حب الوطن ! ما هو الوطن ؟ أي وطن هذا الذي لا يحترم آدمية سكانه

[1000مبروك]

الوطن
الوطن
كلمة حولوها إلى وثن
لابد أن تعبده دون أن تفهم
ثم يستخلصون منه صفة الوطنية

والوطنية أن يدفع المواطن الضعيف ليأخذ المواطن القوي
وأن يركع الضعيف ليتبجح القوي
وأن يصوم الجائع ليتخم الشابع
وأن يقدم المحتكر مشروع قانون الإحتكار
وأن يقنن القضاء لأبناء القضاة ويصرح بتحريمه على ابن البواب
هذه الوطنية

ما هو الوطن وماذا أعطانا الوطن

وطن بلا كرامة هو سجن من الطين وأصفاد من التراب

الوطن هو نظام يفرض في بقعة يهتم بكرامة أهلها وحقوقهم ويرعاهم ويعدل بينهم

أما خلاف ذلك فلا وطن


ــ
الشاعر أحمد مطر :

قصيدة
يسقط الوطن

أبي الوطن
أمي الوطن
رائدنا حب الوطن
نموت كي يحيا الوطن

يا سيدي انفلقت حتى لم يعد
للفلق في رأسي وطن
ولم يعد لدى الوطن
من وطن يؤويه في هذا الوطن

أي وطن؟
الوطن المنفي..
أم الوطن؟!
أم الرهين الممتهن؟
أم سجننا المسجون خارج الزمن ؟!

نموت كي يحيا الوطن
كيف يموت ميت ؟
وكيف يحيا من أندفن ؟!

نموت كي يحيا الوطن
كلا .. سلمت للوطن !
خذه .. وأعطني به
صوتاً أسميه الوطن
ثقباً بلا شمع أسميه الوطن
قطرة أحساس أسميها الوطن
كسرة تفكير بلا خوف أسميها الوطن
يا سيدي خذه بلا شيء
فقط
خلصني من هذا الوطن

* * *

أبي الوطن
أمي الوطن
أنت يتيم أبشع اليتم إذن

ابي الوطن
أمي الوطن
لا أمك أحتوتك بالحضن
ولا أبوك حن!

* * *
نموت كي يحيا الوطن
يحيا لمن ؟
لإثنين وعشرين وباء مزمناً
لمن؟
لإثنين وعشرين لقيطاً
يتهمون الله بالكفر وإشعال الفتن
ويختمون بيته بالشمع
حتى يرعوي عن غيه
ويطلب الغفران من عند الوثن؟!
تف على هذا الوطن!
وألف تف مرة أخرى!
على هذا الوطن
من بعدنا يبقى التراب والعفن
نحن الوطن !
من بعدنا تبقى الدواب والدمن
نحن الوطن !


إن لم يكن بنا كريماً آمناً
ولم يكن محترماً
ولم يكن حُراً
فلا عشنا.. ولا عاش الوطن!

[dongol123]

ايه الحكايه

هي الناس كلها قلبت ثورجية مرة واحدة كده ليه و محدش عاجبة البلد

[eng.m7md.ali]

ايه الحكايه

هي الناس كلها قلبت ثورجية مرة واحدة كده ليه و محدش عاجبة البلد

اللي عاجبه البلد دلوقتي هو اكتر واحد بيستفيد وليه مصالح ..

اكتر ناس بتدعي الوطنية هما الفاسدين

[dongol123]

اللي عاجبه البلد دلوقتي هو اكتر واحد بيستفيد وليه مصالح ..

اكتر ناس بتدعي الوطنية هما الفاسدين

انا طبعا مش هاخد الكلام علي نفسي لانك اكيد ما تعرفنيش علشان تقول عليه كده

ربنا يهديك

[hitman235]

انا اخترت لأ ولو كان فيه من ضمن الاختيارات اختيار كلمه مخله بالاداب كنت اخترتها هههه

[eng.m7md.ali]

انا طبعا مش هاخد الكلام علي نفسي لانك اكيد ما تعرفنيش علشان تقول عليه كده

ربنا يهديك

ومين قال اني قصدي عليك يااستاذ دنجل؟!!!

[TIGER@21]

للاسف اخى البلد ماشية فى طريق مظلم

الناس بتاكل فى بعض زى الغابه

بعض الشعب يتكلمون عن الأخلاق وأخلاقــهم في الحضيــض !!

التعليم عليه العوض
التربية كذالك

اقتصاديا صفر صفر
احترام الكبير بقة زكريات من زمن فات

فى النهاية كل هذا بسبب البعد عن الله

((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))

[1000مبروك]

كلمة حق إتقالت في السينما رغم بحور الظلام
بس تعديل بسيط
الفئات اللي هو ذكرها يوجد لها قرين موجود في كل الفئات دي وهو معروف ومسيطر وشريك

موجود في السيادية
وموجود في العدالة والأمن
وموجود في الثروة كمستثمر

وفي وقت الفراغ بيخترع علاجات للإيدز والفيورسات

https://www.youtube.com/watch?v=tDSe1SPb4_0

[lost2008]

اللي عاجبه البلد دلوقتي هو اكتر واحد بيستفيد وليه مصالح ..

اكتر ناس بتدعي الوطنية هما الفاسدين

كلام مظبوط, و دول اول ناس حيستخبو تحت السرير لما البلد كلها تلبس فى الحيط

[ashouhdy]

كل اللي بتتكلموا علية دي اخلاق شعب مش عيب وطن

[1000مبروك]

كل اللي بتتكلموا علية دي اخلاق شعب مش عيب وطن

في تصرفات الشعب
وفي تصرفات المتحكمين في الشعب

المتحكمين بيحلبوا الوطن لما بينشف
وبعد كده يجبروك تغني غزلاً في الوطن بعد حلبه وشربه

وبيمنوا عليك بالعطش كمان

واللي مش هيغني للوطن يبقى خاين ويتسجن

ده ابتزاز مش وطن

[ashouhdy]

لا عيب مواطن واخلاق شعب وعدم حرفية المطالبة بالحقوق والتواكل ودفع الرشاوى والتحايل الى ما لا نهاية

مش حنقعد نغنى ونقول الوطن وحش والمسئولين وحشين و الناس عمالة بتاكل في بعض و يغلوا على بعض و البضايع مغشوشة ويضحكوا على بعض

يعدين تيجي تغنى شعر


وشكرا

[1000مبروك]

الوطن اللي يرقي الحرامي ويعينه
والمتفوق عمره ما يشتغل بمهنته

الوطن ده نظام إجتماعي مش وثن
النظام الاجتماعي بيضع قواعده المتحكمين
المتحكمين بيجبروك غصب عنك تدفع الرشوة عشان تاخد حقك

وفي الآخر نشتم اللي بيدفع عشان ياخد حقه
واللي أرسى نظام الإتاوة ننساه
!!!

[mido_soliman]

ولا مليون نظام حينفع مع مواطنين لا يعرفوا معنى الوعى والضمير والحق

[خالد الشاذلى]

كلمة حق إتقالت في السينما رغم بحور الظلام
بس تعديل بسيط
الفئات اللي هو ذكرها يوجد لها قرين موجود في كل الفئات دي وهو معروف ومسيطر وشريك

موجود في السيادية
وموجود في العدالة والأمن
وموجود في الثروة كمستثمر

وفي وقت الفراغ بيخترع علاجات للإيدز والفيورسات

https://www.youtube.com/watch?v=tdse1spb4_0

هو الفيديو ده من فيلم ايه