سؤال عن السمارت فون

[ahmedwagdy03]

إخوانى فى المنتدى : عارف إن السؤال ده تم طرحه كثيرا و كتر فيه الكلام

المرة دى سؤالى محدد عن جهاز

sony xperia z1

إبنى لا يريد أن يعيش فى جلباب أبوه (السامسونج ) و مصمم على الزبيريا زد وان و عمال يقنعنى بالإمكانيات الممتازة زى المعالج و الذاكرة

أنا مش عارف أتخذ قرار و عادة أحب أبحث عن العيوب قبل المميزات فأرجو من أى زميل له تجربة مع هذا النوع أنه يفيدنى

[naser_56]

قله يبعد
حراره عاليه واستهلاك بطاريه عالي جدا
تقدر تقول لو المشاركه دي كانت منه كان نذل واحد او اتنين في الميه من البطاريه

[ahmedmohamed7]

موبيل كويس .....هو معايا و شغال كويس ولا فيه سخونة ولا حاجة و البطارية كويسة جدا :)

انصحك ب z2 دولى ..... عامل 3200 حاليا
انا بحب النكسس 5 جدا ...بس بطارية و كاميرا مش قد كده ........... بس كويس جدا جدا

[ahmedwagdy03]

شكرا أ ناصر و شكرا م أحمد

شكلى كدة أجيبله الزد 1 أو 2

كنت حابب أطمئن إن مافيش مشاكل بروسيسور أو سوفت وير

[ahmedmohamed7]

شكرا أ ناصر و شكرا م أحمد

شكلى كدة أجيبله الزد 1 أو 2

كنت حابب أطمئن إن مافيش مشاكل بروسيسور أو سوفت وير

حرام زد 1 دلوقنى و قدامك الزد 2 و فرق الفلوس قليل ...و فرق امكانيات كبير :) انكل على الله

[D.R.Mahmoud]

السلام عليكم
انا عارف انى بكتب متاخر شوية....بس هقول لحضرتك بعض معلومات من باب العلم بالشىء
نفس اللى بنقولة فالعربيات هنقولة بالنسبة الموبايلات تماما اللى هو كل ماركة وموديل لة مميزاتة وعيوبة والكمال للة وحدة
موبايلات سونى بتركز على الكاميرا والتصوير فوق وتحت المية لاكن سبورت للسوف وير تعبان
موبايلات ال جى بتركز على الصورة والصوت ونقاوتهم وجمالهم اكتر والكاميرا اقل والسبورت قليل بس افضل من سونى
موبايلات سامسونج تمنها مبالغ فية جدا على امكنياتة ومكوناتة الداخلية الرديئة بس بتهتم بابديت السوفت والدعم الفنى اكتر من اى شركة تانية وممكن تلاقى موديلاتها القديمة تستخدم نسخة اندرويد احدث من باقى المركات
راى الشخصى هو النكسس5 زى ما قال الاخ ahmedmohamed7 علشات هتبقى واخد سبورت من جوجل نفسها مش من ال جى + صورة وصوت ولا اروع والكاميرا ال 8 وش وحشة ابدا
وعلى فكرة النكسس 4 الاقدم هو اول موبايل قديم وصلة تحديث ال لوليبوب يعنى دعم افضل من سامسونج بمراحل
وبالتوفيق