استفسار بخصوص ايجار شقة

[smsm2015]

السلام عليكم
عندى شقه ولله الحمد واجرتها لوحده ايجار جديد لمدة سنتين فهى كملت سنه وعاوزه تترك الشقة وانا كاتب شرط عليها فى العقد ان تركت الشقة قبل نهاية المدة فعليها ان تدفع ايجار باقى المدة فايه الحل انا مش عاوز اظلمها خاصة ان الشقه ايجارها كبير وهى دفعت فى الاول شهر تامين

[omar101970]

حكم العدل والمنطق بيقول ان دا شرط ظالم
هو انتا حاتجبرها تكمل الايجار غصب
مادام المستأجر عاوز يمشی فهو بس ملتزم يدفع المده اللی قضاها فی المكان

[Karim Alaa]

خد شهر التامين كشرط جزائى

[matrix_it]

خد التأمين و سيبها متظلمهاش

[احمد المصرى]

الواحد احيانا بيكتب شروط فى العقد قاسيه من باب التخويف او حفظ الحقوق بس فى الواقع مش هيستخدمها ولا هيقبل اى فلوس مش من حقه انت سيبها تمشى عادى جداااااااااااا وتاخد التامين لو الشقه سليمه او على اقصى تقدير تاخد انت نص التامين كنوع من الغرامه مش اكتر


بس انا لو مكانك رجعلها كل التامين لو الشقه سليمه وان شاء الله ربنا يرزقك بمستاجر اخر بسرعه

[amr011111]

حرام تدفع باقى المده ولو الشقه سليمه اديها الشهر التأمين اللى هى دفعاها

لانها لو كانت فى الاول اجرتها سنه واحده كان هيبقى الموضوع بالنسبه عادى

ولان لو جالك مستاجر يعد شهر مش هتقوله لا ده انا واخد ايجارها لسنه قدام
وان شاء الله ربنا يكرمك بمستأجر تانى

[canner]

لو كانت محترمة معاك فى دفع الايجار سيبلها شهر التأمين كمان