هل السلعة المصرية المنشأ يستوجب عليها جمارك ؟

[Sherifmt]

السلام عليكم .....استفسار لو حد يفيدني فية من فضلكم .... عندي شاشة 48 بوصة سامسونج صناعة مصرية اشتريتها لبيتي في السعودية (لتشجيع الصناعة المصرية طبعا) وحابب اني انزلها معايا مصر هل يستحق عليها جمارك ؟ يعني هل المنتج المصري لا يستحق علية جمارك ؟ ولا مش بتفرق معاهم ؟

[Secret-Man]

ملهاش علاقه هتتجمرك طبعا هما دول بيرحمو

[A_H_M_A_D]

معتقدش انها هاتتجمرك طالما مكتوب عليها بوضوح انها صناعة مصرية يبقى ملهاش جمارك لأن اساسا الجمارك معمولة لحماية الصناعة المحلية , وطالما هي صناعة محليه فالمنطق بيقول مفيش

[mk3]

ضرائب مبيعات ( الملازمه للجمارك )بتتحط على مستلزمات انتاج الشاشه فى حاله الاستيراد من قبل الشركه المنتجه وبعدين ضرائب المبيعات بتتشال لو الشركه المنتجه صدرت الشاشه ! طب لو رجعت ؟! عموما حاول تفكها من كرتونتها اكأنها استخدمت هناك

[swimmer25]

إستفسار مهم جدا..محدش يعرف يجيبلنا رد من الجمارك؟

[أحمد كمال]

مادام جاية من برة هتتجمرك

[amr_8800]

يا فندم اكيد عليها جمارك والدي كان نازل من السعوديه وكان معاه تلفزيون توشيبا صناعه مصريه وكان مستعمله هناك كمان وقالهم كده في مطار القاهره ودفع جمرك ٦٠٠ جنيه ومأمور الحمرك قاله هما النفروض ١٠٠٠ بس انا نزلتهم ل ٦٠٠ عشان صناعه مصريه والكلام ده فس شهر ٨ الي فات

[Sherifmt]

يا فندم اكيد عليها جمارك والدي كان نازل من السعوديه وكان معاه تلفزيون توشيبا صناعه مصريه وكان مستعمله هناك كمان وقالهم كده في مطار القاهره ودفع جمرك ٦٠٠ جنيه ومأمور الحمرك قاله هما النفروض ١٠٠٠ بس انا نزلتهم ل ٦٠٠ عشان صناعه مصريه والكلام ده فس شهر ٨ الي فات

شكرا لردك ....طيب ممكن اعرف والدك دفع 600 علي تلفزيون كام بوصة ؟ علشان هيفيدني في المبلغ التقريبي لو اضطريت ادفعة !!!

[ahmedwagdy03]

تصدق أو لا تصدق . أيوة حتتجمرك .

اللى بتقوله ده حصل معايا بالضبط بس الحمد لله كانت 32 بوصة .

رحت سيادتك كارفور الرياض و كان عامل عروض عسل . إشتريت الشاشة إل إى دى و مكتوب عليها صنع فى مصر . قلت فى عقل بالى خلاص بقى أنزل بيها و أنا مطمئن .

نازل سيادتك مطار برج العرب إلا و يقولى لازم أدفع جمرك . ياعم يهديك يرضيك ده منتج مصرى .أبدا لازم أدفع .المهم طلع السبب إن الحاجة اللى بتطلع من مصر تصدير الحكومة بتعتبرها زى مصانع السوق الحرة و بالتالى لازم تحصل عليها ضرايب و جمارك و خلافه.

المهم لازم تفاصل جامد و تفهمه إنه مستعمل و ياسلام لو تشيل السيلوفان من عليه علشان بكدة ممكن تدفع حوالى 20 جنية ع البوصة .المهم يبان مستعمل

[swimmer25]

تصدق أو لا تصدق . أيوة حتتجمرك .

اللى بتقوله ده حصل معايا بالضبط بس الحمد لله كانت 32 بوصة .

رحت سيادتك كارفور الرياض و كان عامل عروض عسل . إشتريت الشاشة إل إى دى و مكتوب عليها صنع فى مصر . قلت فى عقل بالى خلاص بقى أنزل بيها و أنا مطمئن .

نازل سيادتك مطار برج العرب إلا و يقولى لازم أدفع جمرك . ياعم يهديك يرضيك ده منتج مصرى .أبدا لازم أدفع .المهم طلع السبب إن الحاجة اللى بتطلع من مصر تصدير الحكومة بتعتبرها زى مصانع السوق الحرة و بالتالى لازم تحصل عليها ضرايب و جمارك و خلافه.

المهم لازم تفاصل جامد و تفهمه إنه مستعمل و ياسلام لو تشيل السيلوفان من عليه علشان بكدة ممكن تدفع حوالى 20 جنية ع البوصة .المهم يبان مستعمل

بتنقله في الطيارة في كارتونته ولا بتنقله إزاي ودفعت كام جمارك؟ ولو مستعمل تدفع كام جمارك؟

[ahmedwagdy03]

بتنقله في الطيارة في كارتونته ولا بتنقله إزاي ودفعت كام جمارك؟ ولو مستعمل تدفع كام جمارك؟

فى الطيارة عادى بتحطه فى كارتونته و تسلتبها كويس . عملتله تغليف 20 ريال فى المطار و سلمته على الكاونتر كأنه قطعة و الموظف بيحط عليه قابل للكسر ( طيران سعودى معرفش المصرى إيه نظامه )

600 جنية بالعافية