إعـــــــلان

Collapse

.

,
See more
See less

كريم منير ونايل موتورز بيت العيلة

Collapse
X
 
  • Filter
  • الوقت
  • Show
Clear All
new posts

  • كريم منير ونايل موتورز بيت العيلة

    ده بوست كتبته على صفحتي علي الفيس بوك وبما انه بيتعلق بمنتدانا او بمعني اصح بيتنا التاني حسيت اني لازم انقله هنا زي ما هو بدون اي تعديل في اي كلمة فيه لانها كلمات كانت من القلب ولا اريد تعديل اي كلمة فيها حتي لا تكون مصطنعة.
    شخصيات مصرية
    الشخصيات دي مش لازم تبقي مشهورة. هي ناس قابلتها في حياتي وكل واحد فيهم كان متميز ورائع علشان كدة عمري ما انساهم وقلت اعرفهم انهم فعلا رائعين وهكتب عنهم بدون ترتيب طبعا. ومنهم ناس من الجامعات وناس من خارجها وسبق كتبت عن بعض اساتذتي الكبار مثل اساتذتي دمحمد مهران و دحسن حنفي و دعصمت نصار و دمحمد عثمان الخشت. وقررت اخرج شوية برة الجامعة واتكلم عن احد الشخصبات النادرة وهو صديقي Karim Monir


    كريم من سنوات عمل مع بعض اصدقائه موقع للسيارات وكان فيه مواقع قليلة ومعظمها دعائي. لكن كريم واصحابه قرروا يبقي موقعهم خدمي. وبمرور الوقت خرج الاصدقاء لاسباب مختلفة وتبقي كريم يحمل عبء الموقع علي اكتافه مع مجموعة متميزة من المشرفين علي اقسام الموقع وادارته لكن العبء المالي كله علي كريم.
    اول معرفتي بيه كانت 2008 او 2009 بسبب حالة انسانية لطفلة مريضة نشرها بريد الجمعة وتأثرت بها جدا وقتها وبعت لكىيم يعمل اع فب الموقع عنها وكانت الاعلانات قليلة وبتشيل جزء من تكلفة الموقع ومكانش بيني وبينه اي معرفة سابقة فوجئت به بيقرر عمل اعلان وتثبيته في افضل مكان واكبر حجم في الموقع بدون ما ياخد اي مليم ومن يومها بدات الصداقة.
    الموقع بمرور الوقت اتحول لاكبر موقع عربيات في مصر بعدد اعضائه وموضوعاته وامانته وجديته وحياده وسعيه لمصلحة الاعضاء والمستهلك وتحمل اغراءات وتهديدات بسبب نشره لكوارث التوكيلات واذكر استدعائه للجهاز المرعب وقتها ولمباحث الانترنت اكتر من مرة لكنه لم يغير سياسة الموقع وتعرض مؤخرا لاغراءات للترويج لسيارة حديثة سيئة السمعة ومنع انتقادات الاعضاء لها ورفض ايضا. وظل يقتطع من رزق ببته حتي يستمر المنتدي ويتوسع ويحافظ علي مصداقيته.
    اهم شئ نجح فيه نايل موتورز انه لم يظل موقع سيارات فقط بل جمعت اعضائه في كل ثسم مختص بسيارة والموقع ككل صداقات عديدة وبدات تقام مقابلات متعددة لمالكي كل سيارة ولكل الاعضاء واهمها طبعا مقابلة فطار رمضان ومقابلة عيد ميلاد المنتدي وافضل مقابلات طبعا بتنظيم ورعاية القرصان Mohamed Shnory و ده حكاية تانية لها بوست خاص بها حتي اصبح الجميع اسرة واحدة اذا اشتكي منها عضو انهال عليه الاعضاء. بالمشورة والمساعدة وخرجت منه بصداقات كثيرة لنا من افضل من عرفتهم نحب بعضنا البعض قي الله ولله فقط.
    عيب كريم الوحيد ابنه بودي حريف بوس غلب ابو العربي وبحذرك يا كريم الواد ده لو فكر يبوس اي بنت من البنات هخطفك انت وهو.
    شكرا نايل موتورز
    شكرا الانسان كريم منير


    [SIGPIC][/SIGPIC]

  • #2
    ايه الاحراج ده يا دكتره
    المنتدى ده بيت عيله اتعرفت فيه علي افضل اصدقاء اخترتهم بعنايه
    ودلوقتي بقي تعاملي اليومي مع 90% من الناس دي
    سواء اصحاب او اعضاء او اداره او حتى عملاء
    نايل موتورز مبقاش مجرد منتدي
    نايل موتورز بقي اسلوب حياه :-)

    وانت يا دكتور محمد احد اقوى الشخصيات اللي عدت عليا في المنتدي
    ودايما كنت مناقش قوي لكن دايما كنت بستفيد منك
    خالص تحياتي لرايك الطيب وربنا يديم الحب في الله ويجمعنا في ظله يوم لا ظل الا ظله اثنان تحابا في الله

    جروب ورشة نايل موتورز علي الفيس بوك


    صفحة ورشة نايل موتورز على الفيس بوك

    Comment


    • #3
      الشكر لله يا صديقي ثم لك على انك جمعتنا اصدقاء واحباء في الله دون اي مصلحة
      [SIGPIC][/SIGPIC]

      Comment


      • #4
        فعلا نايل موتورز مش مجرد منتدى بيت عيله فعلا

        انا مش ممكن اكون فاتح نت بدون مايكون المنتدى مفتوح فى تبويب لوحده

        شكرا على اللفته الطيبه يادكتور
        [SIGPIC][/SIGPIC]

        Comment


        • #5
          الحمد لله على نعمه الصحبه الصالحه

          جروب ورشة نايل موتورز علي الفيس بوك


          صفحة ورشة نايل موتورز على الفيس بوك

          Comment


          • #6
            المنتدى فعلا من أفضل المنتديات اللي دخلت عليها واللي شفت فيه روح حلوة جدا بين الأعضاء

            بس بقى في حالة جمود واضحة بشكل ملحوظ وبقى عدد مشاهدات أي موضوع تتعدى 300 بدون أي رد على صاحب الموضوع !!

            ياريت يبقى في تفاعل أكبر من كدة !
            [CENTER][COLOR=Indigo][B][COLOR=Indigo][B][B]Real Estate Broker & Agent[/B][/B][/COLOR][/B][/COLOR]
            [COLOR=Indigo][B] [B][COLOR=DarkGreen]New Cairo[/COLOR] & [COLOR=Blue]Rehab City[/COLOR][/B][/B][/COLOR]
            [COLOR=Indigo][B][B] 01111156170 - 01000046107[/B][/B][/COLOR][/CENTER]

            Comment


            • #7
              تدوم الصداقة وفعلا نايل موتورز يتميز عن غيره من المواقع بالتواصل الجميل بين الاعضاء ويوميا لازم تتعلم حاجة او تستفيد معلومة من هذا الموقع الرائع .
              تحية طيبة لكل القائمين على إنجاح هذا الموقع : )
              وفقكم الله لما يحب ويرضى .

              Comment

              Working...
              X