الفلوس لغة العصر

[ahmedwagdy03]

ده يبقى بارد و نطع كمان
واللى زى ده يبقى قليل الذوق و ممكن إنتهازى كمان ( شخصية زوج هياتم فى مسلسل الشك )و ضورى وراه حتلاقى كلامى مظبوط

[monamize4]

الحياة اتغيرت يا جماعة ,,
طبيعى ان اللى بيدور على عروسة حاليا ف الزمن الصعب دا بيكون من اهم اولوياته
انه يدور على واحدة موظفة عشان تشارك بمرتبها ف مصاريف البيت

و مع ذلك ,,
لازم يفضل لكل واحد زمة ماليه مستقلة ,, مش من حق الطرف الاخر انه يعرفها بالتفصيل
بمعنى ان سؤاله عن مدخرات حضرتك ,, شئ مش مقبول سواء كان قاصد او حتى مش قاصد

حاجة اخيرة ,,
الماديات فعلا مهمة و حاول تنظمى امورك المادية شوية ,, بمعنى ان لازم تحوشى شوية

[MuhamedNabil]

على فكرة هو سألنى بمناسبة انى اشتريت موبايل جديد غالى حوشت تمنه فى كام شهر و دى من المرات القليلة اووووى اللى احوش فيها و دى مناسبة السؤال

يعنى انتى قولتيله لنك اشتريتى الموبيل من تحويش و بعد كده هو سألك انتى محوشة كام, اعتقد فى سيناريو زى ده السؤال ممكن يكون مبلوع شوية لو هو معندوش خبرة فى التعامل مع الناس او فتح مجال للكلام و الله اعلم

يعنى ممكن تحولى تتاكدى من حاجة زى كدة لو ركزتى شوية فى افعاله. و على فكرة فى ناس بتبص للحجات دى بحسن نية ان عشان انتى بتحوشي عشان تجيبى حاجة غالية انك على قدر من تحمل المسؤلية و تحمل اعباء نفسك

الحجات دى بتبان فى الشخص لو على سبيل المثال ابدى اعجابه فى حجات مشابهة لحد من صحابه مثلا قدر انه يحقق حاجة بدون مساعدة من اهله او كدة

عموما لسة الايام هى الحتبين طبيعة الشخص ده .....

[fepsceasar]

الموضوع مش كبير
قوليله ان مرتبك صغير وما بتحوشيش ويا دوب مصاريفك الشخصية
وبعدين بعد كده لو طموحكم واحد هتلاقي نفسك بتشاركى فى حاجات انتوا الاتنين عوزينها
خدتى الموضوع تخوين وطمعان فيا ..انسي بقى العيشة دى
ولو متفقين تشاركى فى مصروف البيت او اى نفقات يا ريت تبقى الامور دى واضحة من الاول

[lolnk]

متهيالى المفروض تحكى تفاصيل الكلام من اول الموقف لحد اخره بحيث الناس تقدر تفهم وتقولك رايها ده رائى يعنى علشان الامور تتضح

[lena jo]

السؤال عن مرتبك او محوشة كام ده غير مقبول و خصوصا لو الرجل هو اللي بيسأل . اهل العروسة لو هم اللي سألوا عن مرتب العريس رغم ان مش في كل الحالات الاهل بتسأل الا انه ممكن يكون مقبول لانهم مش هيطمعوا في مرتبه لانه طبيعي هو اللي بيصرف علي البيت لكن ممكن بيطمئنوا علي انه ممكن يفتح بيت او لا. لكن العكس غريب خصوصا انه صالونات. لو افترضنا حسن النية يبقي السؤال(انتي بتحوشي من مرتبك و لا لا؟) كده ممكن عايز يعرف انتي مدبرة و هتعرفي تمسكي ميزانية البيت و لا مسرفة . لكن الله اعلم بنيته.دي مشكلة الصالونات. انتي مش عارفاه اصلا و محتارة هو قصده ايه.بس سؤاله محوشة كام ده يغيظ ايا كانت النية.
مرتبك مهم لكي يكون لك ذمة مالية مستقلة.طبعا الزوج هو المسئول عن الصرف علي البيت و لازم تنظموا انكم تعيشوا بمرتبه فقط . كدة أأمن و أفضل.لكن الواقع ان مرتب الزوجة المصرية كله للبيت و الاولاد.لكن المشكلة ان الزوجة لو بتشتغل في الحكومة ممكن تاخذ اجازة رعاية طفل و تدفع تأمينات و مرتبها ينقطع فبالتالي نرجع لمرتب الزوج فقط. و لو بتشتغل في قطاع خاص مع اول طفل هتوديه حضانة غالية عشان تعوض غيابها عنه ، يعني هتخسر جزء كبير من مرتبها في مقابل انها تحافظ علي شغلها علي الاقل حتي يدخل الطفل المدرسة و احيانا اخري الزوجة تضطر للاستقالة.يعني في جميع الاحوال مرتبها غير مستقر و لا يمكن الاعتماد عليه تماما لكن هو في الاخر بيتصرف في البيت برده.خطيب حضرتك لازم تفهميه ان مالك ليس من حقه الاضطلاع عليه و الموضوع ليس له علاقة بالثقة. دي حتي لسه خطوبة و برده افهمي منه مغزي السؤال و الافضل تاخدي رأي والدك.صلي استخارة و ادعي ربنا يوفقك للصالح.

[أحمد كمال]

العريس اللي يسال عروسة مرتبها كام و لا محوشة و لا لأ او محوشة كام يتقال له على طول "روح لامك" .......


ناس كتير هنا شايفاني عدو المرأة و مفتري عالستات بس بجد موقف زي ده ما ينفعش يتسكت عليه ...... دول ذكور مش رجال و ده مش خامة عريس ينفع يتقعد معاه نص ساعة حتى

[A_H_M_A_D]

هو فيه احتمالين مالهمش تالت في رأيي
الاولاني انه يكون فعلا باصص لمرتبك ولفلوسك اللي بتحوشيها او لسه هاتحوشيها ، وفي الحاله دي هايكون وضعك معاه سئ جدا ، لأنه هايبص على كل جنيه بتقبضيه وكل جنيه بتصرفيه ، يعني من الاخر سوري هايطلع عينك

الاحتمال التاني اننا نفترض حسن النيه وان السؤال كان عن غير قصد او نيه وحشه ، وهو بس حشري حبتين وبيسأل في حاجات مايصحش يسأل عنها بالطريقة دي

عموما انتي اللي تقدري تحددي هو انهي واحد فيهم

[kiapicanto2014]

شكرا يا جماعة ..

[Yasser Farid]

الفلوس الكتير فساد للبنت علي الزوج
ممكن يكون بيسال من الباب دا
عموما انتي اللي قعدتي معاه وتقدري تفهمي مقصدة من الكلام
واكيد دا بيظهر في تصرفات تانية ليه