اشتريت انهاردا كاميرا فوجى s4800 ومش مبسوط منها

[احمد المصرى]

السلام عليكم

انهاردا اشتريت كاميرا فوجى 4800 s بس حاسس انها عاديه جدا مش عارف دا عيب انى لسه مش عارف استخدمها ولا هيا فعلا كاميرا عاديه


وكان فى كاميرا تانيه سونى ب 1800 جنيه ونوع تانى ب 2000 جنيه وانا ال اشتريتها عامله 1100 جنيه


انا مش عارف انا اشتريت صح ولا اتسرعت فى الشراء


ولو حد يعرف اذاى اظبتها علشان اخد منها افضل صوره

[hema111]

فى حدود خبرتى المتواضعة واستخدامى لعدة أنواع من الكاميرات مثل Sony, Canon, Benq, Casio أنصحك بالكاميرا السونى لعدة أسباب:
أداء عالى ومتميز جدا
توفير فى استهلاك البطارية
تستحق كل قرش اندفع فيها
سوفت وير ممتاز وسهل التعامل معه
قوة الفلاش تتناسب مع امكانيات الكاميرا

تتفوق عليها الكانون فى صفة واحدة وهى الصور البورترية (صور الاشخاص) فهى فى الكانون أفضل قليلا ولذلك تجد معظم المصورين فى الاستديوهات يستخدمون الكاميرات الكانون

وقبل كل شىء أنصحك بمعرفة موديل الكاميرا التى ترغب فى شرائها ثم الدخول الى موقع الشركة المنتجة لها على النت ومعرفة كل مواصفاتها

وأتمنى لك التوفيق

[n_salamaly]

انت اشتريت - حاول تنظر ليها نظرة تفاثل علشان ما تقفلش منها و تكرهها - انا سمعت عنها انها جيدة جدا
حاول تقرا الكاتلوج بتاعها و تتعرف على امكانيتها وحدة وحدة - و ابدا باستخدام الوضع اوتو
ماركة فوجي ماركة محترمة
و اتمنى لك التوفيق فى فهمها و التعامل معها
و ابقى ارفع لنا صور طبيعية من تصويرها

[dedi]

لو ينفع ترجع رجعها
دة راى انا معى كاميرا فوجى موديل تانى بس صورها زبالة طبعا كانون وسونى افضل بكتير

[Hobgoblin]

Canon
Nikkon
Sony

[Batman372]

مع الاسف كاميرات فوجى/سامسونج مقارنه بالباقى صورها سيئه جدا و عن عده تجارب حتى الوصول لل dlsr كانون :)
لذلك حتلاقيها ارخصهم ...
لو تقدر ترجعها و تبدلها ... الكانون و النيكون افضل كثيرا لانهما اكبر عمالقه كاميرات التصوير ... ثم سونى ...
تحياتى ...

[msobhy]

الكاميرا الفوجى حلوه ومش سيئه زى ما انت متخيل
ممكن تروح لهم التوكيل وتطلب انهم يظبطوها وفى شكوتك قول ان الصور سيئه
بخصوص الكلام العام
بنفس الفلوس اللى تشترى بيها كاميرا فوجى لو جبت بيها كاميرا سونى ..... الفوجى هاتكسب فى كل حاجه
بخصوص احسن البرندات طبعاً نيكون و كانون اعلى حاجه
هنا فى مصر نيكون ساحقة كانون
عالميا نيكون اعلى من كانون بفارق بسيط
ميزة نيكون مصر انهم مركز الصيانة المعتمد التانى فى الشرق الأوسط بعد مركز دبى وفعلا ناس محترفه
بالمناسبه
اللى مهتم بالتصوير فيه معرض الشهر ده فى القريه الفرعونية هايكون فيه كل البرندات
وفيه مسابقة جامده جداً نيكون عاملاها فى مصر وهايتعملها مهرجان الشهر اللى جاي تقريبا

[احمد المصرى]

الف مليون شكر يا رجاله

انا حاليا ظبتها علي الوضع الاوتو وصور كام صوره طبيعيه والحمد لله صور كويسه بس مش وهميه واعتقد دا طبيعي علي قدر فلوسها صح كدا

بس برضوا بفكر ارجعها واجيب السوني بس الفرق اكتر من الضعف بس فرق الصوره كبير وبرضوا بقول اخليها حاليا وتبق بدايه اني اشتري كاميرات احترافيه

[د.محمود صلاح]

هتتعود عليها ... موضوع الكاميرات ده كبير جدا وكل ما زاد السعر زادت المواصفات وجودة التصوير ..

انا ريحت نفسي واشتريت اغلى نوع فئة الديجيتال عشان الهيصة دي .. احلى حاجة تعجبني فيها ان الصور تترفع تلقائي على حسابي في فليكر او فيس بوك زي ما احددلها عن طريق الوايرليس

[Kirolos Edward]

هي هتديك خدمات كويسة مقابل تمنها و انا عندي واحدة نفس الفئة, الفكرة في الكاميرات دي في الوضع المانيول و الزوم الكبير 30x لكن متتوقعش نتيجة زي الكاميرات الDSLR لو حضرتك ملكش اوي في التصوير