ايه رايكم في موضوع تغيير الوظيفة ... Career Shift

[misry]

السلام عليكم ...

كل عام وانتم بخير ...

كنت عاوز اتناقش معاكم على موضوع عام وخاص في نفس الوقت

عام لأن كتير من الناس شغالين وظيف مش بيحبوها

وخاص لأني واحد منهم

بالنسبة لي , أنا دكتور اسنان 28 سنة وعندي عيادة وناجح فيها هي والشغل الحكومي ومطلوب بالاسم كمان

وده اللي صممت اعمله علشان لو غيرت وظيفتي محدش يقول اني كنت فاشل ...

من زمان وانا في الكلية حاولت اغير الكلية بتاعتي لكن منفعش للأسف لأني جاي من الخارج والاماكن

محدودة في الجامعات وللأسف اضطريت اكمل في المجال ده لحد ما ييجي الوقت المناسب للتغيير

واعتقد ان الوقت ده قرب بس مش عارف اعمل ايه وهل استمر في عملي الحالي وللا اغير للمجال اللي بحبه ...؟؟!!

أنا عموما بحب مجال الكمبيوتر والبرمجة واشتغلت كتير على النت وعملت مواقع منها اللي نجح ومنها اللي فشل وشغال الى الان مع Lion Bridge لكن طبعا الدخل قليل.

في مجال جديد كمان لقيته حلو جدا وهو الاندرويد وحاليا انا مسجل في كورس على موقع Udemy.


عاوز اعرف بس مع سني ال28 هينفع اغير المجال وللا لأ , وعاوز حد يدلني على بداية الطريق والطريقة الصحيحة اللي امشي عليها علشان اوصل للنجاح ...

شكرا

[احمد المصرى]

انت ال مريت بيه اعتقد ناس كتير مرت بيه مش انت بس بس حاليا الشاطر هو ال يكون ليه فى مجالات كتير مش مجال واحد واكتر من دخل واعتقد فى حالتك دى تخليك فى دكتور اسنان ودخل ان شاء الله يكون كويس وفى نفس الوقت تاخد كرسات فى المجال التانى وتشتغل فيه برضوا يعنى خليك فى الاتنين ويكون دخل اضافى معاك

[mmtronic]

السلام عليكم ...

كل عام وانتم بخير ...

كنت عاوز اتناقش معاكم على موضوع عام وخاص في نفس الوقت

عام لأن كتير من الناس شغالين وظيف مش بيحبوها

وخاص لأني واحد منهم

بالنسبة لي , أنا دكتور اسنان 28 سنة وعندي عيادة وناجح فيها هي والشغل الحكومي ومطلوب بالاسم كمان

وده اللي صممت اعمله علشان لو غيرت وظيفتي محدش يقول اني كنت فاشل ...

من زمان وانا في الكلية حاولت اغير الكلية بتاعتي لكن منفعش للأسف لأني جاي من الخارج والاماكن

محدودة في الجامعات وللأسف اضطريت اكمل في المجال ده لحد ما ييجي الوقت المناسب للتغيير

واعتقد ان الوقت ده قرب بس مش عارف اعمل ايه وهل استمر في عملي الحالي وللا اغير للمجال اللي بحبه ...؟؟!!

أنا عموما بحب مجال الكمبيوتر والبرمجة واشتغلت كتير على النت وعملت مواقع منها اللي نجح ومنها اللي فشل وشغال الى الان مع lion bridge لكن طبعا الدخل قليل.

في مجال جديد كمان لقيته حلو جدا وهو الاندرويد وحاليا انا مسجل في كورس على موقع udemy.


عاوز اعرف بس مع سني ال28 هينفع اغير المجال وللا لأ , وعاوز حد يدلني على بداية الطريق والطريقة الصحيحة اللي امشي عليها علشان اوصل للنجاح ...

شكرا

بص يا سيدى

انت ليسه صغير ممكن تعمل الى انت عايزه - بس خلى بالك من حاجه انت مش حتكون واخد بالك منها دلوقتى

انت واخدك مجال بتحبه بس انت بتكبر و محتاج و انت بتفكر تشوف هل المجال دة حيغطى تطلعاتك الماديه و التزاماتك كشاب محتاج يحقق حاجات كتير و لا حتكتفى بحب المجال بس و العائد ضعيف - يعنى بمعنى اصح تعمل الحاجه الى بتحبها و تستحمل ضعف العائد و لا تكمل فى الى انت فيه و تطور نفسك من الناحيتين علشان تقدر تحقق نجاحات ماديه و معنويه لحياتك - الحياه مش انك تشتغل الى بتحبه بس - فيه امور كتير قوى بتتحكم

انا كيميائى متخرج من كليه االعلوم - كنت لا اتخيل نفسى شىء غير مهندس كهرباء - عانيت كتير و كنت كاره الى انا بشتغله لحد ما اشتغلت فى مجال الاسمنت - صناعه رخمه و صعبه و كان تحدى بالنسبه ليه بس كملت فيه نتيجه التحدى - ﻻحظ ان الهدف اتغير - فاتغير معاه وجهه نظرى - فاهم - يعنى انت هدفك لو غيرته حيتغير وجهه نظرك تماما و طريقتك فى التطبيق

دلوقتى انا خبير جودة فى الاسمنت فى اكبر شركه اسمنت فى العالم و مش متخيل نفسى شىء دلوقتى غير شغلتى :))) فهمتنى

انا 39 سنه دلوقتنى - انا دلوقتى غير من 10 سنين اهداف مختلفه و فكر مختلف تماما

[Mecha]

شيل من دماغك موضوع الفشل ,محدش له عندك حاجة وزيح عن كتافك
ممكن تغير وسنك مناسب ,لكن لازم تخلص كل جهدك للكاريير الجديد اللي بتحبو عشان صاحب بالين كداب
وبالتوفيق

[marwanragab]

طبعا عادى وغير الكارير انا شغال مبرمج فى شكرة برامجة طبية ومعايا هنا فى الشركة دكاترة كتيير سابوا الطب وشغالين فى تحليل المعلومات والبرمجة الطبية للمستشفيات والدنيا تماام ومفيش مشكلة فى انها مكانتش دراستهم ولا حاجة

[Imhotep]

انت لسه سنك صغير و فى مراحل مهمة فى حياتك لسه هتمر بيها لكنها محتاجة اساس تبنى عليه لغاية ما توصل لنقطة تحول مهمة فى حياتك
يعنى ايه الجملة الطويلة المكلكعة دى
انت خريج كلية عملية تعبت فيها و نجحت و محتاج تجنى ثمرة تعبك. . . كمان دخلها كويس. . . يبقى تبنى على ده
و يكبر معاه جنبا الى جنب هوايتك فى البرمجيات و الحاجات دى
لغاية ما توصل لمفترق الطرق او نقطة التحول اللى هى سن الاربعين
دى سن النضج اللى بتقيم فيها انت وصلت لايه فى حياتك و لسه عايز توصل لايه
و بناء عليه بتغير بقى اولوياتك
يعنى لو كنت حققت نوع من الاستقرار المادى اذن انت ممكن تعمل كارير شيفت و تبدأ تشتغل هوايتك بشكل محترف بدون تأثير على مستوى معيشتك او بمخاطر اقل
لو لسه لم تحقق استقرار مادى يبقى هتبقى مضطر تستمر فى الشغل اللى بيحقق لك عائد افضل يفى بمتطلبات معيشتك
فكرتك فى الكارير شيفت فى حد ذاتها جيدة و مطلوبة لكنها فقط تحتاج الى توقيت جيد و دراسة لكافة ابعادها و ما يترتب عليها من نتائج هتأثر على حياتك

[micromoud]

مصر بلد ظروف العمل والنجاح فيها محبطة بلاش تبعد عن مجالك خليك قريب منه ومجال اللى انت اخترته مجال متطور هتقدر كل شويه تجرى فيه وتلحق التطور فيه؟!
خليك فى مجالك احسن وياريت لو تقدر تسافر بره فى بلاد كتير هتقدرك "حب ما تعمل"

[misry]

شكرا على مساهماتكم الراقية ...

بالنسبة لي عندي استعداد افضل في المجال بتاعي لحد ما اضمن ان المجال التاني كويس ماديا

وده يعتبر سهل لأن الشغل الحكومي 3 ايام في الاسبوع بالكتير والعيادة بالليل فقط ... فعندي وقت

ممكن اتعلم فه حاجات تانية

بس عاوز اعرف هل مجال الاندرويد كويس , وايه افضل مجال في الكمبيوتر اقدر اشتغله بعد ما آخد كورسات ؟

وهل الموضوع مجزي ماديا واقدر افتح بيه بيت وللا لأ ؟

حاجة تانية ,,, انا مش عاوز اشتغل في شركة والكلام ده , الشغل اللي عاوزه يا اما اكون صاحبه أو اونلاين من البيت.

وعلى فكرة معنديش مانع افضل في الشغل الحكومي + الشغل الجديد .


ايه رأيكم ؟

[amr011111]

حاول تاخد الموضوع هوايه بجانب وظيفتك الاساسيه لحد ما تعمل برنامج ويضرب معاك وساعتها ابقى اترك مهنتك

[misry]

هل الكورسات كفاية وللا لازم دراسة ...؟

[Eslam.Elrefaey]

متكمل فى الاتنين وتبقا فى البرمجة freelancer ومش مربوط بشركة

[misry]

متكمل فى الاتنين وتبقا فى البرمجة freelancer ومش مربوط بشركة

ما هو ده اللي بفكر فيه ,,, ابقى الصبح في الشغل والفترة التانية على النت

بس أبدأ ازاي , يعني الكورسات اللي على الانترنت كفاية وللا لأ ؟

[Khaled Online]

ما هو ده اللي بفكر فيه ,,, ابقى الصبح في الشغل والفترة التانية على النت

بس أبدأ ازاي , يعني الكورسات اللي على الانترنت كفاية وللا لأ ؟

كفاية. انت بس لاحق
ممكن دي تكون البداية

http://www.nilemotors.net/Nile/454429-10-3000-a.html

http://www.nilemotors.net/Nile/3875861039-post13.html

وفيه مواقع تانية متتعدّش

[misry]

كفاية. انت بس لاحق
ممكن دي تكون البداية

http://www.nilemotors.net/Nile/454429-10-3000-a.html

http://www.nilemotors.net/Nile/3875861039-post13.html

وفيه مواقع تانية متتعدّش

أنا مشترك فعلا في الموقع ده ...

بس هل الافضل مجال Mobile application ولا الكمبيوتر ؟

[Khaled Online]

أنا مشترك فعلا في الموقع ده ...

بس هل الافضل مجال mobile application ولا الكمبيوتر ؟

الأفضل من ناحية إيه؟ العائد المادي؟ الاتنين كويسين بس برامج الموبايلات سوقها برة أحسن والمنافسة قوية لكن المتخصصين فيها أقل
الشغل المتوفر؟ برمجة الكمبيوتر شغلها متوفر أكتر
شوف اللي انت حابه أكتر ودوس