الاوربت راك

[abokoko]

المشاية الكهرباء اسعارها عاليه
وبالذات لو مواصفاتها عاليه مثلا موتور AC

الاوربت راك اسعارها اقل لانها مش كهرباء( المنتشر هنا فى مصر مش كهرباء )
وتحرق ضعف السعرات فى نفس الزمن

فايه راى حضراتكم فيها
والفرق بين العادى و الماجنتك اللى هو المغناطيسي
و ايه الانواع ومتوسط الاسعار

ويا ريت لو حد عنده تجارب مع الجهاز

[abokoko]

[abokoko]

[boomboomzoro]

السلام عليكم

أنا كنت إشتريت الأوربتراك الماجنتك من فتره و بصراحه شايف إنه صعب شويه في الإستخدام بحس إنه مرهق و خصوصا لو الوزن زياده عن الوزن المثالي بكتير (ممكن أكون أنا بستخدمه غلط)
لو حضرتك نويت إنك تجيبه يبقي الأفضل النوع اللي بكرسي علي الأقل ممكن تستعمله عجله و أوربتراك
الماجنتك أفضل من النوع التاني في التأثير علي الركبه و خصوصا ممن يعانون الخشونه وده كلام الشركه اللي إشتريت منها (شركة اليسر للأجهزة الرياضية)
أنا فاكر سعره كان 1650 بس أعتقد إن السعر قل عن وقت الشراء و فيه عروض نهايه العام دلوقتي ممكن تجيبه أرخص

جزاكم الله خيرا

[abokoko]

السلام عليكم

أنا كنت إشتريت الأوربتراك الماجنتك من فتره و بصراحه شايف إنه صعب شويه في الإستخدام بحس إنه مرهق و خصوصا لو الوزن زياده عن الوزن المثالي بكتير (ممكن أكون أنا بستخدمه غلط)
لو حضرتك نويت إنك تجيبه يبقي الأفضل النوع اللي بكرسي علي الأقل ممكن تستعمله عجله و أوربتراك
الماجنتك أفضل من النوع التاني في التأثير علي الركبه و خصوصا ممن يعانون الخشونه وده كلام الشركه اللي إشتريت منها (شركة اليسر للأجهزة الرياضية)
أنا فاكر سعره كان 1650 بس أعتقد إن السعر قل عن وقت الشراء و فيه عروض نهايه العام دلوقتي ممكن تجيبه أرخص

جزاكم الله خيرا

حضرتك بتستخدمه حاليا
ويا ترى جايب نتيجة كويسه مع حضرتك
ولو الزمن رجع للوراء - فرضا - هل كنت هتشتريه ؟
شكرا لحضرتك

[boomboomzoro]

السلام عليكم
بصراحه بستخدمه دلوقتي كشماعه ملابس و في بعض الأحيان كعجله (يمكن تكون المشكله معايا إني وزني زايد كتير و بتعب بسرعه)
بصراحه لو رجعت لورا برده هشتريه لأني جبت المشايه و الأبروكيت و كان فاضل هوه بس و أنا شايفه بيجيب نتيجه بس محتاج مواظبه وأنا يمكن كنت بستعمله مرة أو مرتين في الشهر كله
عايز رأيي لو تقدر تجيب المشايه هاتها الأول لو مفيش حواليك مكان كويس تجري فيه....المشايه ميزتها إنك ممكن تستعملهعا مشي أو جري في أي وقت و حسب وزنك و مقدرتك...
لو فيه مكان جنب حضرتك تقدر تجري فيه (تراك...نادي....كورنيش مثلا) يبقي ممكن تستغني عن المشايه و تجيب أوربتراك مع إن ميزه المشايه في الجري إنك لما يجيلك نفس تجري هتلاقيها علي بعد خطوات منك و بعدها علي الدش السخن و علي السرير هههههههههه
جزاكم الله خيرا

[abokoko]

شكرا للرد
المشاية لما عملت بحث فى النت
بالاضافة لموضوع الاخ صبحى ( فنى ميكي ) الله يرحمه
لقيت ان ارخص نوع يستحمل وزن لحد 120 وتيوانى وموتور acب4550 عرض نهاية العام وقبل العرض فوق ال5 الاف
وصراحة المبلغ كبير ومفيش تقسيط خارج القاهره

المكان اللى كنا بنتمشي فيه - كلب هبش بنتى ومن وقتها مرحتش المكان ده تانى

وعلشان كده بعتبر الاوربتراك هو البديل
بس بسال على الفائدة والانواع والاسعار قبل ما اشتريه

بكرر شكرى لحضرتك

[abokoko]

الاسعار
العادية ب1200
والماجنتكمن 2100 الى 2400
؟

[abokoko]

ايهم احسن - و لماذا -؟

اجهزة رياضية | اوربتراك

[abokoko]

على موقع -ebay-انواع و اشكال
ده طلع موضوع يتوه
!!
elliptical trainer | eBay

[magid1010]

جبت واحده صينى من كام سنه ممتازه و الله و احسن من المشايه و احد صحبى جبها من اسكندريه ب 650 جنيه و عليها ضمان 5 سنين و هى فعلا بتتحرق الدهون بس حاليا عملها شماعه برضه ههههه

[abokoko]

جبت واحده صينى من كام سنه ممتازه و الله و احسن من المشايه و احد صحبى جبها من اسكندريه ب 650 جنيه و عليها ضمان 5 سنين و هى فعلا بتتحرق الدهون بس حاليا عملها شماعه برضه ههههه

حضرتك بالسعر تبقي العادية مش الماجنتك - فهل لها تاثير متعب على الركبة ؟

وبالنسبة لحضرتك ليه عاملها شماعه حاليا ؟

[abokoko]

حاليا امامى الاختيارات التالية

+ مستعمله / عادية / وزن عالى تقريبا 140/ ممكن ب350 جنيه ؟

+ فى سبينس نوع اسمه هامر / ماجنتك / مفروض انه 110/120 /ب1990جنيه

+ نوه اسمه بروفيت /120كيلو / بدون كرسي /ب2000 جنيه
؟

[canner]

المشاية اللى مش كهربا متعبه جدا و بتجيب خشونة ده غير اللى و انت بتجرى بتحاول تزق الارضية جامد علشان تجرى فالتالى بتعمل صوت جامد و ده وحش خصوصا لو تحتيك جيران

[abokoko]

حضرتك حاليا بنتكلم عن الاوربتراك