قضيه سب و قذف !!!!

[khaled_sabry]

السلام عليكم
الموضوع عن مشكله بصراحه مش عارف احدد ابعادها
اللى حصل ان اخت مراتى مره من شهر او اتنين اخدت ابنها من الحضانه لاقيت صاحبه الحضانه بتقولها ماتزعليش و هو "عمل على روحه" و احنا عاقبناه :)
اخت مراتى خدت الكلام عادى لغايه لما روحت لاقت اثر حرق بعود كبريت فى كف الولد
طبعا هى اتجننت و راحت الحضانه تانى يوم و هات ياشتيمه و تهزيق (بس بدون تعدى او تشابك بالايدى) و فرجت عليها الشارع كله لدرجه ان صاحبه الحضانه فى الاخر فقدت الوعى
مره واحده لاقينا الخميس اللى فات محضر من المحكمه بيخبط على باب بيتها علشان تحضر جلسه جنيه سب و قذف !!!
عرفنا بعد كده ان صاحبه الحضانه رفعت قضيه سب و قذف على اخت مراتى و طبعا كان فيه شهود كتير و كمان صاحبه الحضانه لما اغمى عليها ووقعت اتكسرت و هى عملت كشف طبى كاثبات حاله

فهل فيه مخرج من الموضوع ده او حد اتعرض للموضوع ده قبل كده لاننا مش عاوزين بهدله خاصه ان الموضوع اصله هايف
و اسواء الاحتمالات ايه اللى ممكن يحصل ؟؟

[AHMED12345678]

فورا ...... تخلى اخت مراتك تعمل محضر بواقعه حرق ابنها من قبل الحضانه
وموضوع السب والقذف اذا ثبت فممكن جدا الحبس والغرامه

[ahmedwagdy03]

عادة بتبقى حبس مع وقف التنفيذ و غرامة و مع المعارضة بتبقى غرامة

انا بشوفهم بيحكموا بكدة لإنى مش محامى

[Abo_Mazen]

فورا ...... تخلى اخت مراتك تعمل محضر بواقعه حرق ابنها من قبل الحضانه
وموضوع السب والقذف اذا ثبت فممكن جدا الحبس والغرامه

للأسف مدام فات 24 ساعة على واقعة حرق يد الطفل بدون إثباتها بمحضر رسمي هيبقى أي إجراء بعد كده يعتبر إجراء كيدي وخاصة إن تاريخ محضر حرق يد الطفل هيكون بعد تاريخ دعوى السب والقذف ..وممكن المحامي بتاع صاحبة الحضانه يلعب على الحته دي لصالح صاحبة الحضانه

[mohamed_selim]

عايز الصح قانونا و اخلاقيا ولا عايز اللى يمشى فى البلد؟
الصح قانونا انكم تحلوها بقعدة صلح و للاسف هتيجو على نفسكو و تستحملو و برضه شوف محامى عشان تحدد هتستحملو لحد فين

اما لو عايز تخلص تروح تشوفلك معرفه فى مستشفى حكومى و تعمل تقرير علاج اكتر من ٢١ يوم و تروح تعملها محضر تعدى و قضيه قصاد قضيه و الاتنين يتلغو قصاد بعض .... و غالبا هتحتاج تجيب كام شاهد زور !

ممكن حل برضه لو ليك حد واسطه و يكلم حد فى الشئون الاجتماعيه لانهم هم اللى بيشرفو و يفتشو على الحضانات و يحسسها ان لو محصلش صلح هيقرفها و انكم ناويين تشتكوها و ده ممكن يسحب تراخيص الحضانه .... او لو قريب ليكم فى الجيش او الشرطه


انا شخصيا هروح للحل الاول و اصلا كنت هعمل اثبات حاله باللى حصل و تقرير للولد من المستشفى من الاول ،،،،

[khaled_sabry]

عايز الصح قانونا و اخلاقيا ولا عايز اللى يمشى فى البلد؟
الصح قانونا انكم تحلوها بقعدة صلح و للاسف هتيجو على نفسكو و تستحملو و برضه شوف محامى عشان تحدد هتستحملو لحد فين

اما لو عايز تخلص تروح تشوفلك معرفه فى مستشفى حكومى و تعمل تقرير علاج اكتر من ٢١ يوم و تروح تعملها محضر تعدى و قضيه قصاد قضيه و الاتنين يتلغو قصاد بعض .... و غالبا هتحتاج تجيب كام شاهد زور !

ممكن حل برضه لو ليك حد واسطه و يكلم حد فى الشئون الاجتماعيه لانهم هم اللى بيشرفو و يفتشو على الحضانات و يحسسها ان لو محصلش صلح هيقرفها و انكم ناويين تشتكوها و ده ممكن يسحب تراخيص الحضانه .... او لو قريب ليكم فى الجيش او الشرطه


انا شخصيا هروح للحل الاول و اصلا كنت هعمل اثبات حاله باللى حصل و تقرير للولد من المستشفى من الاول ،،،،

هما فعلا دلوقتى بيحاولو معاها يحلوها ودى - بس الست دماغهه ناشفه
و للاسف ماحدش فكر يعمل اثبات حاله بالحرق اللى حصل للطفل لان ماحدش كان متوقع ان الموضوع يتطور لكده
و طبعا ماينفعشى نعمل اى حاجه دلوقتى علشان الموضوع ده عدى عليه اكتر من شهر

[adelghanem]

اعتقد ان الحل الان الصلح
باى طريقه عن طريق معارف
للمديره .عن طريق محامى
ولازم يكون ثقه للمديره لانى
اعتقد ان اخت المدام بهدلتهم
وطبعا قالت كلام زى والله لاشتكيكم
وابهدلكم وكلام من ده فما كان من المديره
انها سبقت وعملت المحضر..
طبعا اللى عملته الحضانه
شيئ غير ادمى ويحرق الدم
كان المفروض عمل تقرير طبى
لحاله الطفل الاول بس اللى حصل حصل..
حاولوا الصلح.

[S O P H O S]

لا افضل حل المشكلة بمشكلة
رأي الاعتراف بالخطأ والتصالح اقصر الحلول

[الفجر]

الحق نفسك لسة الممثلة شيرين واحدة سنة سجن بسبب قذف ضد الممثل المشهور اللى اخر اسمة منير مش فاكر اسمة

بس قضية مشهورة على النت واتحلت ودى وكان ممكن المغنية شيرين تتحبس فيها

[Maun00]

عايز الصح قانونا و اخلاقيا ولا عايز اللى يمشى فى البلد؟
الصح قانونا انكم تحلوها بقعدة صلح و للاسف هتيجو على نفسكو و تستحملو و برضه شوف محامى عشان تحدد هتستحملو لحد فين

اما لو عايز تخلص تروح تشوفلك معرفه فى مستشفى حكومى و تعمل تقرير علاج اكتر من ٢١ يوم و تروح تعملها محضر تعدى و قضيه قصاد قضيه و الاتنين يتلغو قصاد بعض .... و غالبا هتحتاج تجيب كام شاهد زور !

ممكن حل برضه لو ليك حد واسطه و يكلم حد فى الشئون الاجتماعيه لانهم هم اللى بيشرفو و يفتشو على الحضانات و يحسسها ان لو محصلش صلح هيقرفها و انكم ناويين تشتكوها و ده ممكن يسحب تراخيص الحضانه .... او لو قريب ليكم فى الجيش او الشرطه


انا شخصيا هروح للحل الاول و اصلا كنت هعمل اثبات حاله باللى حصل و تقرير للولد من المستشفى من الاول ،،،،

هو الحل التاني عادل جدا لان الست فعلا حرقت الولد فازاي نقول دا مش عدل
هو العدل الهجص الي الست عملتو محضر سب و قذف؟

[canner]

حاول تروح للمحامى اللى رافعه عنده و اتفاهم معاه

[amr011111]

ولا تتفاهم ولا تعمل هى الست هى اللى بدأت بالغلط وأختك حضرتك هى اللى ليها حق طالما ابنها مودياها مكان المفروض انه يبقى أمين على الطفل وكمان بتدفع لهم فلوس والتانيه المفروض مربيه أطفال مش عاجباها الوضع تقفل المشروع انما تحرق ايد طفل وفى الاخر كمان رافعه قضيه ديه تحمد ربنا ان اختك شتمتها فقط ومعدمتهاش العافيه
الست ديه تبعتوا حد يهددها وش لوش انها لو مراحتش تتنازل عن القضيه هتعملوا فيها وتسوا والحد اللى يهددها ده يبقى شكله غلط
طبعاً هيبقى تهديد فقط لا غير

هى اللى بدأت بالغلط
انا ممكن يكون رأى غلط بس علشان محروق دمى من الموقف

[wesam_salom]

راحت الحضانه تانى يوم و هات ياشتيمه و تهزيق (بس بدون تعدى او تشابك بالايدى) و فرجت عليها الشارع كله لدرجه ان صاحبه الحضانه فى الاخر فقدت الوعى
و كمان صاحبه الحضانه لما اغمى عليها ووقعت اتكسرت

بغض النظر عن ان صاحبه الحضانه غلطانه طبعا فى اللى عملته مع الطفل وتستاهل العقاب
لكن شتيمه وتهزيق لحد ما الست اغم عليها وانكسرت (المفروض انه من الشتيمه بس بدون تشابك بالايدى )
اعتقد ان الموضوع محتاج اعتذار الاول لصاحبه الحضانه وبعد كده تطلب منها تتنازل وياريت توافق

[khaled_sabry]

بغض النظر عن ان صاحبه الحضانه غلطانه طبعا فى اللى عملته مع الطفل وتستاهل العقاب
لكن شتيمه وتهزيق لحد ما الست اغم عليها وانكسرت (المفروض انه من الشتيمه بس بدون تشابك بالايدى )
اعتقد ان الموضوع محتاج اعتذار الاول لصاحبه الحضانه وبعد كده تطلب منها تتنازل وياريت توافق

مبدئيا اعتقد ان حركه انها اغمى عليها ده تمثيل - لأن لما اغمى اعلى وقعت على ضهرها
و هى بتقول ان رجلها اتكسرت -- طيب ازاى
و بعد كده مش متخيل اصلا ان اى حد يغمى عليه علشان حد زعقله !!!

ولا تتفاهم ولا تعمل هى الست هى اللى بدأت بالغلط وأختك حضرتك هى اللى ليها حق طالما ابنها مودياها مكان المفروض انه يبقى أمين على الطفل وكمان بتدفع لهم فلوس والتانيه المفروض مربيه أطفال مش عاجباها الوضع تقفل المشروع انما تحرق ايد طفل وفى الاخر كمان رافعه قضيه ديه تحمد ربنا ان اختك شتمتها فقط ومعدمتهاش العافيه
الست ديه تبعتوا حد يهددها وش لوش انها لو مراحتش تتنازل عن القضيه هتعملوا فيها وتسوا والحد اللى يهددها ده يبقى شكله غلط
طبعاً هيبقى تهديد فقط لا غير

هى اللى بدأت بالغلط
انا ممكن يكون رأى غلط بس علشان محروق دمى من الموقف

طيب خد التحديث ده
اول جلسه كانت امبارح - فوجئو بالمحامى بتاعها جاب اسم مراتى و عاوز يضمها للقضيه
لكن القاضى رفض لأن ماينفعشى يضمها دلوقتى كان ضمها فى القضيه من الاول

انا بصراحه فكرت فى موضوع التهديد ده (خاصه بعد محاولة ضم مراتى للقضيه ) لكن انا ماليش ضهر - يعنى لو كان ليا قريب فى امن الدوله مثلا او اى حاجه اخوفها بيها كنت عملت كده
لكن للاسف مافيش

هى واضح انها ست متعافيه على الاخر
و ماحدش يقولى دوله القانون اللى مش عجباك لأن احنا لو كنا فى دوله قانون اصلا كان يبقى فيه جهه مباشره رادعه نشتكى فيها لما اتحرقت ايد الولد و ماكنشى حد لجاء للزعيق و الشتيمه اصلا

[amr011111]

انا بصراحه فكرت فى موضوع التهديد ده (خاصه بعد محاولة ضم مراتى للقضيه ) لكن انا ماليش ضهر - يعنى لو كان ليا قريب فى امن الدوله مثلا او اى حاجه اخوفها بيها كنت عملت كده
لكن للاسف مافيش

اللى مالوش ضهر يشتريله ضهر
وفيه حل تانى انك تشوف حد قريبها وتتفاوض معاه
و انك تديها فلوس تغور بيها
او انك برضه تجيب محامى وترفع قضيه تانيه وقضيه قدام قضيه ويحصل تنازل