لو انت عندك لغة ومتمكن منها...تقدر تشتغل فين فى مصر

[ahmad--ezzat]

سلام عليكم ...انا قلت اسال رجاله المنتدى اللى دايسين فى الحوارات دى

باختصار شديد...قريبتى خريجة كليه الالسن قسم لغة انجليزية...هي متمكنه جدا فى الانجليزيه...دورت على شغل بس حظها كان وحش بصراحه
فيه معهد اسمه مالى او حاجه زي كده بيدى كورسات انجليش....هو معهد كبير ..قدمت فيه وبعد امتحانات واختبارات كتير وجابت اعلى نمر قالولها 2000 جنيه ...هي خريجه 2008 ومعاها شهاده خبره فى تدريس كورسات انجليش

السؤال....فى ايه شركات ممكن تقدم فيها وتكون مرتبتها كويسه ومستواها محترم؟

شكرا مقدما

[أحمد كمال]

رأيي تقبل باللي تلاقيه لحد ما تلاقي الاحسن منه او عالاقل لحد ما خبرتها العملية تعلي سعرها في السوق

[Secret-Man]

بتوع اللغات فى المراكز التعليميه مرتابتهم مش عاليه

انصحك تسال فى شركه اسمها Arabize وسيرش عليها فى جوجل كان مقرها مدينه نصر طيبه مول

كان مستوى مرتباتهم للمترجمين من فوق 4 الاف بس هى وحظها وخبرتها طبعا

[MRBEBO]

2000 جنيه كبدايه مش وحش ابدا

[حسام الغرباوي]

لو هي متمكنة جدا في اللغة وعايزة راتب كويس بغض النظر عن تعب الشغل

تشتغل في فودافون خدمة عملاء uk ..

تأمين طبي واجتماعي وخط اتصالات مفتوح ومواصلات مجانا و يومين اجازة في الاسبوع والراتب بداية اعتقد كان 3000 تقريبا وبتزيد بعد 3 شهور ..وبالنسبة للبنات مبيكنش في شيفتات بيكون صباحي فقط 8 ساعات ....يعني ممكن لو حابة تزود الدخل تعمل عقد مع مركز كورسات انها مثلا تدي تلات حصص في الاسبوع سبت واتنين واربع ساعتين في اليوم ب1500 جنية مثلا ...

[ahmad--ezzat]

بدايه ايه يافندم...دي خبره 5 سنين...هل فعلا دي المرتبات ف الشركات الكبيرة

[أحمد كمال]

بدايه ايه يافندم...دي خبره 5 سنين...هل فعلا دي المرتبات ف الشركات الكبيرة

فاهمك ...... بس خبرتها 5 سنين في نفس المجال؟ و لو خبرتها في نفس المجال عايزة تغير الشغل ليه ؟


اسئلتي فضول لفهم الوضع لا اكثر

[Bassem Youssef]

طبعا المرتب تعبان و لكن هو في حد لاقي شغل اصلا ؟

ال 2000 جنيه كويسين بالنسبه للاحوال الاقتصاديه للبلد

مجرد وجهه نظر

[ahmad--ezzat]

فاهمك ...... بس خبرتها 5 سنين في نفس المجال؟ و لو خبرتها في نفس المجال عايزة تغير الشغل ليه ؟


اسئلتي فضول لفهم الوضع لا اكثر

والله ياباشا هي كانت شغاله في السعوديه ولما جت سمعت ارقام غريبه...انا بسال عن اي حاجه تخص اللغه .وخلاص ..مش موضوع تغيير مجال

بدايه ايه يافندم...دي خبره 5 سنين...هل فعلا دي المرتبات ف الشركات الكبيرة

طبعا المرتب تعبان و لكن هو في حد لاقي شغل اصلا ؟

ال 2000 جنيه كويسين بالنسبه للاحوال الاقتصاديه للبلد

مجرد وجهه نظر

ياباشا فيه مرتبات كتير عالية وجدا كمان...في شركات ملتي ناشونال وفي مدرسين بتاخد ارقام لو سمعتها هتتعقد...بس اللي يلاقي

[M!SHO]

تشتغل في مدرسه انترناشونال

او فودافون uk بس البدايه ضعيفه شويه

[amr011111]

فيه مواقع وظائف تبع أمريكا بتبعت ليها السيرة الذاتيه بتجيب ليك شغل فى كل دول العالم وهى هتحدد انها عاوزه اى مرتب هى عاوزاها والموقع بيجيب لها شغل فى شركات هنا محترمه بس نظير ذلك قبل ما بتشتغل بتدفع للموقع حوالى 1500 دولار ومتقلقش من الفلوس اللى هتدفعها للموقع لانها بتكون خلاص عملت انترفيو فى الشركه واتوافق عليها

الله اعلم بقى الموقع ده بيبقى مربط مع الاتش ار اللى فى الشركات الكبيره انه يشغل الاشخاص اللى بيبعتهم ليه نظير نسبه ولا لاء
فمش بيقلق الموضوع

[ahmedwagdy03]

هو الشغل دلوقتى بالمؤهلات العلمية و الكفاءة و لا بالواسطة ؟

[ahmad--ezzat]

واسطة