اصحاب الشركات ..عايز افتح سجل تجاري وانا خارج مصر

[حسام الغرباوي]

السلام عليكم

لو سمحتم استفسار

انا خارج مصر حاليا وعايز افتح سجل تجاري

اية المطلوب وكم التكلفة تقريبا لفتح السجل ؟؟ طبعا بدون تكلفه الايجار ؟؟

ملحوظة ..مجال الشركة استيراد وتركيب المصاعد

[حسام الغرباوي]

اية ياجماعة مفيش اي حد هنا عنده شركة او محامي عارف الاجرائات ؟

[هيثم مجدي]

عليكم السلام ورحمة الله و بركاته

المحامي بياخد من 1000 ل 1500
عشان يعملك سجل و بطاقة ضريبية و بطاقة استيرادية و لو عاوز يكتبلك عقد ايجار مثلا
بتعمل توكيل والمحامي بيديك الصيغة اللي تعمل بيها التوكيل.

البطاقة الاستيرادية ب 4000 و التصديرية ب 500.

[حسام الغرباوي]

طيب لو بدون بطاقة استيرادية ...يعني هعمل الشركة مقاولات وتركيب مصاعد فقط لا غير

ولو عندي انا المحل موجود فعليا ؟

انا عايز اعرف رسوم الدولة كام والاجرائات اية وبتاخد كام وقت

[هيثم مجدي]

معرفش لو فيه رسوم اضافية على شركة المقاولات انا مش محامي, انا بقولك بناء على خبرتي على شركة الاستيراد بس. السجل التجاري و البطاقة الضريبية تكالفيهم مش كبيرة و تقدر لو حضرتك في مصر تعملهم بنفسك طبع وبياخدوا اسبوع عشان تخلصهم .

والافضل محامي لان فيه حاجات بيفهمها المحامين أكتر من غيرهم. و اعتقد فيه معانا هنا زملاء محامين ممكن تسألهم عندهم خبره كبيرة

[حسام الغرباوي]

متشكر جدا استاذ هيثم
جزاك الله خير

[طارق _عبد السلام]

الرسوم بتكون حسب رأس المال اللى هتعمل بيه السجل

يعنى لو راس المال مثلا لو 15 الف هتدفع عليهم تقريبا 750 جنيه ولازم طبعا البطاقه الضريبيه الاول... ولو الرقم اقل الرسوم بتقل

انا مش فاكر الرقم بالظبط بس ده قريب جدا لانى كنت ماشى فى اجراءات ترخيص واتعقدت الدنيا على موافقه هيئه الاستثمار من سنه تقريبا
لكن الرقم قريب جدا

[Secret-Man]

محامى افضل يخلصلك كل حاجه واعمل بطاقه استيراديه مش هتخسر حاجه

التصديريه هتحتاج تاخد كورس شهر من هيثه الصادارات بشيراتون علشان تطلع بطاقه تصدير او ملف مصدرين

بس الموضوع ابسط مما يكون بس خلى بالك من يوم ماتفتح شهاده ضريبه المبيعات والضرايب العامه

[حسام الغرباوي]

الرسوم بتكون حسب رأس المال اللى هتعمل بيه السجل

يعنى لو راس المال مثلا لو 15 الف هتدفع عليهم تقريبا 750 جنيه ولازم طبعا البطاقه الضريبيه الاول... ولو الرقم اقل الرسوم بتقل

انا مش فاكر الرقم بالظبط بس ده قريب جدا لانى كنت ماشى فى اجراءات ترخيص واتعقدت الدنيا على موافقه هيئه الاستثمار من سنه تقريبا
لكن الرقم قريب جدا

الترخيص بيكون من هيئة الاستثمار ولا من وزارة التجارة ؟؟

واية اللي يخلي هيئة الاستثار ترفض ؟

[SoFiMaN]

الترخيص بيكون من هيئة الاستثمار ولا من وزارة التجارة ؟؟

واية اللي يخلي هيئة الاستثار ترفض ؟

نفس السؤال..
هيئة الاستثمار حضرتك مبنديش تراخيص بنأسسلك فقط و بيطلعلك سجل تجاري و بطاقة ضريبية و كل ده من نفس المكان (One stop shop) في هيئة الاستثمار..لكن لو نشاطك بيحتاج تراخيص معينة زي صناعي ده بتحتاج بعد التأسيس تروح لهيئة التنمية الصناعية تاخد موافقتهم او لو مستشفى لوزارة الصحة وهكذا...

حضرتك لو هتأسسها لوحدك هتبقى منشأة فردية و مصاريفها 110جنيه اياً كان رأس المال (في شركات الاموال و ال بتكون نسبة% لرأس المال) و بتاخد قرار التأسيس للمنشأة الفردية و السجل التجاري في نفس اليوم من الهيئة.

لو حضرتك بره مصر هتحتاج تعمل توكيل لأي حد يكون من صلاحيات التوكيل: تأسيس الشركات و التعامل مع الهيئة العامة للاستثمار .

[طارق _عبد السلام]

الترخيص بيكون من هيئة الاستثمار ولا من وزارة التجارة ؟؟

واية اللي يخلي هيئة الاستثار ترفض ؟

اصل الموضوع عندنا كبير قال ايه بيشجعوا القطاع الخاص واجمل تعقيد فى الدنيا
هيئه الاستثمار دى بند من عده بنود
الاول بنروح صندوق التنميه يعطينا خطابات موجهه لعده جهات
اولا ضرايب -وبعدين تامينات - وبعدين سجل تجارى - وبعدين سجل صناعى - وبعدين مكتب العمل -وبعدين موافقه الدفاع المدنى وتنفيذ اشتراطاته - وبعدين موافقه الكهرباء -وبعدين موافقه الحى وتنفيذ كل الاشتراطات - وبعدين موافقه البيئه ودى صعبه جدا - وبعدين شده ضوضاء - وبعدها بقى نيجى لهيئه الاستثمار وتدفع مبلغ معين علشان يوافقوا ................................ وبعد كده معرفش لان المحاميه منها لله مش عارفه تشتغل بحجج واهيه جدا ..... لو كنت كملت كنت قلت لك على باقى الخطوات.......وتخيل كل بند عايز مبلغ محترم جدا

ودى مأساه اللى عايز يطلع رخصه لمصنع .. !!!!!!!!!!!!

مع ان اغلب اصحابى شغالين زى الفل والورد من غير تراخيص ولا قرف الروتين لكن نقول ايه

[SoFiMaN]

اصل الموضوع عندنا كبير قال ايه بيشجعوا القطاع الخاص واجمل تعقيد فى الدنيا
هيئه الاستثمار دى بند من عده بنود
الاول بنروح صندوق التنميه يعطينا خطابات موجهه لعده جهات
اولا ضرايب -وبعدين تامينات - وبعدين سجل تجارى - وبعدين سجل صناعى - وبعدين مكتب العمل -وبعدين موافقه الدفاع المدنى وتنفيذ اشتراطاته - وبعدين موافقه الكهرباء -وبعدين موافقه الحى وتنفيذ كل الاشتراطات - وبعدين موافقه البيئه ودى صعبه جدا - وبعدين شده ضوضاء - وبعدها بقى نيجى لهيئه الاستثمار وتدفع مبلغ معين علشان يوافقوا ................................ وبعد كده معرفش لان المحاميه منها لله مش عارفه تشتغل بحجج واهيه جدا ..... لو كنت كملت كنت قلت لك على باقى الخطوات.......وتخيل كل بند عايز مبلغ محترم جدا

ودى مأساه اللى عايز يطلع رخصه لمصنع .. !!!!!!!!!!!!

مع ان اغلب اصحابى شغالين زى الفل والورد من غير تراخيص ولا قرف الروتين لكن نقول ايه

حضرتك بوضحلك مرة تانية, هيئة الاستثمار مش جهة استخراج اي تراخيص و لكن جهة تأسيس فقط! و مصاريف التأسيس معروفة. واضح للاسف ان المحامية مكانتش تمام معاك و بتقول اي كلام.

معللومة مههمة: في قانون الاستثمار الجديد ان شاء الله اللي بيتم مناقشته حالياً بيكون للهيئة حق اصدار كافة التراخيص و جميعها من هيئة الاستثمار.

[طارق _عبد السلام]

حضرتك بوضحلك مرة تانية, هيئة الاستثمار مش جهة استخراج اي تراخيص و لكن جهة تأسيس فقط! و مصاريف التأسيس معروفة. واضح للاسف ان المحامية مكانتش تمام معاك و بتقول اي كلام.

معللومة مههمة: في قانون الاستثمار الجديد ان شاء الله اللي بيتم مناقشته حالياً بيكون للهيئة حق اصدار كافة التراخيص و جميعها من هيئة الاستثمار.

طيب لو حضرتك تخدمنى تقول لى ايه هى خطوات ترخيص مصنع نسيج دائرى

انا بالفعل كنت ماشى بنفسى فى اغلب الخطوات السابقه وتوقفت لحد موافقه وزاره البيئه والمحاميه استلمت وجابت لى الموافقه وبعدها اشتغالات فعلا وفلوس على الفاضى.. (هيئه الاستثمار قالت لى بناخد منها موافقه ) وبندفع رسوم

لو تكرمت وعند حضرتك خلفيه تقول لى الخطوات الصحيحه

[SoFiMaN]

انا اللي ممكن افيدك كويس فيه اي حاجة عن هيئة الاستثمار و التأسيس لكن التراخيص دي لها جهات مختلفة زي هيئة التنمية الصناعية
و لازم المصنع يكون بأحد المناطق الصناعية.

عموماً بحاول اسألك و ابلغك بعلومات اكثر عن الجهات المختلفة

[طارق _عبد السلام]

انا اللي ممكن افيدك كويس فيه اي حاجة عن هيئة الاستثمار و التأسيس لكن التراخيص دي لها جهات مختلفة زي هيئة التنمية الصناعية
و لازم المصنع يكون بأحد المناطق الصناعية.

عموماً بحاول اسألك و ابلغك بعلومات اكثر عن الجهات المختلفة

جزاك الله كل خير