الاستفسار عن تكلفه بناء قطعه أرض

[علاء حموده]

السلام عليكم ورحمة الله و بركاته
أعضاء المنتدى المحترمين تحيه طيبه وبعد
أرجو من حضراتكم مساعدتى فى تحديد تكلفه بناء قطعه أرض 160 متر أرض كانت زراعيه ابعادها واجهه 11.22 فى عمق 14 متر على شارعين أمامى و خلفى
اريد معرفه تكلفة الاساسات مع الدور الارضى ( محلات + مسجد ) لو هابنى 8 أدوار
و بعد ذلك تكلفة كل دور على حده من الاول علوى الى الثامن
وهل تصلح هذه المساحه لأن يكون الدور شقتين
آسف على الاطاله و شكرا

[Hunting_Eagle]

عندي نفس الأسئلة تقريبا

ياريت حد من الأعضاء يفيدك و يفيدنا

[A7medelfe2y]

انا ببني دلوقتي والمساحه 220 كلفتني في الدور الارضي كله 200 وارتفاع5.7م وعملتها شقه واحده
وقابله لانها تبقي شقتين والاساس يشيل 6-8 ادوار واخدت 16 طن حديد

[naser_56]

انا ببني دلوقتي والمساحه 220 كلفتني في الدور الارضي كله 200 وارتفاع5.7م وعملتها شقه واحده
وقابله لانها تبقي شقتين والاساس يشيل 6-8 ادوار واخدت 16 طن حديد

مش كتير 16 طن حديد ؟؟؟؟؟

[علاء حموده]

استاذ احمد الفقى يعنى افهم من كلام حضرتك انك بنيت الدور الارضى محلات و سقف كلف حضرتك 200 الف يعنى 160 متر اكيد هاتكلفنى تقريبا 175 الف

[mohammadrashee]

خلي بالك الموضوع مختلف من حيث نوع التربه
التربه عند حضرتك ارض زراعيه يعني هتحتاج خوازيق لأنك عايز 8 ادوار
وعلى حسب التصميمم كمان
يعني الرسم الهندسي الانشائي بيقول ايه عايز لبشه عاديه ولا عايز لبشه مسلحه تفرق طبعا
على العموم احسب كميات الخرسانه او ابعتلي الرسم وانا احسبهالك

[amr011111]

قولى سعر طن الحديد وسعر متر الرمل وسعر متر الزلط العجالى وسعر طن الرمل كام وانا احسبهالك

[amr011111]

السلام عليكم ورحمة الله و بركاته
وعليكم السلام ورحمة الله وبركاته
أعضاء المنتدى المحترمين تحيه طيبه وبعد
أرجو من حضراتكم مساعدتى فى تحديد تكلفه بناء قطعه أرض 160 متر أرض كانت زراعيه ابعادها واجهه 11.22 فى عمق 14 متر على شارعين أمامى و خلفى
اريد معرفه تكلفة الاساسات مع الدور الارضى ( محلات + مسجد ) لو هابنى 8 أدوار
الاساسات هتبقى غالباً عباره عن لبشة مسلحه بعمق واحد متر واسفل منها لبشه عاديه بسمك 30 سم
كمية الخرسانه العاديه للاساسات هتعمل 48 م3
كمية الخرسانه المسلحه للاساسات هتعمل 158 م3 ( هتحتاج حديد فى حدود 16 طن)
كمية الخرسانه المسلحه لسقف اى دور هتعمل من 32م3 حتى 40م3 (هتحتاج حديد فى حدود من 3800 كجم حتى 4800 كجم)
كمية الخرسانه المسلحه للاعمده حوالى 8م3 ( 1200 كجم )

و بعد ذلك تكلفة كل دور على حده من الاول علوى الى الثامن
وهل تصلح هذه المساحه لأن يكون الدور شقتين
المساحه تصلح لان تكون شقتين كل شقه عباره عن غرفتين مقفولين ومطبخ وحمام وريسبشن قطعتين
آسف على الاطاله و شكرا

قولى على اخر اسعار متر الرمل ومتر الزلط او السن وسعر طن الحديد وسعر طن الاسمنت واديك تكلفه التنفيذ ان شاء الله

[A7medelfe2y]

مش كتير ولا حاجه يا استاذ ناصر عشان انا بعمل حاجه للزمن مش مجرد 20 او 30 سنه وتنتهي
فعلا يا استاذ علاء هو خرسانه وسقف واتكلف 200 بس مش متقسم محلات هي المساحه مفتوحه علي بعضها وكمان من ضمن ال200 عملت الارضيه خرسانه لان الارضي عندي هيبقي مصنع

[علاء حموده]

السلام عليكم و رحمة الله وبركاته

شكرا لمن شارك فى الموضوع جزاكم الله خيرا
الاستاذ عمرو المحترم
سعر الحديد 4870
سعر الرمل 50
سعر الزلط 110
سعر الأسمنت 750
الاسعاردى من على النت نظرا لإنى خارج مصر
واذا كان عند حضراتكم المصنعيه بتكون كام فى حدود كام
وشكرا لاهتمام حضرتك و اهتمام الاخوه المشاركين