شراء ماكينة حلاقة شعر

[msobhy]

السلام عليكم ورحمة الله وبركاته
بقى لى فتره بفكر فى شراء ماكينة حلاقة شعر
عايز حاجه تستحمل وتكون اصليه
هاستخدمها فى حلاقة الشعر فقط - يعنى مش عايزها شعر وذقن
الكل بيتكلموا على ماكينات الحلاقه الموسر وخصوصا موديل Moser Primat 1230
مش عارف اجيب ايه ولا منين ولا بكام
بس يا ريت لو حد يعرف توكيل موسر فى مصر ورقم تليفونه يبقى الف شكر

يا ريت اللى يقدر يدينى المعلومه كامله
يعنى اشترى ايه ..... ومنين ..... وبكام ........ وهل عن تجربه ولا سماعى ويا سلام لو رقم تليفون كمان

[exelence]

متابع

[gade2]

انا حبب اقولك معلومه بس مش عن موزر وهى انى اشتريت braun hair clipper series 5
وهى قابله لشحن وتشتغل تحت الميه ب 440 من بى تك

[akmm]

فعلا الموسر انا اشتريتها بمبلغ 450 جنيه واللى اشتراها لى الحلاق اللى بحلق عنده من زمان وفعلا اصليه ولها معى تقريبا عام ونفس الماكينه اللى بيستخدمها عنده في المحل وشوف شغالين اد ايه .... عموما هو فيه تقليد منها كتير لايتعدى سعره 150 جنيه منها الاحمر والابيض ............ ولكن الاصليه رمادى في اسود وهو قالى انه جابها من العتبه ....

[ahmedwagdy03]

بص أنا معايا الباناسونيك اليابانى .النوع اللى بيشتغل كهربا و شحن .

شغالة كويس ما فيش مشاكل

[Batman372]

افضل ماكينات الموزر الالمانى و الباناسونيك اليابانى ... طبعا الاصلى
الماركتان موجودين و شغالين على طول عند الحلاق الى بروحله من ٢٤ سنه و ده دليل على كفائتهم و عمرهم الطويل ...
تحياتى ...

[abokoko]

مكن الاحلاقة بتباع فى سبينس وكارفور
وفى محلات المستلزمات الصحيه للمرأه اللى بيتبيع الكريمات ومكن البراون ومنتجات العناية بالبشره

فى نوع ملاحظ انه انتشر مؤخرا بس الله اعلم بيه
ماكينة حلاقة شعر امريكى wahl
واثمانه فى حدود ال400/500

[Hobgoblin]

Moser
Wahl
Oster
Andis
Remington
Conair

دي أكثر ماركات مشهورة في الخارج. أنا شخصياً عند Wahl.

[abokoko]

moser
wahl
oster
andis
remington
conair

دي أكثر ماركات مشهورة في الخارج. أنا شخصياً عند wahl.

ال واهال اللى عند حضرتك امريكى ولا صينى
وحضرتك جبتها بكام
وهى شحن ولا كهرباء بسلك
ونوع الشفره ايه ( لما بتستخمدا للسوالف وللجزأ الخلفي بالشفرة مباشرة هل بتخربش او تجرح ؟)
والاهم انطباع حضرتك عنها ايه

[Hobgoblin]

ال واهال اللى عند حضرتك امريكى ولا صينى
وحضرتك جبتها بكام
وهى شحن ولا كهرباء بسلك
ونوع الشفره ايه ( لما بتستخمدا للسوالف وللجزأ الخلفي بالشفرة مباشرة هل بتخربش او تجرح ؟)
والاهم انطباع حضرتك عنها ايه

اللي عند طبعاً صناعة أمريكي لكن فيه منها صيني برضو وأصلية. بتاعتي مشتراه من أمريكا فعلاً 110 فولط.

الموديل أهو:

Wahl Home Products | ChromePro 25pc 79520-008

ماكينة هايلة وشغالة معايا بقالها 4 سنين كل اللي عملتوا اني زيتها مرة واحدة فقط كنت فاضي يعني ومزاجي رايق.


أنصحك تشتريها عشان مش هتكون لحقت تتضرب في مصر لسة.


بالتوفيق

[أبو آسر]

وعليكم السلام ورحمة الله وبركاته

مفيش في مصر حسب علمي موزر أصلي لأن الأصلي بيتباع برة بداية من 64 يورو يعني مش أقل من 600 جنيه لكن الموجود في مصر كله يا إما كوبي رديء يا إما هاي كوبي وبيتقال عليها أصلي
وسيبك من حتة محفور عليها Made In Germany وكل الهجص ده
لكن الهاي كوبي Moser Primat 1230 شغالة كويس جدا معايا وتقريبا كل حلاقين مصر بيحلقوا بيها وتمنها 380 جنيه عند سمير وليم أو شوف برده رضوان العجيل وممكن تلاقيها في العتبة برده بس خلي بالك من التقليد المضروب هتلاقيه غالبا أرخص
وابعد عن الحمرا أم 130 جنيه عشان مضروبة وتعبانة جدا في منها الهاي كوبي بحوالي 220 جنيه بس هات البريمات البيضا أفضل
طبعا الماكينة دي للشعر بس مش للدقن

سمير وليم للوازم الكوافير ومستحضرات التجميل, مصر الجديدة, القاهرة, مصر | كوافير معدات ولوازم | Yellow.com.eg

رضوان العجيل, مدينة نصر, القاهرة, مصر | اجهزة منزلية | Yellow.com.eg

[adelmof40]

شوف يا غالي

الموسر

الموسر

الموسر

ولاشئ غير الموسر

Moser 1572-0050

عن تجربة قوية بكل ما تعنيه الكلمة بسيطة جدا سهلة الاستعمال

[msobhy]

الثلاثاء 9 ربيع الأول 1436شكرا لكل الردود
طيب حد معاه رقم تليفون موزع معتمد لموسر

[حسني منصور]

بس يا باشا انا وريت بنفس تجربتك في البحث عن الأفضل لأني بحب اشتري الحاجة مرة واحدة
وبعد البحث لبيتان افضل مكنه في العالم اسمها thrive 808 ياباني
وللأسف ًجدت صعوبة في شراها من القاهرة تاني مكنه ماركة whal أمريكي وهي اللي اشترتها ويجد تحفة فنية وأداء ممتاز وفيه منها محترفين واستخدام منزلي وأسعارها في متناول الجميع لكن بشرط شرائها من مكان مضمون
وبالنسبة للموسر هي ألماني وكويسة لكن للأسف من الصعب تلاقي الأصلية لان التقليد بناتها متقن جداً ممكن اشترينا وتطلع تقليد
أرجو أكون أفدتك