خبرتكم ف الحياة

[Mostafa Bedo]

السﻻم عليكم ورحمة الله.
هدخل ف الموضوع علي طول.
ما شاء الله المنتدي هنا في ناس من كل الانواع ومن كل الاماكن فحبيت استفيد منكم ﻻني بعتبركم اخواتي الكبار فحبيت انكو تنقلولي حبه من خبراتكم ايه اللي انت اكتسبته من العالم الخارجي ومعاملتكم مع الناس وايه اللي انت ما تحبش ان وﻻدك يعملوة وبتنصح وﻻدك بيه ؟؟؟
يمكن لما اجمع خبراتكم ابقي انسان عندي خبرة كويسة واهو كل الشباب يستفادوا وبالنسبالي انا متطلع اشوف الحياة العملية ماشية ازاي وليه دايما والدي ووالدتي خايفين علينا منه لكن انا حياتي دلوقتي مدرسة وبيت بس
منتظر ردودكم

[Ahmed_selmy]

طيب ممكن تحدد سنك او اى مرحله تعليميه انت فيها علشان نقدر تقدم النصحيه المظبوطه فى هذه المرحله.

[hitman235]

انا هقولك الصح الى بحاول امشى عليه او نفسى امشى عليه

مصلحتك اولا كفرد سيبك حتى من اهلك و قرايبك ده فى الدنيا و الاخره برضه

عملك لنفسك لو حد قالك نصيحه فاسده و مشيت عليها فشلت هيقولك انت الى سمعت كلامى اسمع كلام الناس زى ما انت عايز لكن وقت اتخاذ القرار انت المسوؤل الوحيد

اعتمادك على الفاشلين هيخليك فاشل برضه

الزمن ده محدش بيرحم حد كله فى سبق عايز يحقق كل حاجه الفيس و النت و الاتصالات خلت الناس تعرف اخبار بعض بالتفصيل و كله عايز يبقى احسن من الى زيه او احسن من غيره فلو مشتغلتش على نفسك كله هيسبقك و هتبقى فى قاع المجتمع و محدش هيعبرك

كل يوم بيعدى الناس بتبقى ماديه اكتر ... 99% من قرارات الناس دلوقتى مبنيه على الارقام بكام و هيكلفنى ايه سواء وقت او فلوس

محدش فارق معاه مشاكلك الناس ما بتهتمش ممكن تدعى الاهتمام لكن محدش بيهتم مين عنده مشاكل ايه او يقدر يساعده بأيه كله مشغول بالجرى ورا مصلحته لو حد سمعك هتبقى بالنسبة ليه قصه بتتحكى علشان فى الاخر يحس بالسعادة على عنده مش عندك ويقول الحمد لله الذى عافانا مما ابتلى به الاخرون

اخيرا مافيش شىء بدون مقابل حتى فى العلاقات الانسانيه الا حب اهلك ليك

[Ahmedmiy]

بسم الله الرحمن الرحيم

بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله

بمنتهى البساطة يا أخونا الحبيب مصطفى أنت كائن حي موجود من ضمن كائنات حية أخرى كثيرة موجود على كرة أرضية تقع فى كون كبير مع كواكب أخرى وفضاء كبير
حضرتك شوف من خلقك وعلشان ايه وايه تفاصيل وجودك وطريقة قضاء الفترة بتاعتك على الأرض بالتاكيد إذا عرفت الحاجات ديه من الاول وبراحة خطوة خطوة حيكون عندك إجابات على اى سؤال حيشغل بالك أو أى موقف مش عارف تتعامل معاه أو بيمر عليك اول مرة لكن الخبرة بتكون بعد مرور التجربة بس تفرق جدا إذا كنت تعرف حاجات بسيطة عن التصرف فى المواقف الجديدة والتصرف ده بيكون الطريقة الثابتة التى طلبها منك من خلقك وخلق هذا الكون

لا إله إلا الله محمد رسول الله

فدائما كن باحث عن الحقيقة

فالعلم هو القوة ،،، والجهل هو الضعف

والقوة مش عضلات القوة معرفة تستخدمها علشان تمشى حياتك الدنيا القصيرة فى طريق صحيح لغاية ما تنتقل للحياة الأخرة الدائمة وطبعا كل الناس متاكدة من موضوع الموت ده علشان كل الناس فى الأرض شافت ناس بتموت
وشىء منطقى جدا إذا كان هناك من خلقنا بهذا الشكل فبالتأكيد ممكن يبعثنا مرة تانية وقد أبلغنا بذلك عز وجل لا إله الا الله


مجرد سؤالك فى الموضوع دليل أنك شخص محترم وبتبحث عن الحقيقة السليمة بس طريقة البحث لازم تكون منك وابدا فورا بتنظيم أفكارك وأولوياتك فى المعرفة والبحث عن مصادر موثوق بها

أحبك فى الله وجزاك الله خير

حفظك الله وهداك وإيانا إلى الصراط المستقيم الذى يرضاه لنا


جمعة طيبة مباركة إن شاء الله


تحياتى لك ولجميع الاعضاء الكرام الأحباب الأفاضل



سبحان الله وبحمد سبحان الله العظيم
كلمتان خفيفتان على اللسان حبيبتان إلى الرحمن

سبحان الله العظيم وبحمده
من قالها غرس الله له فى الجنة نخلة إن شاء عز وجل

الحمد لله

[Mostafa Bedo]

طيب ممكن تحدد سنك او اى مرحله تعليميه انت فيها علشان نقدر تقدم النصحيه المظبوطه فى هذه المرحله.

انا ف 2 ثانوي
بس انا لما عملت الموضوع كنت عاوز ان الشباب كله يستفيد من خبرات الناس الكبار والاعقل مننا اكيد

[Mostafa Bedo]

بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله

بمنتهى البساطة يا أخونا الحبيب مصطفى أنت كائن حي موجود من ضمن كائنات حية أخرى كثيرة موجود على كرة أرضية تقع فى كون كبير مع كواكب أخرى وفضاء كبير
حضرتك شوف من خلقك وعلشان ايه وايه تفاصيل وجودك وطريقة قضاء الفترة بتاعتك على الأرض بالتاكيد إذا عرفت الحاجات ديه من الاول وبراحة خطوة خطوة حيكون عندك إجابات على اى سؤال حيشغل بالك أو أى موقف مش عارف تتعامل معاه أو بيمر عليك اول مرة لكن الخبرة بتكون بعد مرور التجربة بس تفرق جدا إذا كنت تعرف حاجات بسيطة عن التصرف فى المواقف الجديدة والتصرف ده بيكون الطريقة الثابتة التى طلبها منك من خلقك وخلق هذا الكون

لا إله إلا الله محمد رسول الله

فدائما كن باحث عن الحقيقة

فالعلم هو القوة ،،، والجهل هو الضعف

والقوة مش عضلات القوة معرفة تستخدمها علشان تمشى حياتك الدنيا القصيرة فى طريق صحيح لغاية ما تنتقل للحياة الأخرة الدائمة وطبعا كل الناس متاكدة من موضوع الموت ده علشان كل الناس فى الأرض شافت ناس بتموت
وشىء منطقى جدا إذا كان هناك من خلقنا بهذا الشكل فبالتأكيد ممكن يبعثنا مرة تانية وقد أبلغنا بذلك عز وجل لا إله الا الله


مجرد سؤالك فى الموضوع دليل أنك شخص محترم وبتبحث عن الحقيقة السليمة بس طريقة البحث لازم تكون منك وابدا فورا بتنظيم أفكارك وأولوياتك فى المعرفة والبحث عن مصادر موثوق بها

أحبك فى الله وجزاك الله خير

حفظك الله وهداك وإيانا إلى الصراط المستقيم الذى يرضاه لنا


جمعة طيبة مباركة إن شاء الله


تحياتى لك ولجميع الاعضاء الكرام الأحباب الأفاضل



سبحان الله وبحمد سبحان الله العظيم
كلمتان خفيفتان على اللسان حبيبتان إلى الرحمن

سبحان الله العظيم وبحمده
من قالها غرس الله له فى الجنة نخلة إن شاء عز وجل

الحمد لله

ربنا يخليك والله رد حضرتك ده اثر فيا اوي

[dede_dodo88]

نصيحتي أنك تعيش مرحلتك السنية اللي أنت فيها و تستمع بيها على قد ما تقدر,, اليوم اللي بيعدي مبيرجعش تاني حتى لو تمنيت رجوعه..
متحاولش تدي ودانك لأي حد يحاول يخوفك من المستقبل أو من المجتمع أو من الناس,, كل ده كلام فارغ,,
مستقبلك أنت اللي بتصنعه في حاضرك بإيديك أنت مش بإيد أي حد تاني,, فعيش الحاضر و متشغلش نفسك بما لم يحدث بعد..

[طارق _عبد السلام]

اول شىء وانت فى هذا السن لاتحمل نفسك اعباء زائده عن ما انت فيه فهناك من يحملها عنك وهو والدك ووالدتك... اهم شىء تكون على قدر المسئوليه وتركز جدا فى تعليمك لانه هو الشىء الوحيد الذى لك وليس لاحد غيرك اجتهد جدا فى دراستك وتطلعك لدراسه انت تحبها وتتفوق بها وبعد ذلك يبدأ التخطيط لمستقبلك
المهم والاهم كن دائما على قدر من الاحترام والتزم بقدر المستطاع بتعاليم دينك ودائما دع مايريبك الا مالا يربك..تعامل مع الجميع بحب وود واحترام وبالتاكيد ستكسب احترامهم وهذا سيفيدك على المدى البعيد فى حياتك العمليه .. ضع دائما فى خيالك التميز... ان تكون مميز فى دراستك وحتى فى حياتك العمليه كلما اكتسب تميز واحترام وثقة من حولك باذن الله سيكون النجاح قريب جدا جدا منك

[shiko85]

وعليكم السلام ورحمة الله وبركاته
اهم حاجه اوعى تظلم حد او تاكل حق حد
1- اجتهد فالدراسه
2- عامل الناس زى ما تحب الناس تعملك بود و احترام بس بلاش تزعل لما تلاقى الناس بتعملك عكس كده
3- بلاش تحلم لان احتمال كبير الحلم مش هيتحقق
4- حارب و ناضل علشان توصل للى انت عايزه بس متزعلش لما متوصلش و تلاقى غيرك وصل بدون مجهود
5- اوعى تتعلق بحد
6- سرك لنفسك
7- ساعد غيرك و متزعلش لما تلاقى محدش بيساعدك
8- لما تحقق حاجه اوعى تفرح بها لانها ممكن تضيع منك فلحظه
9- مفيش اصدقاء فيه زملاء
10- اوعى تفتكر ان الدنيا وردى و ان الحياه جميله و اوعى تفتكر ان الناس كلها كويسه
انا مش عايز اسود الدنيا بس عايزك تفهم حقيقه الدنيا
(( إن هذه الدنيا دار التواء لا دار استواء ومنزل ترحٍ لا منزل فرح فمن عرفها لم يفرح لرخاء ولم يحزن لشقاء قد جعلها الله دار بلوى وجعل الآخرة دار عقبى فجعل بلاء الدنيا لعطاء الآخرة سبباً وجعل عطاء الآخرة من بلوى الدنيا عوضاً فيأخذ ليعطي ويبتلي ليجزي))

[Mostafa Bedo]

اول شىء وانت فى هذا السن لاتحمل نفسك اعباء زائده عن ما انت فيه فهناك من يحملها عنك وهو والدك ووالدتك... اهم شىء تكون على قدر المسئوليه وتركز جدا فى تعليمك لانه هو الشىء الوحيد الذى لك وليس لاحد غيرك اجتهد جدا فى دراستك وتطلعك لدراسه انت تحبها وتتفوق بها وبعد ذلك يبدأ التخطيط لمستقبلك
المهم والاهم كن دائما على قدر من الاحترام والتزم بقدر المستطاع بتعاليم دينك ودائما دع مايريبك الا مالا يربك..تعامل مع الجميع بحب وود واحترام وبالتاكيد ستكسب احترامهم وهذا سيفيدك على المدى البعيد فى حياتك العمليه .. ضع دائما فى خيالك التميز... ان تكون مميز فى دراستك وحتى فى حياتك العمليه كلما اكتسب تميز واحترام وثقة من حولك باذن الله سيكون النجاح قريب جدا جدا منك

اوﻻ اشكر حضرتك علي ردك
ثانيا انا اكيد انا مش عاوز احمل نفسي اعباء او اتعب نفسي بس حضرتك لو فكرت ايه اللي في مرحلتي السنية بيعملوه هتﻻقي 90% منها حاجات تافهة جدا زي لعب بﻻيستيشن معاكسة بنات وحاجات كتير والله تافهة انا متطلع فعﻻ اني اخش جامعة عشان احتك بناس من كل الانواع اكيد اكتر من المدرسة مع ان والدي ووالدتي الله يكرمهم مش مخليني ناقص فلوس وﻻ خروجات فحبيت اعرف منكم شكل الحياة عامل ازاي بس الظاهر كدة انها مش زي ما كنت متخيلها

[yassin_samir]

اقري كويس الكلام اللي فات انا عندي 34 و است
فدت منة

[drcobra]

حرص ولا تخون