بالصور: الشرطة البريطانية توقف موكب العائلة الملكية للنظر في الرخص !!

[Mohamed.Ramah]

انا عارف كتير طبعاً فاهم من العنوان انة مش ممكن بس نعمل اية فية كواكب تانية حوالينا بيحصل فيها حجات غير متوقعة !

أوقفت الشرطة البريطانية مساء الأربعاء، موكب سيارات العائلة الملكية أثناء توجههم لتناول طعام الغداء احتفالاً بالكريسماس. من أجل النظر والتدقيق في الهويات والأوراق الخاصة بجميع أفراد العائلة.وذلك لأن بعضهم لم يكتسب شهرة كالتي يتمتع بها الأمير "ويليام" و زوجته الدوقة "كيت".وبحسب ماجاء في صحيفة "ديلي ميل" البريطانية فإن ضباط الشرطة طلبوا أوراق دوق ودوقة "كينت" الأمير مايكل والأميرة ألكسندرا. إلا أنهم لم يطلبوا أوراق الأمير ويليام والدوقة كيت وابنهما.واضطرت العائلة الملكية للانتظار في السيارات حتى انتهاء ضباط الشرطة من فحص جميع الأوراق والصور.

انا مش عارف اقول اية طب الظابط مش شايف يعنى بلاش دة شكل ناس يتم ايقاف سيارتهم هههههههههههه! طب لية مفيش موبيلات مفيش شدة للمنطقة كلها طب الظابط دة لسة موجود !

تفتكرو اية الكان هيحصل لو الموقف دة فى مصر لاشخاص اقل حتى اترك ليكم التعليق XD

[amr011111]

انا لو منهم اكسر الكمين ولا يهمنى :)
لو كان هنا فى مصر كان الظابط لو حصل ووقفه بالغلط هيقوله يا باشا عيش وسيبنى اعيش زى طلعت زكريا مع عادل امام فى التجربه الدنماركيه

[mmolazem]

الناس دى لسه بدرى عليهم قوى عشان يعرفوا الدُنيا ماشيه ازاى :)
.
.
.
ولاد الناس مش لعبه .

[micromoud]

والشرطه اللى صورتهم ولا الصحافه اللى جت عشان يعملوا دعايه

[adelghanem]

اعتقد ان الظابط ده
ورغم انه انجليزى ....
برضه حينفوه الى اسوان.
(وجهه نظر واحد من مصر)

[besso]

ناس طيبين اوي

[samyyousef]

ديموقراطيات عريقة فعلا........يطبقون القانون بشفافية.....يحترمون حقوق الانسان فيما بينهم فقط

[Mohamed.Ramah]

انا لو منهم اكسر الكمين ولا يهمنى :)

لو كان هنا فى مصر كان الظابط لو حصل ووقفه بالغلط هيقوله يا باشا عيش وسيبنى اعيش زى طلعت زكريا مع عادل امام فى التجربه الدنماركيه

ههههههههههههه للاسف الظابط اصلاً حيتشل من المفجأة لما يبص على الشخصية الراكبة

الناس دى لسه بدرى عليهم قوى عشان يعرفوا الدُنيا ماشيه ازاى :)

.
.
.
ولاد الناس مش لعبه .

محتاجين كورسات عندنا

والشرطه اللى صورتهم ولا الصحافه اللى جت عشان يعملوا دعايه

ههههههههه الصحافة طبعاً واتصدق ممكن تكون دة حركة دعاية ليهم بيعملو ان البلد بيتطبق فيها القانون على الكل فاستغلو موقف زى دة :) :) بلاش النظرية المصرية الله يخليك دعاية لاية بس الناس دة مش محتاجة تهرى زينا ولا فاهمين ان شعبهم ساذج

اعتقد ان الظابط ده

ورغم انه انجليزى ....
برضه حينفوه الى اسوان.
(وجهه نظر واحد من مصر)

هههههههههههههه زمانة بقى ظابط ايقاع دلوقتى علشان يركز بعد كدة هههههههه

ناس طيبين اوي

معندهمش العقد بتاعتنا والنفسيات المريضة الحاطط نسر والمركب سارينة وفيمية سوبر دارك وعقد كتير تحتاج لمستشقى امراض نفسية وعقلية فى كل وحدة مرور

ديموقراطيات عريقة فعلا........يطبقون القانون بشفافية.....يحترمون حقوق الانسان فيما بينهم فقط

[mr_vampire]

طب نسيب الظابط شوية ونشوف رد فعل الطرف التاني ( الاسرة المالكة ) اخدو الموضوع ببساطة وابتسامات ومحدش نزل يهلل ويقول انتا متعرفش احنا مين ولا ايه ????

[YahiaAshraf]

الرد الطبيعى فى مصر

أنت متعرفش انت بتكلم مين ............ وفى الأخر ياخد علقة التنين :)

[ENG.MaRk]

مش للأمراء و الملوك بس في مصر ... أنا وقفت في كمين النهاردة عند كارفور المعادي و كنت بالبي ام بتاعت أخويا أنا و واحد تاني في c180 و الظابط عدّانا عادي و قفش في شاب بفيرنا و من سوء حظه كان ناسي رخصته بس أنا خلصتله الحوار ... الفكرة في مصر هنا إن مفيش منطق و البلد حالها يحزن :(

[khaled_sabry]

زى عندنا بالظبط - مع اختلاف بسيط
احنا الشرطه بتوقف مصر كلها لما موكب العائله المالكه (الرئيس) يعدى

[ahmedwagdy03]

دول عالم فاضية مش لاقيين حاجة يعملوها . لازم ييجوا مصر يتعلموا العمل فى الشرطة إزاى

[amr_8800]

ده خيال علمي صح

[Elawany13]

الضابط والعسكرى الكوريك مش شايف النسر على النمر ولا ايه
بلاش ديه مش شايف النمر السودا
ده المفروض يتعاقب ويتنفى الى ضواحى لندن