فندق جيد في القاهرة

[mhamdsamy]

حد يعرف فندق اربع نجوم نضيف و كويس
ولو حد يعرف سعر الغرفة يبقي احسن
بدور في حدود اربعين لستين دولار
لاني كنت في طنطا قبل كدة دورت علي فندق و لقيت من علي الانترنت صورتة كانت كويسة
بس طلع تعبان جدا لما رحت هناك عشان كدة بسال بدل مدور علي النت : )

[محمد عز]

فنادق نوفوتل بتبقى 4 نجوم وكويسة

الحقيقة انا جربت فندق نوفوتل اللى فى مطار جنب صالة 1 ، كانت الخدمة ممتازة ونضيف لكن الفندق قديم شويا

وعلشان تريح نفسك فنادق 4 نجوم فى مصر للاسف مستواها تعبان جدا ، وتبقى زى الفنادق النجمتين او التلاتة بره مصر

[A.Saad]

اما تحجز من النت شوف اراء الزوار مش الصور

[Mohamed_Hamid]

ادخل على الموقع ده ودور فيه وشوف تقييمات الناس
Reviews of Hotels, Flights and Vacation Rentals - TripAdvisor

[mhamdsamy]

اما تحجز من النت شوف اراء الزوار مش الصور

هعمل كدة شكرا

[mhamdsamy]

ادخل على الموقع ده ودور فيه وشوف تقييمات الناس
reviews of hotels, flights and vacation rentals - tripadvisor

عندي عالتلفون ابلكشن الترب ادفيزر
هجرب و اقولكم انا اخترت اية

[هيثم مجدي]

انت عاوز يكون مكانه فين ؟

[mhamdsamy]

انت عاوز يكون مكانه فين ؟

وسط البلد او اي مكان كويس تلت نجوم او اربع نجوم المهم فندق مش بيد اند بركفست
اية رايكم في فندق فكتوريا في شارع الجمهورية

[dedi]

فندق فيكتوريا موش وحش انا نزلت فية مرتين
من شهر تقريبا سعر الغرفة المفردة كان 180 جنية تقريبا افطار شامل هو مستوى 3 نجوم

[mhamdsamy]

فندق فيكتوريا موش وحش انا نزلت فية مرتين
من شهر تقريبا سعر الغرفة المفردة كان 180 جنية تقريبا افطار شامل هو مستوى 3 نجوم

انا ناوي انزل اسبوع صد رد
في فنادق بيكونوا عاملين سعر للمصريين و سعر للعرب و الاجانب مختلف
علي العموم انا بعتلهم ايميل اسال علي سعر غرفة لمدة اسبوع في اول فبراير لما يردوا هتصل بيهم واحجز لان علي الترب ادفيزر السعر 25 جنية استرليني و في موقع بوكنج 52 ودة تلت نجوم
ياعني ياما السعر مبالغ فية ياما المواقع دة بتاخد الباقي في جيوبها ال انت بتقول علية دة تقريبا 15 جنية استرليني 180 جنية مصري
هستني ردهم علي ايميل او هتصل و هكتبلكم ال حصل

[mhamdsamy]

انا ناوي انزل اسبوع صد رد
في فنادق بيكونوا عاملين سعر للمصريين و سعر للعرب و الاجانب مختلف
علي العموم انا بعتلهم ايميل اسال علي سعر غرفة لمدة اسبوع في اول فبراير لما يردوا هتصل بيهم واحجز لان علي الترب ادفيزر السعر 25 جنية استرليني و في موقع بوكنج 52 ودة تلت نجوم
ياعني ياما السعر مبالغ فية ياما المواقع دة بتاخد الباقي في جيوبها ال انت بتقول علية دة تقريبا 15 جنية استرليني 180 جنية مصري
هستني ردهم علي ايميل او هتصل و هكتبلكم ال حصل

للاسف ايميلهم غلط مع ان انا بعت و جالي رسالة ان الايميل موصلش و تلفونهم هو اخرة 90 و 91 92 93 94 بس كلهم بيطلعلي رسالة الرقم اتغير واطلب دليل فبلاش الفندق دة : )
فية كونكورد الدقي لكن في ناس كاتبة عنة كلام مش كويس
وفية بقي فندق عجبني جدا
Nile Season Hotel

اربع نجوم بس فية حاجة علي موقع بوكنج للمصريين و المقيمين في مصر سعر الغرفة حنين و الفطار مشمول

لكن لاي حد تاني سعر الغرفة + 25 في المية

والفطار 4 جنية استرليني
اية الناس دة

وفية برضة فندق

Horizon Pyramids Hotel

دة برضة اربع نجوم و سعرة كويس

انا شايف ان فنادق التلت نجوم مبالغ في سعرها جدا عشان كدة اربع نجوم و يبقي احسن