افاده عاجله فى سلك الدش

[new_man]

من فضلكم عايز اعرف لو انا فى الدور الثامن والدش هيركب فى السطح فالدور ال 12

- هحتاج كام متر سلك دش؟؟

علما انى هركب 2 تليفزيون واحد ريسبشن وواحد فالنوم والاتنين فيهم شبابيك على الواجهة اللى هيطلع منهم السلك يعنى كده محتاج توصيلتين دبل ولا اجيب الجهاز اللى بيوزع الاشاره بدل ما انزل سلكين من فوق ويبقى سلك واحد بس وينزل على الاسبليتر ده ومنه اخد التوصيله للتليفزيون التانى؟؟وياترى ده سعره كام؟؟


وكمان محتاج اعرف لفة متر السلك بكام وبتبقى كام متر ونحاس ولا حاجه تانى وهل السويدى كويس ولا الاسبانى ولا الايطالى؟؟

انا نازل بكره العتبه هل هلاقيها فى سوق الكهربا عند جبريل ولا عند حد تانى؟؟

معلش اسألتى كتير بس الكهربائى جاى بعد بكره فعشان كده مستعجل

[midoabdeen]

من فضلكم عايز اعرف لو انا فى الدور الثامن والدش هيركب فى السطح فالدور ال 12

- هحتاج كام متر سلك دش؟؟

لو ارتفاع الدور عندك 2.8 ودا المتداول هتحتاج حوالي 20 م تقريبا

علما انى هركب 2 تليفزيون واحد ريسبشن وواحد فالنوم والاتنين فيهم شبابيك على الواجهة اللى هيطلع منهم السلك يعنى كده محتاج توصيلتين دبل ولا اجيب الجهاز اللى بيوزع الاشاره بدل ما انزل سلكين من فوق ويبقى سلك واحد بس وينزل على الاسبليتر ده ومنه اخد التوصيله للتليفزيون التانى؟؟وياترى ده سعره كام؟؟

متهيئلي العدسه اللى ب2 مخرج افضل ومش مهم انك تنزل سلكين من فوق

وكمان محتاج اعرف لفة متر السلك بكام وبتبقى كام متر ونحاس ولا حاجه تانى وهل السويدى كويس ولا الاسبانى ولا الايطالى؟؟

انا نازل بكره العتبه هل هلاقيها فى سوق الكهربا عند جبريل ولا عند حد تانى؟؟

هتلاقي عند جبريل اخر مره سالت كانت اللفه تبدا من 150 تقريبا و 270 و 310 السويدي
معلش اسألتى كتير بس الكهربائى جاى بعد بكره فعشان كده مستعجل

[طارق _عبد السلام]

اكيد كل تلفزيون له ريسيفر خاص.. يبقى لازم طبق له عدسه ب 2 مخرج

ومن ناحيه طول السلك هتحسب مسافه الطبق من مكانه لاول السطح كام متر وتضيف عليه 12 متر الاربع ادوار وتحسب المسافه من داخل الشقه لمكان التلفزيونين وعلى فكره لازم سلكين يعنى هتضرب المسافه فى 2

شوف لفه 50 متر اظن هتكون مناسبه جدا

[new_man]

متشكر للردود جداا
يعنى كفايه 50 متر وبس للتوصيلتين ؟؟

[abokoko]

ملاحظة متر السلك فى الدش بيكون حوالى 90 سم
يعنى لو لفة 100 متر بتكون تقريبا 90
انا اشتريت لفه ال تقريبا 100 ب85 جنيه - انا مش فى القاهره لكن صاحبي باعها لى بسعر الجملة

[new_man]

طب ولو جيت خد 50 متر هيحسبهملى 45 متر بس؟؟
واللفه ال 100 متر اللى ب 85 جنيه دى سويدى ولا ايه؟؟

[abokoko]

يفترض انها ايطالى
piaggo
coaxial cable 75 ohms
صنع فى ايطاليا

100y
يعنى 100 ياردة


ده اللى مكتوب على العلبة الزرقاء

[new_man]

معنى كده ان السويدى اغلى منها؟؟

[abokoko]

الله اعلم
بس مفروض ده سعر الجملة

[new_man]

هو السلك الابيض اللى علبته زرقا ده ومكتوب على العلبه صنع فى ايطاليا بالعربى فكل مكان ؟؟
وكذلك مكتوب على السلك صنع فى ايطاليا بالعربى؟؟

[new_man]

نزلت امبارح لقيت لفة سلك السويدى 100 متر ب 350 جنيه ومرضاش يدينى 50 بس وده جبريل
ولقيت الايطالى الابيض ب 100 اللفه وفيه ايطالى ب 280 اللفه
وفيه صينى ب 35 اللفه وصينى ب 60 اللفه وصينى ب 140 اللفه
مش عارف بصراحه الواحد يعمل ايه في السوق ده

[new_man]

هاه اعمل ايه؟؟
اجيب الايطالى ده وخلاص؟؟

[abokoko]

نزلت امبارح لقيت لفة سلك السويدى 100 متر ب 350 جنيه ومرضاش يدينى 50 بس وده جبريل
ولقيت الايطالى الابيض ب 100 اللفه وفيه ايطالى ب 280 اللفه
وفيه صينى ب 35 اللفه وصينى ب 60 اللفه وصينى ب 140 اللفه
مش عارف بصراحه الواحد يعمل ايه في السوق ده

هاه اعمل ايه؟؟
اجيب الايطالى ده وخلاص؟؟

[sas5]

الايطالى النحاس لن يقل عن 280 - 300 جنيها
خذ معك مغناطيس للكشف عن السلك لانه يوجد سلك اصفر مش نحاس

[new_man]

شكرا للردود
انا بفكر اجيب السويدى واستعمل نصه وابيع الباقى ولا ايه رايكم
انا مشكلتى انه غالى ب 350 جنيه وكمان 100 متر ضعف اللى انا عاوزه
فكده هستعمل سلك ب 175 جنيه وابيع الباقى