اشتري بطانيه لفقير او مشرد وربنا يجازيك خير الجزاء

[Karim_Monir]

معذره البوست مالوش علاقه بالسيارات زي ما عودناكم ولكن ليه علاقه بالانسانيه
فضلا واحنا اول الشهر ومعظمنا قبض مرتبه
في بطاطين تبدء من 40 و 50 جنيه واللي مش عارف بتتباع فين ؟
بتتباع في الجمله في ش 26 يوليو او وكاله البلح
وبتتباع في كل محلات التوحيد والنور
فيه اغلى طبعا لكن دي اقل حاجة
ممكن تشتري واحدة وافتكر في الجو التلج ده ان فيه غلابه ومشردين معندهمش مأوى
وانت ماشي بعربيتك هاتشوفهم في كل مكان تقف تديله واحده
هايغمرك احساس بالسعاده والراحه النفسيه غير طبيعي
وافتكر انك بسهولة ممكن تتعطل عربيتك في يوم ساقع زي ده وتكون واقف مستني انقاذ او ونش علي طريق دائري او سريع وتتلج زيه بالظبط رغم ان معاك فلوس ومعاك عربيه
واوعى تنسى قول الله عز وجل
(لن تنالوا البر حتى تنفقوا مما تحبون)
انفق من الفلوس الي بتحبها او محتاجها وبدون قسم لانه كلام رب العزى هايرجعلك باكثر وزيادة في الدنيا والاخره غير جبال الحسنات باذن الله
متكسلش فالصدقه بيقف عليها الف شيطان وانت مروح عدي علي التوحيد والنور هات بطانيه دي باقل من تمن وجبه من ماك
وبينك وبين نفسك تقول يا رب دي خالصه لوجهك الكريم وتطلعها لاي حد محتاج سواء في الشارع او البواب عندك او الحارس او جار مسكين والاقربون اولى ودي تعبتر صدقه سر
وصدقه السر تطفئ غضب ربنا سبحانه وتعالى على خطايانا وذنوبنا

جزاكم الله كل خير وطبعا كل ماتطلع اكثر ليك ثواب اكثر باذن الله
وانشر البوست فالدال على الخير كفاعله وتذكر الناسي

[م أحمد]

جزاك الله خيرا و جعله فى ميزان حسناتك
مجرد عدم الحض على الخير ذنب (و لا يحض على طعام المسكين)

[Karim_Monir]

ناس كتير بتقولي خد فلوس واشتري
عايز اقولهم ده اكونت صديقي محمد علي مدير جمعيه مساعده وواحد من احسن اللي قابلتهم في العمل الخيري ابعتوله الفلوس وهو بيشتري ويوزع علي المحتاجين في قري مصر

https://www.facebook.com/mohammed.aly.18?fref=ts

[أبو آسر]

السلام عليكم ورحمة الله وبركاته
النداء الأخير للمساهمة في حملة بطاطين الشتاء
آخر موعد للتبرع غداً الأربعاء 7 يناير بإذن الله تعالى
هنشتري الخميس الصبح ونوزعها الجمعة إن شاء الله
للمساهمة برجاء الاتصال برقم 01008640906
اللهم استخدمنا وﻻ تستبدلنا

https://www.facebook.com/mohammed.aly.18/posts/10205451489997097