هو جيل التمانينات عجز خلاص؟؟؟ انا حزين و الله :(

[Bassem Youssef]

واقف علي باب المحل بتكلم مع زبون ... بنتين متوسط اعمارهم 14 سنه تقريبا بيسألوني (هي المكتبه اللي هنا فين يا "عمو"؟)

عمو؟؟؟ مع ان شكلهم بسم الله ما شاء الله ناضج جدا يعني كأنهم 18 سنه

عمو ايه؟؟؟ هو احنا عجزنا للدرجه دي؟؟؟

اه عمري ضعف عمرهم و لكن مش لدرجه "عمو" يعني

[naser_56]

طيب يعني عايزهم ينادوك ايه
يا &&&&& مثلا يعني
ههههههههههه

[Omar Mahmoud]

معلش بس ناس بتقول ان انت سنك ضعفهم يندهوك إزاي؟؟؟؟

[Bassem Youssef]

يقولوا حضرتك ... لو سمحت ... يا استاذ

مش يا عمو ... امال اللي عنده 50 سنه هيقولوا له ايه ؟

[Omar Mahmoud]

يقولوا حضرتك ... لو سمحت ... يا استاذ

مش يا عمو ... امال اللي عنده 50 سنه هيقولوا له ايه ؟

اسمع دي
اخويا عنده 23 سنة من كام شهر واحدة و بنتها عندها في حدود 4 سنين ماشية لوحدها و امها بتقولها حاسبي عمو :)

[Ahmed_selmy]

هو فعلا مواليد التمانينات كبروا.....انا كسرت ال30 السنه اللى فاتت حاسس انى عجزت .....................وخصوصا اما الاقى ناس معايا مواليد 90 ببقى حتشل

[J A G U A R]

العمر بيعدى ف ثانيه

[matrix_it]

23 و شعرى ابيض ههههههههه

[magdy_c_c]

هو ده اللى مزعلك يا باسم
طيب ايه رأيك ان كل البنات اللى بتجيلى المحل سواء آنسات أو متزوجات بيقولوا لى يا عمو
ههههههههههههههه
يا باشا ده تقليد طالعين فيه البنات و الستات اليومين دول علشان يبينوا ان هم صغيرين

قصدى صغنتتييييييين

ما تزعلش نفسك يا عمو

[khaled_sabry]

من شهرين تلاته كنت راكب ميكروباص على الكرسى اللى قدام جنب السواق
و بعد كده كان فيه بنت 15 او 16 سنه كده عاوزه تركب و ماكنشى فيه مكان فاضى غير جنبى و الكرسى ده زى ما انتو عارفين بيبقى ديق
فى الاول هى ترددت بس لما بصيتلى لاقتها طلعت على طول !!!!!
و قعدت جنبى عادى و لازقه فيا الطريق كله - بصراحه انا افتكرت نيتها مش سليمه ولا حاجه لكن و انا نازل لاقيتها بتقولى اتفضل يا عمو
عموووووووو اااااه علشان كده - البنت افتكرتنى بركه بقى و قد ابوها

[Mohamed_Hamid]

عادى يا باشا كل اللى معدى التلاتين بيتقاله يا عمو دلوقت مش وحدك يعنى
العمر بيطير وربنا يحسن ختامنا

[mesaharaty]

طيب كويس إن فيه حد بيقولك يا عمو
أنا بقى بيقولولى يا ((حاج))
تخيلوا ... أنا بقى يتقال لى يا حاج

بقى أنا بقى يتقال لى يا حاج
فى المترو لما باكون واقف ممكن شاب إبن حلال يقوم يقعدنى ... تخيلوا
ما أسرع السنين تمر
وما أكبر خسارتك إن لم تنتهز سنوات عمرك (اللى بتمر كالبرق) فى فعل الخير والعمل ليوم قريب تحاسب فيه على كل شىء عملته فى حياتك صغر أم كبر .

[YahiaAshraf]

أنا طالب جامعى وعندى 18 سنة وبيتقالى من العيال الصغيرة يا عمو

[dede_dodo88]

كلنا هذا العمو. lol

[Mohamed.Ramah]

حتضحك اكتر لما تكون بداية جيل التسعينات وتلاقى البيقوم فى المترو ويقولك اتفضل حضرتك اقعد من شباب صغير 15 ل 18 سنة وعمو برضو :) :) تقريباً علشان اغلب الجيل دة شعرهم خف وفى شعر ابيض وبقو شكلهم مهمومين فبياخدو سن اكبر من سنهم الحقيقى شكلاً