هو عيب الواحد يكون محترم ؟؟

[Mostafa Bedo]

حصل النهاردة موقف معايا ضايقني اوي ومعرفتش اتصرف وهو ان انا ووالدتي كنا ماشيين بالعربية فركنت والدتي العربية ولقينا بتاع توكتوك شكله مسجل اساسا عمال يبرطم اننا دخلنا يمين مرة واحدة مع اننا كنا ماشيين يمين اساس فوالدتي عشان تلم الموقف اعتذرلته وهو برده عمال يزعق فانا مكنتش باين فلما ظهرتله لقيته زاد فيها اكتر وعمال يزعق بس ساعتها حسيت اني مش عارف ارد عليه ليه ومن ساعتها وانا مضايق عشان كان بيزعق بطريقة مستفزة وانا عمري ما اتخانقت مع حد قبل كدة ودايما ف حالي لكن الموقف ده خﻻني اسأل نفسي ليه انا محترم في وجود اشكال زي دي ؟؟؟ وليه مجبش سﻻح ولو صوت للاشكال اللي زي دي ؟؟

[J A G U A R]

الاشكال اللى زى دى من الافضل نبعد عنها
علشان متعرفش لو رديت عليه ولا مسكت فيه ممكن يعمل معاك ايه وخصوصا لو بيكلم واحد محترم
انما لو واحد يعرف يتعامل معاه هايعرفه مقامه

تصرفك سليم تماما من وجهه نظرى

[طارق _عبد السلام]

خليك محترم زى ما انت

الاشكال العكره دى مينفعش حتى تتعامل معاهم ومعاك والدتك ....... انسى الموقف تماما وكأنه محصلش

ولما تبقى لوحدك وحصل موقف زى ده سهل قوى تتصرف وتتخن صوتك عادى بس قيم الموقف الاول وشوف هتقدر تكمل معاه ولا لا ..... والافضل تتجنب الاشكال دى فعلا ومن ناحيه مسدس الصوت عوافبه ممكن تكون كارثيه عليك .. مش هتكلم قانونا... بس ممكن هو يخبطك خبطه خوف يضيعك فيها والاحتمال التانى وده الشائع لو لقوا معاك سلاح فده لوحد يطمعه فيه وباى طريقه هيحاول ياخده منك ..يعنى هيكبر المشكله معاك

خليك محترم احسن

[Ramy-Ahmed]

السلام عليكم ورحمه الله وبركاته

خليك محترم احسن انت اتصرفت صح, انسي الي حصل ومش وقت مشاكل خالص ولا معاك والدتك ولا لوحدك. ربنا يحميك

[Mecha]

يعني لما بتكسر علي حد فجأه بتنرفز ,بس انتو اعتذرتولو والمفروض كدا انتهت ,قعد يبرطم ويزعق سيبه وشوف حالك لان هو نفسو مش عارف عاوز ايه ,خليك ذكي وحذر ومتورطش نفسك في خلافات تافهة

[salodas]

خلاصة القول :
مفيش حاجة اسمها محترم ومش محترم .المعادلة بسيطة :
هو قل أدبه : لو تقدر عليه طلع 3 $$@! أمه .
هو قل أدبه : لو متقدرش عليه امشى وكبر دماغك .

[mr_vampire]

تصرفك سليم وخصوصا ان معاك والدتك.

ومتفكرش فالحوار كتير حياتك فيها حاجات اهم تفكر فبها.

[canner]

الحكاية مالهاش دعوة بالاحترام قد ما هى لها دعوة بتكبير المخ و الدنيا دلوقتى بقت صعبة و لو انت سبت نفسك كده مش ح تخلص خناق من ساعة ما تصحى من النوم لحد ما ترجعله تانى سواء مع الجيران او زمايل الشغل او الناس فى الشارع او حتى فى البيت علشان كده لازم نعدى شويه علشان نقدر نستحمل و نكمل فى الدنيا دى

[Maun00]

لما الرقاصة تعمل محترم
سواق توكتوك بيقلك انت كسرت فجأة يا حلاوة
ياعم الحاج انا زيك كدا في حالي و اكيد لو والدتي معايا مش هكلم بس الخلاصة البجاحة هي الحل جعر واشتم و هتلاقيه اتلم متلمش وحب يتشاكل و طلعلك مطوة
اكيد معاك كوريك في العربية فاهم قصدي؟ يعني ممكن تحط المفتاح بتاعو تحت كرسي السواق وبعد كدا دا ممكن تركب عربيتك ولف و رجل دبرياج و و بنزين عالأخر و روح عليه بس تكون بتعرف تتحكم في العربية و هو هيخرص خالص
من الاخر الناس دي بتعلي صوتها تجس نبضك لو بجحت معاهم هيرجعهو هم ولو مبجحتش هيركبوك
انت ظبط نفسك و خليك واثق فيها روح جيم او اي لعبة و اعرف ان لو حد رفع عليك سكينة بس دا من حقك تقتلو دفاع عن النفس ولو اتمسك و معاه سكينة فهياخد سجن

[mo7elmy]

شوف قيمتك وشوف قيمته ........ وعلى علمك شتيمتك ليه ولا تفرق معاه ولو شتمته بابوه او امه ولا تفرق ودنه واخدة على كدة ....... انما تفرق انت معاك ......... الحاجة التانية .... خليك محترم زى ما انت طالما الموضوع كلام وبس وخده بالاحترام انت كسبان ... دة زى الكلب الهايج ثباتك وطبطبتك عليه (الاحترام) يسكت ويغور.....انما لو عضك بقالب وفى راسه ...... خصوصا ان مجتمعنا راح فى 1000 داهية لا علم ولا اخلاق ولا تربية والانوعية دى طغت بنسبة 80% من المجتمع