ازاي ابدأ ف موقع ع الانترنت ؟؟؟ حد يعرف ؟؟

[Mostafa Bedo]

السﻻم عليكم ورحمة الله وبركاته
انا دلوقتي داخل ع الاجازة وكنت عاوز حاجة اشغل بيها فراغي ففكرت اني اعمل موقع بيع وشراء علي الانترنت زي دوبيزل كده يعني ناس تعرض وناس تشتري فمش عارف ايه المفروض يتعمل وهل فكرة كويسة وهل هتحتاج فلوس كتير وهل كمان بتجيب فلوس ؟؟؟ ارجو المساعدة من اي حد جرب قبل كدة وشكرا

[مُصْطٓفٓى]

السؤال الأهم : كيف تسوق لهذا الموقع ؟

[Mostafa Bedo]

طيب ايه رأي حضرتك ؟؟؟ وﻻ أفكر في حاجة تانية ؟؟

[Mostafa Bedo]

انا دورت ولقيت شركة هتصمم الموقع وتعمله استضافة ع النت وكل حاجة وبالنسبة للفكرة فهيبقي زي دوبيزل كده وهيتكلف 1500 جنية لمدة سنة وبعد كده اجدده ايه رأيكم ف الفكرة ؟؟

[هيثم مجدي]

اعتقد الافضل انك تتعلم الأول البرمجة لو انت بتحب المجال دا.
ال 1500 جنيه دول ممكن تتعلم بيهم التصميم و البرمجة مبدأيا
ووقتها ممكن تعمل مواقع لناس تانية كمان و تصرف على موقعك
انا كنت شفت شركة اسمها 7-dash بتديك كورس بمبلغ قريب من المبلغ دا

[Mostafa Bedo]

طيب حضرتك متعرفش اوصلهم ازاي او اي معلومات عن الشركة دي ؟؟

[هيثم مجدي]

دا الموقع :
سفن داش - امتلك الخبره

انا طبعا معرفش مستواهم العلمي كويس ولا لأ
و هل فعلا بتاهلك ولا لأ. لكن الموقع بتاعهم شكله منسق و كويس
ممكن حد من الزملاء يفيدك أكتر ويكون متخصص

[مُصْطٓفٓى]

توجد عشرات الآلاف من مواقع البيع والشراء
واغلبها لا يعلم عنها الناس شئ
كما ذكرت لك بدون تسويق للموقع فلن يتعرف عليه أحد ولن يضاف إليه إعلان واحد
حملات التسويق للموقع قد تتكلف عشرات الآلاف إلى عشرات الملايين
ضع جهدك في الاشياء التي لها فائدة فقط

إذا كنت تمتلك علم في مجال معين ولديك المقدرة على كتابة المقالات في هذا المجال
فقم بإنشاء موقع تفيد به المهتمين بهذا الأمر حتى وإن كان مجاني وحينها إذا زار موقعك الآلاف فيمكن حينها أن تبحث عن الربح من خلال وضع الإعلانات إن شاء الله

http://www.nilemotors.net/Nile/394430-a.html

[Mostafa Bedo]

موضوع الموقع ده شكله هيبقي متعب ومحتاج وقت طيب تنصحوني بايه عشان ابدأ حاجة صغيرة ولو بتجيب جنيهات حتي بس تشغل فراغي وتكون مفيدة وبالنسبة للفلوس مش مهم

[Secret-Man]

دوبيزل استثماره كان فى حجم الميزانيه التسويقيه بتاعته لكن هو كموقع على المستوى البرمجى ميكلفش 4 او 5 الاف جنيه وانا عارف بقولك ايه

ثانيا فى فرق فى المواقع الضخمه للشغل الكبير ده بيكون Web applications او CMS Platform

والافضل فى الحالات ديه بتشترى اسكربتات جاهزه من شركات وتعدل عليها لانى يوسفنى اقولك مفيش حد فى مصر بيفهم برمجه تقوم عليها شركه اخر الشركات بس تعمل مواقع شخصيه او لشركات عاديه ولكن مينفعش مشروع تبنى عليه شغلك وتكبر بيه