الحكومى فى مصر له ثقافة خاصة به لايشعر بها الا من جرب العمل مع بيئات أخرى
و بدون ان بدرى سوف يتأثر من عمل فى هذه البيئة بالقيم السادة فى ذلك المناخ و يصعب عليه بعد فترة التخلص من سلبياتها لو إنتقل لبيئة أخرى أكثر ديناميكية .

[ahmedwagdy03]

زى ما قالوا فوق

شغلة أنتخة بس خبرة ضعيفة جدا

[homme49]

زى ما قالوا فوق

شغلة أنتخة بس خبرة ضعيفة جدا

ليس ذلك فقط - ما أقصده بالقيم المشتركة لثقافة ذلك المناخ كل ما يرتبط بها من عادات و تقاليد سلبية
من مكائد و نميمة و إغتياب و تجسس و التدخل فى شئون الغير و ذلك بسبب الفراغ و المحسوبية و تملق
الرؤساء للحصول على تقارير ممتازة .