نظام جديد من Tedata

[Sharky]

على ما فهمت طشاش انك بتجيب ريسيفر اسمه شو بوكس او ترومان مش فاكر و بيتوصل بالراوتر تقريبا مش بال ال ان بى و بيفك شفرات كل القنوات اتوماتيك و تدفع للشركة اللى بتعمل القصة دى 40 جنيه شهرى اشتراك و اتفرج يا معلم على كل القنوات.

انا بصراحة مش عارف تفاصيل اكتر بس اسمع ناس كتير بتتكلم عليه و هدور على التفاصيل لما اغير للسرعة الأعلى و ياريت اللى يعرف معلومات اكتر يقولنا

حسام
الموضوع دا سمعت إنه حرام لإنه كده بتفك شفرات القنوات المشرة بدون إذنهم و لا إشتراك عندهم

[Nader]

بالمناسبة فودافون مينفعش تنافس تي اي داتا ومش بقول كدا عشان انا شغال فيها ولكن دي بتلعب في غير ملعبها
وبعدين فودافون شغلها الاساسي في الانترنت هو الوايرلس عن طريق ال 3g ويادوب بيفكروا يدخلوا في الdsl ومعندهمش بنية تحتية تخليهم يفكروا مجرد تفكير ينافسوا تي اي داتا

فودافون معملش حاجة من عندة، كل اللي حصل ان رايا اتحولت

لفودافون،، خدمة العملاء والدعم الفني اتحسنت كتير لكن اي شئ

اخر كما هو بدون تغيير.

[CryptonX]

10 Gb بس ؟؟

دول يخلصوا في تلات ايام هنا :)

اخر شهر ( شهر اوكتوبر ) الاستخدام بتاعي كان 69 Gb وانا لوحدي :)

خليني انا في ال 1 Mb المفتوح .. و يارب يرخصوه شوية ..

[Powert]

بالمناسبة فودافون مينفعش تنافس تي اي داتا ومش بقول كدا عشان انا شغال فيها ولكن دي بتلعب في غير ملعبها
وبعدين فودافون شغلها الاساسي في الانترنت هو الوايرلس عن طريق ال 3g ويادوب بيفكروا يدخلوا في الdsl ومعندهمش بنية تحتية تخليهم يفكروا مجرد تفكير ينافسوا تي اي داتا

فودافون اشترت شركة راية تليكوم وحالياً فودافون بطور نفسها وبتوصل سيرفرتها على شبكات اقوى واكبر

هي حالياً شغالة على سيرفرات تي اي تاتا

بس السرعة عندي عمرها ما قلت او ضعفت


ثانياً فودافون احسن لانها بدتيك سرعة 1 ميجا كاملة و7 جيجا في الشهر لتورينت وبرامج المشاركة ولما تخلص تنزل سرعة التورينت الى 256

بس النت سرعتها ثابته طول الشهر ل 1 ميجا

[Powert]

10 Gb بس ؟؟

دول يخلصوا في تلات ايام هنا :)

اخر شهر ( شهر اوكتوبر ) الاستخدام بتاعي كان 69 Gb وانا لوحدي :)

خليني انا في ال 1 Mb المفتوح .. و يارب يرخصوه شوية ..

وانا كمان في نص شهر عامل 45 جيجا download ومخلص ال 7 جيجا بتوعي في اول يومين

انا الكمبيوتر شغال صبح وليل من غير حتى ريستارت وتنولوود مش بيلحق يخلص علشان اكتر من حاجة بتنزل في وقت واحد

[أبومعاذ]

فودافون اشترت شركة راية تليكوم وحالياً فودافون بطور نفسها وبتوصل سيرفرتها على شبكات اقوى واكبر

هي حالياً شغالة على سيرفرات تي اي تاتا

بس السرعة عندي عمرها ما قلت او ضعفت

راية مش واخدة اي شغل حاليا من تي اي داتا ولكن كانت شارية band width من ايجي نت و الشركة دي تعبانة جدا جدا و معايا ناس زمايلي كانوا شغالين هناك ودا كلامهم

ثانياً فودافون احسن لانها بدتيك سرعة 1 ميجا كاملة و7 جيجا في الشهر لتورينت وبرامج المشاركة ولما تخلص تنزل سرعة التورينت الى 256

بس النت سرعتها ثابته طول الشهر ل 1 ميجا

طيب ما تي اي داتا بتديك 10 جيجا مش 7 ولما تخلصهم بتفضل شغال بال 1 ميجا زي مانتا مش بتنزلك لسرعة اقل و تي اي داتا برضو سرعتها ثابتة و مش بتقل

[Goodle]

في انتظار الأخبار عند بدء العرض مع أستاذ حسام

[Powert]

راية مش واخدة اي شغل حاليا من تي اي داتا ولكن كانت شارية band width من ايجي نت و الشركة دي تعبانة جدا جدا و معايا ناس زمايلي كانوا شغالين هناك ودا كلامهم

لأ كانت واخدة من ايجي نت لما كانت راية بس لما نقلت لفودافون اخدت من تي اي تاتا مباشرة

وكلام ده على لسان ناس بتشتغل هناك ومنهم مدير قسم الانترنت بفودافون

طيب ما تي اي داتا بتديك 10 جيجا مش 7 ولما تخلصهم بتفضل شغال بال 1 ميجا زي مانتا مش بتنزلك لسرعة اقل و تي اي داتا برضو سرعتها ثابتة و مش بتقل

انا كنت شغال بتي اي تاتا في الاول ودلوقتي شغال بفودافون وعن تجربة فودافون احسن بكتيير واسرع وعمرها ما نزلت السرعة عندي

ده كفاية خدمة العملاء لو في اي مشكلة تاني يوم بيكون حد عندك يشوفها ويحلهالك

ومش بيمشي من عندك غير لما تتحل ومن غير مقابل

[أبومعاذ]

ممكن حضرتك تقولي ال Ip بتاعك من رنج كام عشان اتاكد من المعلومة بتاعت ان تي اي داتا بتدي لفودافون

[Powert]

192.221.56.00

اتفضل ده رقم الرنج بتاعي

[Hossam_Hassan]

حسام
الموضوع دا سمعت إنه حرام لإنه كده بتفك شفرات القنوات المشرة بدون إذنهم و لا إشتراك عندهم

يعنى الأشتراك اللى بيدفع مش بيروح للشركات دى؟ أنا كنت فاكر انه زى اشتراك الدش العادى بس علشان الواحد بيستخدم النت بدل الدش، يبقى ارخص مثلا، عموما انا بحب ابقى رسمى قوى فى القصص دى و لو الموضوع كده يبقى مايلزمنيش.

[أبومعاذ]

192.221.56.00

اتفضل ده رقم الرنج بتاعي

ولو كانت ي اي داتا بتدي لراية او فودافون يبقى اي شركة اكبر و احسن

[Powert]

ولو كانت ي اي داتا بتدي لراية او فودافون يبقى اي شركة اكبر و احسن

على كلامهم ده في الوقت الحالي بس لغاية لما يطوروا نفسمهم

وطبعاً انا يهمني خدمة العملاء وان النت ما تقطعش , مش بعد ما النت تقطع اتصل بيهم :k37:
3 ساعات بتليفون, واحد يرد عليا ويقولي ده من عندك

ده غير اني بكلمهم من الموبايل وبلاش وبيجي البيت ببلاش وكان هيغير خط التليفون من غير ولا مليم

واي مشكلة بيحلوها على طول وفي متابعة معايا

وبيتصلوا يسألوا على النت عاملة اية وازا كنت راضي عنهم ولا لأ
تيجي تقولي تي اي تاتا

[Hossam_Hassan]

حولت النظام النهاردة فى فرع المعادى، الأجراءات اخدت 20 دقيقة و استلمت الراوتر و عقبال ما رجعت كانت السرعة زادت، جربت الراوتر و مفيش اختلاف فى الأداء بينه و بين الراوتر النت جير اللى عندى و سرعة الداونلود بتوصل 1.2 ميجا بس مش علطول.

[أبومعاذ]

مبروك يا سيادة اللواء