المساعدة ضروري ف انسداد صرف البانيو

[moody_687]

البانيو للاسف الصرف بتاعه اتسد واستخدمت الطرمبة ووالدي جاب مادة لونها ابيض شبيها بالكور الصغيرة البيضاء وقالي املا فاتحة البانيو وكبيت عليها مية سخنة واتركها ساعة وبرده المية منزلتش بل اتعقدت اكتر
وجيبنا بعد ذلك سباك وعمال يعمل بسلك ناشف ولا نافع معاه وقالي المواسير لازم تتغير وحسيت انه تعب
انا مش عارف اعمل ايه وخاصا ان الاحد اجازة سباكين
مع العلم ان الانسداد مش جاى من صرف البوليعة وانما جاى من ماسورة البانيو اللي نازلة ع البوليعة

[new_man]

جرب يافندم اللى هقولك عليه بالظبط وان شاء الله المشكله تتحل
هات ب 2 جنيه كربونات صوديوم وكيس ملح وزجاجه خل
وحط معلقتين كبار كربونات على معلقتين ملح كبار على مكان صرف البانيو من فوق
وبعد كده ادلق خل هيعملوا فوران زى البيبسى
وانت كده كده وانت بتحط الخل هيتدلقوا لجوه الصرف
سيبهم دقيقه كده جوه فى الفوران بتاعهم
وتكون مجهز خلة ميه مغليه ( مش تفتح الميه السخنه بتاعت الخلاط)
وامسك الحله وادلقها علطول فى فتحة صرف الميه بحيث تنزل كلها..بس اهم حاجه حله كبيره
وكرر الموضوع ده 3 او 4 مرات تانى ورا بعض
وان شاء الله الموضوع يتحل بعد الموضوع ده

[canner]

فبه سلاكه بتتباع عند بتوع اليباكة بتبقى على شكل سوسته بتقعد تلف فيه سواء من عند مخرج البانيو او من البلاعة الرئيسية بتاعه الحمام لحد ما تسلك ان شاء الله

[moody_687]

انا جايب السلاكة بس للاسف مش بتنزل من عين البانيو ومن ناحية البلاعة انا سلكت ولقيتها سالكة الانسداد جاى من بداية عين البانيو

[Mohamed_Rashad]

جرب ميه النار, هتسلك كل شيء في سكتها.

[besso]

البطاس كمان بتاع الغسيل اعرف انه بيفور اي حاجه محشوره

[moody_687]

انا جيبت سلاكة حديد طولها 4 م وعمال ادخلها من ناحية البلاعة مشيت بتاع متر كده وبعدين وقفت ازوق فيها وهى ابدا هكن ف طوبة قدامها
انا حاليا هستخدم حوار الكربونات الصوديوم ويارب يجي بحل ان شاء الله

[moody_687]

جرب يافندم اللى هقولك عليه بالظبط وان شاء الله المشكله تتحل
هات ب 2 جنيه كربونات صوديوم وكيس ملح وزجاجه خل
وحط معلقتين كبار كربونات على معلقتين ملح كبار على مكان صرف البانيو من فوق
وبعد كده ادلق خل هيعملوا فوران زى البيبسى
وانت كده كده وانت بتحط الخل هيتدلقوا لجوه الصرف
سيبهم دقيقه كده جوه فى الفوران بتاعهم
وتكون مجهز خلة ميه مغليه ( مش تفتح الميه السخنه بتاعت الخلاط)
وامسك الحله وادلقها علطول فى فتحة صرف الميه بحيث تنزل كلها..بس اهم حاجه حله كبيره
وكرر الموضوع ده 3 او 4 مرات تانى ورا بعض
وان شاء الله الموضوع يتحل بعد الموضوع ده

المية مش عايزة تنزل من عين البانيو المية للاسف مش عايزة تنزل بعد ماجربت حوار سيادتك

[dedi]

ممكن تجرب السلاكة المطاط اضغطها فوق البانيو وحاول تسحب وتتدفع الهواء بدون ما تشيلها من البانيو بمعنى انك تكارج كذا
مرة الى ان تسحب اى شئ سادد البلاعة وان شاء اللة تنفع

[طارق _عبد السلام]

حل صغير طالما كل المحاولات منفعتش لو فيه كمبريسور صغير عند حد جنبك دخل الخرطوم جوه الماسوره المسدوده لحد مايقف وبعدين افتح الهواء على الاخر هيفرتك اى حاجه سده الماسوره هو صعوبه الحل موضوع الكمبروسر ده

[moody_687]

انا الكمبيرسور ده اجيبه منين بقى

[canner]

انا جربت موضوع الكمبروسور ده و ما نفعشى

[moody_687]

امال الواحد يعمل ايه بقى ؟؟!!!

[amr011111]

هات سباك تانى يمكن يكون عنده حل

[احمد المصرى]

انت مش عارف ايه ال سدها يعنى ايه ال دخل فى الماسوره علشان يعمل كدا