حد يفسرلي وصل الكهربا دا

[حسام الغرباوي]

السلام عليكم

انا موصل في شقتي الجديدة عداد كهربا من حوالي 10 شهور تقريبا علي ما اتذكر ...بس طبعا مكنش شغال تقريبا عشان مكنتش لسة اتجوزت ..واتجوزت من اربع شهور وكنت مشغل المكيف 24 ساعة طول الشهر غير الميكرويف والتلاجة و و و و

المهم من شهرين ببص لقيت قراية العداد 1200 كيلو تقريبا !!!!

طلبت من بتوع الكهربا وصولات لان مكنش جالي ولا وصل ومكنش جه ولا وصل لحد النهاردة جالي الوصل دا !!




فانا مش عارف علي اي اساس في قراية سابقة وازاي دفعت 6 جنية ؟؟
وازاي اصلا هو عامل القراية كدا بالرغم ان القراية الحقيقة 1200 ؟؟

[Bassem Youssef]

#وطن_العك

[ali ashraf]

اتعملت فيه قبك

أهلا أهلا يوههههههههههههههه أتعمل معى كده كتير و جهز نفسك لعك كتير و تكتب شكاوى كتير و فى الآخر هتدفع.....كان واحد من الأعضاء الظرفاء لما كتبت ان فاتورة الكهرباء جائت 1835 جنية ينطح جنية (و زى ما الكل راسى فى الصيف كانت الكهرباء تيجى ساعة و تقطع اتنين) كتب تعليق الفلوس دى على الكهرباء اللى جت و لا اللى مجتش....أهلا بك فى نادى العك الكهربائى

[Imhotep]

دى بتبقى قراية متوسط لغاية ما ياخد القراءة الفعلية. . . بتوع الكهربا بيسموها قراءة اعتبارية. . . و دى بقى معمولة مخصوص عشان تلبس الناس فى الحيط لانها بتخرجهم من فئة محاسبية الى فئة اخرى لما الباشا الكشاف يكسر كام شهر ما ياخدش القراية و ييجى بعد كده ياخدها مجمعة مرة واحدة تلاقى الكيلو واقع عليك فى اعلى شريحة سعرية. . . نظام سرقة علنى و بيصرفوا منه ارباح كمان للاسف على حسابنا و يقولك شركات الكهربا بتخسر و الكهربا مدعومة. . . قصة القراءة الاعتبارية دى بقالها سنين طويلة شغالة بس الناس لم تبدأ ملاحظتها الا مع رفع اسعار شرائح الكهربا. . . ساعتها بس الناس بقت تشوف الوصل تتكهرب :-)
بس فداك اى حاجة و الف مبروك :-)

[ali ashraf]

الف مبروك

آسف الكلام لاهانى الف مبروك الزواج و بالرفاء و البنين

[حسام الغرباوي]

ماشي بس علي كلامكم يبقي كدا الوصل لحد دلوقتي في صالحي ؟؟؟


يعني علي اعتبار انها قراية متوسطة ...فأنا اصلا مجليش ولا وصل قبل كدا ومدفعتش اي كهربا نهائي من وقت تركيب العداد ..واللي اعرفه ان الواحد بيكون دافع حوالي 100 جنية مقدم


طب ما كدا يبقي العك في صالحي لانه محاسبني علي 765 كيلو ...دفعت 105 جنية فقط لا غير ؟؟؟

يعني كدا اكفي علي الخبر ههههههه

دنا كنت راصد مبلغ 600 جنية على شهرين عشان اسدد :d

[ali ashraf]

متفرحش قوى

متفرحش قوى , و أستنى على رزقك, أسالنى أنا , بكره هتجيلك فاتورة ......ربك يسترها

[assaf]

مكتوب حاجه غريبه( دفعات مقدمه) دا معناه ان ليك فلوس عندهم وبيخصموا منها و الله اعلم
انا كان عندي شقه مقفوله كنت بروح شركه الغاز و ادفع دفعات مقدمه وهما يخصموا منها

[حسام الغرباوي]

متفرحش قوى , و أستنى على رزقك, أسالنى أنا , بكره هتجيلك فاتورة ......ربك يسترها

بص هو مش مشكلة اللي جاي بس الوصل دا انا هحتفظ بيه اني سددت عن 765 كيلو ...بعد كدا الموضوع بسيط

اصلا المحصل مبيجيش احنا بنتصل بيه نقلو القراية فعادي هههههههههههههه المرة الجاي هقلة اعملي القراية 850 كيلو وكدا كدا الشقة حاليا مقفولة

[حسام الغرباوي]

مكتوب حاجه غريبه( دفعات مقدمه) دا معناه ان ليك فلوس عندهم وبيخصموا منها و الله اعلم
انا كان عندي شقه مقفوله كنت بروح شركه الغاز و ادفع دفعات مقدمه وهما يخصموا منها

منا اخدت بالي بس ازاي فلوس وانا دافع بس تكاليف العداد


بخصوص الغاز انا بدفع 5 جنية تقريبا

[احمد المصرى]

انا مش شايف ان فى مشكله خالص تقريبا انت مغير العداد قريب لاى سبب ودافع مبلغ تحت الحساب او كان بيجيلك متوسط عالى كفلوس ولما ركبوا العداد الجديد خلى المبلغ ال انت دفعته دا رصيد عندهم وبيتخصم منك


يعنى الفاتوره بتاعتك ب 60.60 جنيه + 5 جنيه تسويه واقساط + 2 جنيه نظافه يعنى المجموع = 67.6 جنيه يخصم منها دفعات مقدمه ال هيا 63.58 يبق الباقى المفروض 4 جنيه

بس هل انت فعلا مغير العداد قريب

[حسام الغرباوي]

انا مش شايف ان فى مشكله خالص تقريبا انت مغير العداد قريب لاى سبب ودافع مبلغ تحت الحساب او كان بيجيلك متوسط عالى كفلوس ولما ركبوا العداد الجديد خلى المبلغ ال انت دفعته دا رصيد عندهم وبيتخصم منك


يعنى الفاتوره بتاعتك ب 60.60 جنيه + 5 جنيه تسويه واقساط + 2 جنيه نظافه يعنى المجموع = 67.6 جنيه يخصم منها دفعات مقدمه ال هيا 63.58 يبق الباقى المفروض 4 جنيه

بس هل انت فعلا مغير العداد قريب

انا مش مغير عدادا ...انا مركب عداد جديد خالص لان الشقة لسة مبنية ومتركببلها عداد جديد ديجيتال كان متصفر يوم ما ركب !!

[احمد المصرى]

انا مش مغير عدادا ...انا مركب عداد جديد خالص لان الشقة لسة مبنية ومتركببلها عداد جديد ديجيتال كان متصفر يوم ما ركب !!

امال دفعات مقدمه دا ايه ؟؟؟؟؟؟؟؟؟؟ غريبه جدااااااااااااا لا مش فاهم بصراحه بس اعتقد لازم تظبط الدنيا بسرعه بدل ما تلاقى نفسك دافع مبلغ على 1200 كيلو دول بدون سبب منك على الاقل قسطهم فى الشتاء لحد الصيف يعنى كل شهر يحسبلك مثلا 350 كيلو لحد لما يخلصوا والقرايه تتظبط مع الفعلى

[حسام الغرباوي]

امال دفعات مقدمه دا ايه ؟؟؟؟؟؟؟؟؟؟ غريبه جدااااااااااااا لا مش فاهم بصراحه بس اعتقد لازم تظبط الدنيا بسرعه بدل ما تلاقى نفسك دافع مبلغ على 1200 كيلو دول بدون سبب منك على الاقل قسطهم فى الشتاء لحد الصيف يعنى كل شهر يحسبلك مثلا 350 كيلو لحد لما يخلصوا والقرايه تتظبط مع الفعلى

الدفعة المقدمة دي بتأكد كلامي لان لما اي حد يطلع عداد كهربا جديد بيدفع حوالي 100 جنية او 150 جنية تقريبا دفعة مقدمة


انا اللي مش فاهمة ازاي ان دا اول وصل ومكتوب فيه اخر قراية 450 كيلو تقريبا واني محاسب عليها مع اني مدفعتش ولا وصل وبقالي شهرين اقلهم يجيبولي الوصولات ؟؟


عموما انا كنت حاطط الصور قلت يمكن انا مش فاهم النظام او كدا بس تقريبا هو في مشكلة هتبان في الوصل اللي جاي


ربنا يستر