استكمالا لقصتي

[مداح القمر]

[sor2]http://im44.gulfup.com/eifGPC.png[/sor2]

دي مشكلتي اللي عرضتها من فترة في المنتدى تقريبا شهر 11 سنه 2013 ....
التطورات اللي حصلت بعدها ان ناس قرايب مراتي حاولوا يصلحوا بينا وبعد مشاوارات و نقاشات و قعدات
وافقت اني ارجعها تاني بعد الاعتذار للحاجة امي وكله عشان خاطر بنتي ....
واتفاجئ انها رافضة الصلح الا لو امي ماتعيشي معانا ....!!
يعني بالبلدي عايزاني ابيع امي .
نبرة الثقة عندها حصلت بعد ما رجعت شغلها تاني و بقى معاها مرتبها و مش حتعتمد على حد
وللاسف انها ماشية وراء كلام امها وللاسف اكتر ابوها مالوش اي كلمة عليهم لدرجة ان النقاشات بتدور بيني
وبين امها .
المهم قولتلها البيت موجود عايزة ترجعي اهلا و سهلا مش عايزة انتي حرة ...
وعشان ارضي ربنا كنت ببعتلها في حسابها في البنك كل شهر مبلغ 1000 جنيه مصاريف بنتي
لغاية الشهر ده ... وكل ده هي في حالها وانا في حالي حتى ساعات بنقابل بعض في الشغل ولا كأننا نعرف بعض
طبعا امي حالتها يصعب على الكافر لانها حاسه ان عمرها قرب و انها حتسيبني من غير ما واحدة ست تبقى معايا.

الموضوع كان ماشي كده لغاية امبارح لقيت محضر جايبلي جواب ان مراتي رافعة عليا قضية نفقة !!
السؤال هنا ...
تنصخوني بايه ؟؟
اعملها قضية طاعة و نقضيها محاكم بالشهور ة السنين ؟؟
ولا اعمل ايه .
هي بتعبد المال و تفسها اني تطلقها عشان ادفعلها المؤخر و اللذي منه .
وانا استحالة حطلقها لو شافت حلمة ودنها .
نسيت اقول اني مش عامل قايمة بالعفش على نفسي .
وهي كانت بتروح الشقة من ورايا تنقل حاجتها شوية بشوية و انا سبتها تعمل كده على اساس انها حاجتها
وحاطط في دماغي ان خلاص العيشة بينا مستحيلة ...
اعمل ايه ؟؟

[حسام الغرباوي]

بعيدا عن اي شيء عايز اقولك انك راجل محترم وربنا هيباركلك في بنتك وفي حياتك ويكفي برك بوالدتك ومعاملتك لزوجتك حتى وهي في بيت اهلها من ارسالك لمصاريف ليها او انك تسيبها تاخد حاجتها

ربنا يسهلك امورك

[samyyousef]

لاشك ان بر الوالدين و تحديدا الام شئ عظيم امرنا به الله
و من ضمن ما امرنا به الله الامساك بمعروف او التسريح باحسان....فلو حضرتك كرهتها و استحالت العشرة بينكما فلا داعي لامساكها اضرارا بها...فانا اختلف معك فيما ذكرته عن انك لن تطلقها...
اما سكة القضايا فلا انصحك بها...فالرجل في القضايا الزوجية خاسر خاسر....خسارة مادية و معنوية...فمن يسلك طريق المحاكم في مثل تلك القضايا سيخسر ماديا اتعاب المحامي و سيخسر معظم قضاياه ..فلا يمكن لمحكمة ان ترفض قضية نفقة زوجية......الخ...اهم خسارة ان الطفلة ستتيتم و ابوها عايش...قد تكون مداخلتي صادمة...لكنها نصيحة

[hh]

دلوقتي أنت بنفسك بتقول ان رجوعكم لبعض مستحيل و ان العشرة انتهت و انت مش حتسامحها و هي كمان واضح انها مش متقبلة الحياه معاك بظروفك. ايه الفكرة بقى انك رافض تطلقها؟؟؟ انت كدة اللي غلطان و بتوصل المواضيع للمحاكم و المشاكل اللي حتخليك تخسر بنتك للأبد ده غير انك قدام ربنا ظالم و عليك اثم كبير.

الصح انك تقعد مع ابوها و تتفق معاه على الطلاق و على حقوقها بالظبط و النفقة و كل حاجة ده يتوثق بورق عشان ميرجعوش يغيروا كلامهم و يرفعوا قضايا تاني. و مهم تحسم في القصة دي انها موضوع الشقة عشان هي حاضنة

انما بالوضع الحالي انت غلطان طبعا و مسيطرة عليك روح الانتقام اللي مش حتفيدك بحاجة

[hugan]

طلقها بالاتفاق بدلا من لمحاكم
لامؤاخذه يعني
ست زي دي تغور في داهيه
بس الاءهم انك تاخد بنتك لو مقابل فلوس تدفعها ليها
عايز اقولك انها هاتتجوز بعد 3 شهو واستيفاء العده

[MuhamedNabil]

نصيحة اخرج من الموضوع ده بهدوء و بدون تصعيد للامور اكتر من كده عشان ده بيسبب متاعب بعد كده فى انك تشوف بنتك و تخرجها و تيجى تعد معاك كام يوم كل شهر.
و الانطباعات الممكن الام تديها للبنت عنك

الكلام ده حصل مع واحد زميلي فى الشغل و حاليا بنته مع امها بره مصر خرجوا بدون علمه و بقاله سنة او اكتر مشافش بنته.

الحاجة الممكن تعملها كمان انك تبلغ فى الجوازات تقريبا ان البتن متسافرش بدون موفقتك, دى حاجة المحامى تقريبا بيعملها و الافضل انك متجبش سيرة لحد بيها

[Ahmed_selmy]

قلبى عندك والله
انا رأى مع رأى الزملاء فى انك تتكلم مع ابوها بهدوء وتتفقوا على كل حاجه .....ومتحاولش تديها اكتر من حقها او تضعف ....لازم يبقوا شايفين ان قوى والموضوع مشفارق معاك
ولو الدنيا ممشيتش معاهم ودى ابقى الجاء للقضاء بقى

[مُصْطٓفٓى]

في البداية توكل على الله في كل خطوة وانتوى بما تفعله الخير لهذه الأسرة
ولا تنتوى أبدا الإنتقام أو الظلم ثم داوم على الإستغفار ففيه الخير الكثير

بعد ذلك أنصحك بعدم المبالاة وأقصد هنا التظاهر بذلك أو بمعنى آخر "التقل"
مطالبتك المستمرة بحضانةابنتك والتي لن تحصل عليها لا بالقانون ولا بالعرف ستكون بمثابة اعطائك سلاح لزوجتك ولأهلها
وأقول أهلها لأنهم بأي حال من الأحوال سيكونون في صف ابنتهم
ستستمع إلى كثير من المشتتات مثل طلبهم للطلاق وأنها ستتزوج بآخر بعد اكتمال العدة مباشرة وأن زوجها الجديد سيربي ابنتكم لا قدر الله
مجرد كلام من باب اظهار الأسلحة في وجهك
وتأكد تماما أن المطلقة التي معها اطفال ليست مطلوبة للزواج بالمقارنة مع البكر أو حتى مع المطلقات

أعود وأكرر انتوى الخير في كل خطوة وتوكل على الله
الأمر الآخر أن ما دار في محادثاتها مع صديقاتها مقبول جدا نظرا لأنها تعيش في حياة زوجية لا ترضيها نظرا لوجود والدتك معها
الأهم أنها لا تتلفظ بذلك أمامك أو أمام والدتك

ارفض الطلاق جملة وتفصيلا ولا تفكر فيه بأي حال من الأحوال
بنتك حتكبر وحيفهموها ان حضرتك اللي طلقت وهي اضطرت لتتزوج بآخر
خليها تطلب الخلع وخلي موضوع الطلاق - لا قدر الله - يكون بالشكل ده
لكن لا تبادر أنت بذلك

قلل المبلغ الشهري لأقل شئ يعني مثلا 300 جنيه
لأن مبلغ ألف جنيه حيشجعها أنها تفضل في بيت أهلها

توقف عن مكالماتهم بشكل تدريجي حتى تنقطع تماما ولا تسأل عن ابنتك تماما بعد ذلك - قلنا أن ذلك مجرد تظاهر
فكر في الزواج بأخرى سواء بالتظاهر أو بالحقيقة فذلك من حقوقك

تضرع إلى الله بإصلاح ذلك البيت وليس بأن تنتصر عليها
أدعو اله بأن زرجتك ربنا يهديها وترجع بيتها

تأكد أن حل مشكلتك بيد الله وحده فانتوي الخير لله واظهر لله منك الخير كله

[مُصْطٓفٓى]

احنا طبعا مسمعناش المشكلة غير من حضرتك
وده مش صح لكننا نتوقع منك أن تكون صادقا لأنك تبتغي حل مشكلتك

نسيت أذكر لك أنه أحيانا تكون المشكلة غير متعلقة بظاهرها
يعني حضرتك بتقول إنها غضبانة من وجود والدتك
وقد تكون المشكلة أصلا في غير ذلك واعذرني إني حقول الكلام ده
مثلا ممارسة الحب بشكل غير جيد أو قلته من الممكن أن تكون هي السبب الرئيسي
وغير ذلك مشاكل ثانوية وتتحجج بها
لأنها تستحي من اظهار هذه المشكلة مهما وصل بها الحال من سوء المعاملة

قد يكون البخل او عدم الاهتمام او قلة الكلام الحسن او قلة الشكر او قلة الفسح او غير ذلك

فابحث عن المشكلة الأساسية حتى وان ظهرت لك ان مشكلتك في وجود والدتك معكم

[amr011111]

للأسف هى مش مقدرة النعمه اللى هى فيها وأبوها وأمها مش هيعيشولها طول العمر وهى بتلوى دراعك بالبنت
ومهما حاولت انك تعدل دماغها مش هتعرف واللى بينضر فى الموضوع ده الابناء ليس إلا
وتلاقى ان الزوج رغم ان فى ايده يتجوز على مراته ويعيش حياته مع واحده تانيه الا انه بيقدم مصلحة ابناءة وبيجى على نفسه ولكن الزوجه العنيده ولا بتفكر فى الابناء ولا عاوزه مصلحتهم وميهمهاش كمان انها عاوزه بنتها تبقى معاها ليس لسبب سوى ان تكون ورقة ضغط على الزوج للرضوخ لمطالبها
والقانون فى مصر ما شاء الله مع الست
فأنت اعمل قعده فيها ناس من عندك وناس من عندها واتفقوا على ان البنت تبقى عندك تلات ايام وعندها تلات ايام واكتبوا ورقه بشرط جزائى بكده مقابل انك تطلقها
غير كده طلقها شفهى ومتوثقش الطلاق عند مأذون الا لو وافقت على موضوع الحضانه ولو تقدر تبيع شقتك وتشوفلك سفريه السعوديه وتاخد بنتك ووالدتك هناك يبقى افضل علشان تتحسر على اللى عملته رغم ان كل ده مش كويس لنفسية الطفل وبعض الناس مش هتبقى موفقانى فى النقطه بتاعة انك تاخد بنتك وتسافر معاك ولكن العند بيورث الكفر

[mesaharaty]

مش الزوجة بتشتغل يعنى معاها دخل ؟
أولا ماتدفعش أى فلوس فى البنك أو لنقل قلل شوية من المبلغ اللى بتدفعه (يستحسن تدفعه عن طريق أشخاص حتى يكون هناك شهود على ذلك )
الخلع جاى جاى متستعجلش ، وفى هذه الحالة لا شقة ولا عفش (حضرتك كمان قلت ان مافيش قايمة) وكل اللى حضرتك حتدفعه نفقة البنت فقط بعد الخلع .

[مُصْطٓفٓى]

مش الزوجة بتشتغل يعنى معاها دخل ؟
أولا ماتدفعش أى فلوس فى البنك أو لنقل قلل شوية من المبلغ اللى بتدفعه (يستحسن تدفعه عن طريق أشخاص حتى يكون هناك شهود على ذلك )
الخلع جاى جاى متستعجلش ، وفى هذه الحالة لا شقة ولا عفش (حضرتك كمان قلت ان مافيش قايمة) وكل اللى حضرتك حتدفعه نفقة البنت فقط بعد الخلع .

معذرة ولكن للاسف هذه النصائح لا تنم عن خبرة في الأمر ولكنها طبقا للشائع بين الناس
لا ترسل اي اموال عبر اشخاص اما عن طريق حوالات بنكية باسمها او من خلال مكتب البوسطة باسمها ايضا
حتى تتمكن من الحصول على مستندات تفيد بذلك واحتفظ بها
أحيانا الأشخاص ترفض الشهادة بحجة القرابة بينك وبين الزوجة

الشقة من حق الحاضنة سواء طلقت او طلبت الخلع
حتى يصل الطفل إلى عمر معين يختلف من الذكر والانثى
ولو فيه قايمة حتضطر تردلها كل اللي في القايمة سواء كان طلاقا او خلعا

الفكرة في الخلع انها ستتنازل عن نفقاتها فقط
اياك ان تفكر في الطلاق وخلي ردك جاهز
عايزين طلاق - معنديش مانع - ارفعوا قضية خلع - وانا حوافق على خلعها من اول جلسة
غير كده ارفض الطلاق بحجة حفاظك على البيت

[إنسانة]

يمكن أنا آخر وحدة ممكن تقدم نصيحة في موضوع متعلق بالمسائل دي بالإضافة لعدم فهمي لقوانين مصر بالشكل اللي بيه أقدر افتي
بس حبيت أعلق على كام نقطة كدا
حضرتك غلطان إنك إطلعت على حاجة بينها وبين صاحباتها , جايز تكون متعصبة وكتبت الكلام دا وقت نرفزة وبتفضفض مع صاحباتها
صحيح الكلام يزعل جدا بس مكنش يصح من الأول تفتح شيء خاص بيها

وبعيدا عن مين فيكم غلطان ومين له حق في النهاية هي مش حابة الحياة معاك و طلبت الطلاق
ليه رافض تطلقها كل المدة دي ؟ أنا بجد مش قادرة أستوعب ليه الراجل مش بيحس بزوجته لما تقوله أنا عايزة أطلق خلاص !
خلاص سيبها براحتها وكفاية مشاكل لحد كدا عشان خاطر بنتكم حتى
ومفتكرش خالص الموضوع مادي . اللي طلبت الطلاق مابتفكرش غير إنها تتطلق حتى لو هتدفع فلوس وتخلص من الحياة دي ومش بتفكر في أي خسائر ولا هيهمها

ثانيا اللي بيقول إنها هتتجوز بعد العدة
ليه الواحد يشغل نفسه اساسا بهتتجوز ولا لا خلاص طالما استحالة العشرة وحصل الطلاق
كل واحد يخليه في حياته وميتدخلش في حياة التاني بغرض الإنتقام أو أي سبب تاني
ومن حقها تتجوز ولو عايزة هتتجوز ولو مش عايزة مش هتتجوز دا قرارها وحدها

والبنت من حقها تفضل معاها إزاي حضرتك هتراعي رضيعة ولا طفلة ؟

[eslam atia]

اقولك علي حل
غير كالون الشقة بتاعتك وخد الحاجة والدتك وبنتك وسافر واعتبر مراتك ماتت فعلا
ومتسألش عليها نهائي
وشوف بعد شهر واحد
هتتجنن رسمي ويكون كل امالها انك ترد علي الموبايل

[samyyousef]

امساك بمعروف او تطليق باحسان

لو لم يكن هناك امل في الصلح....لا تضع اية اعتبارات مالية في حساباتك....ضع مصلحة بنتك فقط في حسابك......اذا شعرت زوجتك بانها ظلمت ...لو تم طلاقها بغير تراضي ( باحسان ) استعوض ربنا في بنتك.......فالامر لن يقف على انك ستجد صعوبة في رؤيتها.......بل تعمد بعض المطلقات الى ان تسوء صورة الاب لدى البنت من باب الانتقام......و يصل الامر لان يكره الولد او البنت ابيه

بخصوص القائمة...فالموضوع مش انت موقع عليها و لا مش موقع ...الموضوع العفش بتاعها و لا مش بتاعها

و لا انصحك باذار الطاعة...فمسكن الزوجية به والدتك...فلا يحق لك دعوتها فيه

ربنا يوفقك لطاعته.....و احسبك على خير...فمن يبر والدته....سيعدل مع غيرها