البحث عن صديق

[mmohamed15]

الواحد اكتشف يا جماعه انه معدش عنده اصحاب او ان اصحابه اللي كان مصاحبهم صاحبوا ناس غيره و بقوا اقرب ليهم منه و بقي هو في اخر لسته اهتمامهم
يعني انا بقالي كذا اسبوع احاول الاقي حد اخرج معاه في الاجازه ملاقيش اللي مشغول و اللي مش عارف هيقابل مين و اللي رايح مع مراته فين ده غير المسافرين طبعا
المحزن فعلا ان مبقاش في مجال لتكوين صدقات جديده و من الواضح ان الصدقات القديمه العلاقات فيها بقت ضعيفه مش قويه زي زمان لما كان الواحد بيشوفهم كل يوم ايام الكليه و كده
و الطبيعي ان الانسان ميبقاش عايش لوحده بس يبقي ايه صحاب يخرجوا سوا ة يقعدوا سوا مش يخرج مع نفسه و يتفسخ مع نفسه
بصراحه الموقف ده خلاني اكتئبت اوي و خلاني فوقت اني مبقاش ليا فعلا اصدقاء رغم اني كان ليا اصدقاء كتير قبل كده

[samyyousef]

واضح ان مشكلتك ان اصحابك هم اصحاب دراسة فقط

لو بتشتغل اكيد ممكن تجد اصحاب من خلال العمل

لو مشترك في نادي ممكن تصاحب من خلال التفاعل مع اي نشاط رياضي او اجتماعي في النادي

هذه الحالة معظم الناس بتمر بيها بالذات لما الاصحاب بيسبقوا الواحد في الزواج

[Mecha]

الناس بعد الجواز في مصر بتنسي اصحابها .شوف اصدقاء جدد من نت كافيه ,قهوة بلدي ,عمل .المتاح

[sohip]

انا اكتر واحد حاسس بيك مع ان عندى فى 2 هندسه
يعنى المفروض فى عز شبابى وعندى اصحاب الدنياوالاخره
بس لما افكر افك مبلقاش حد دى حتى الاعياد بقيت بقضيها لوحدى
فكرت انى ادور اون لاين بس الت يعنى اكلم واحد وقله تعالى نخرج هيشتمنى هههههههههههه
بس انا فى الخدمه

[sohip]

بس انا فهمت
العيب مننا او زى ما قال هم اصحاب دراسة فقط
وانى معودتهمش على اننا نكون برضو بره اصدقاء
بس انا معرفش حاجه فى الخروجات الناس هى الى دايما تجيب الاماكن

[Merooxx]

يااااااه نفس الموضوع بس انا لسا في الثانوية وحيد والوحدة قتلاني غريب والدنيا وكلاني:(

[Maun00]

عادي ياسيدي الناس بتتفرق حسب اهتمامتها انت المفروض تقدر
انا لسة شباب يعني في 1 جامعة
صاحبي الي معايا و لازقين في بعض تقريبا من 1 اعدادي لاواخر 1 ثانوي بدأنا نتفرق بعدها بسبب انو اتعرف على ناس من النت و كانوا امكانياتهم تسمحلهم بانهم يغيرو الألعاب الاونلاين مع بعض براحتهم.
وفضلت العلاقة تقل تقل تقل لغاية ماعاد لا في كلام ولا سلام كان قبل كدا بينا الدراسة مشتركة دلؤتي هو في كلية و انا في كلية مختلفة
مش معنى كدا ان وطينة من صحابك ممكن ظروفهم متسمحش

[Anaslbda]

الحل = دوّر على هواية Hobby
هتلاقي الاصحاب ذوو الإهتمامات المشتركة جم وراها على طول

[ramymechanics]

انت عارف ان دى نفس مشكلتى بس بوضع مختلف ...

اول اسبوع فى الكلية ارتباط فمكانش ليا اصحاب
زواج مبكر بعد التخرج بسنة
9 سنين زواج سفر كتير للشغل و عودة للبيت لتعويض الاسرة عن الغياب
اكتشفت ان مليش أصدقاء لكن ليا زملاء عمل كتير لكن مليش صاحب بمعنى كلمة صاحب

[mmohamed15]

واضح انها مشكله عامه و ظهرت عند ناس كتير
بس بالنسبه للأستاذ Maun00 محدش قال ان صحابي واطيين و انا مذكرتش الكلام ده خالص بس اللي ذكرته ان المشكله عندي انا ان معدش في صحاب
استاذ Anaslbda بس حضرتك عارف ان مصر مفيش اماكن تجمعات ليها علاقه بالهوايات
هو انا عارف طبعا ان اللي انا فيه ده بيكون طبيعي زي ما حصل لصحابي اللي مكانوا معايا في ابتدائي و اعدادي و ثانوي و ده كمان بيرجع غير مواضيع الجواز و السفر الي تغير الشخصيه و اختلاف الاهتمامات عن زمان يعني حتي لما بتقابل حد من صحابك القدام بتحس انه شخص تاني و انت الاختلافات بينكم بقت كتير و مبقتوش نفس التفكير و الدماغ زي زمان
في ناس كتير بتقولك كل مرحله من حياتك و ليها صحابها و مفيس ضداقه بتستمر طول العمر الا نادرا
المهم الواحد يقدر يكون صدقات ازاي و هو بقي في سن كبير نسبيا و مجالات احتكاكاه بناس جديده تكاد تكون نادره جدا

[Maun00]

واضح انها مشكله عامه و ظهرت عند ناس كتير
بس بالنسبه للأستاذ Maun00 محدش قال ان صحابي واطيين و انا مذكرتش الكلام ده خالص بس اللي ذكرته ان المشكله عندي انا ان معدش في صحاب

لا ياعم انا مقصدش ان صحابك واطين هو انا اعرفهم اساسا و اكيد بواطين مقصدهش اهانة
بس المشكلة يا سيدي ان الناس المصريين "عشريين" يعني مثلا تلاقي واحد مقابلك اول مرة و يطلب رقمك و يعملك اكنكم حبايب من سنين فطبيعي بعد كذا شهر مش هتعبرو بعض
وعمتا الي بيربط بين الناس الحجات المشتركة يعني مثلا انتو ديما بتروحو نفس الشغل و قررتو تتخطو كلامو الشغل و تكلمو في الحياة العامة
اما حكاية صديق المدرسة دا حوار فاشل لان كل واحد بيفترق
الزمن لاي كان فيه الناس صحاب و كدا ايام لما كان العالم صغير يعني واحد و صاحبو في القرية بيرجعو بليل يقعدو مع بعض و كل دا
اما دلؤتي كلو عندو مشاغل

[micromoud]

حاول انت تبقى صاحبهم اعمل ايفينت وجمعهم فيه على الفيس بوك وقولهم عاوزين نتقابل...لو منفعش اتصل بيهم على التليفون متستناش من حد انه يرجع يكلمك كل واحد عنده حياته ومسؤولياته

[S O P H O S]

كده افضل من انك تلاقي ناس كتيرة حواليك ووقت الجد
متلاقيش حد منهم اشغل وقتك بالرياضة وتتطور نفسك
هتلاقي بقي ليك اصدقاء هدف
ودولا علي الاقل افضل من غيرهم لانهم بيبقوا رفاق فهدف وشئ كويس

[mmohamed15]

كده افضل من انك تلاقي ناس كتيرة حواليك ووقت الجد
متلاقيش حد منهم اشغل وقتك بالرياضة وتتطور نفسك
هتلاقي بقي ليك اصدقاء هدف
ودولا علي الاقل افضل من غيرهم لانهم بيبقوا رفاق فهدف وشئ كويس

و الله الواحد يتمني يبقي عنده صحاب جديده بدل اللي راحوا او بعدوا العيشه وحيد دي متعبه جدا ده حتي لما تحصل عندك مشكله بتحتاج تلاقي حد جنبك هتلاقي مين لو مفيش صحاب

[canner]

الواحد عارف ان الدنيا دى تلاهى و الحكاية دلوقتى بزيادة كمان علشان كده لو فعلا عندك وقت فراغ و بتحس انك لوحدك حاول تشغل نفسك بأى هواية او حتى ممكن تلعب رياضة