عاوز رسمة بيت ابنيه

[mido3_gho]

لو عاوز رسمة بيت المساحة كاملة 252 متر

ماسك شارع رئيسي وورا شارع فرعي

الشارع الرئيسي عرض 8 متر والفرعي 4 متر اخره مسدود

تنصحوني بإيه ياشباب

[amr011111]

انصحك تجيب مهندس يرسملك الرسمه المعمارى ومهندس انشائى يصممه ليك حتى لا يتم تهدير مساحات لك وحتى يتم تصميم المنزل تصميماً انشائياً صحيحاً
فبناء البيت هيتكلف كتير والمهندس مش هياخد واحد فى الميه ان كان اقل من تكافة البيت

[canner]

نصيحتى لك
1- جيب مهندس و اتفق معاه بس بالفلوس و بلاش حكاية انت تاخد حقك شقق و الكلام ده
2- سور الارض و ابنى يسرعة ان شاء الله الاساس بس علشان ماحدش يحط ايده عليها و تخش فى متاهات انت فى غنى عنها

[Mecha]

فيه كتب للرسومات دي كلها ,عندك المكتبات الكبيرة و الفجالة

[mido3_gho]

طب مبدئيا كده ياشباب ... الدور الاول لغاية لما اصب سقفه واقفله
بداية من القواعد وطلعت للدور الاول
يكلفنى كام ؟؟؟

[mk3]

نصيحتى لك
1- جيب مهندس و اتفق معاه بس بالفلوس و بلاش حكاية انت تاخد حقك شقق و الكلام ده
2- سور الارض و ابنى يسرعة ان شاء الله الاساس بس علشان ماحدش يحط ايده عليها و تخش فى متاهات انت فى غنى عنها

ياخد حقه شقق ؟؟ وشقق مش شقة واحده ؟!
هو المهندس بياخد كاااااااااام

[SeiffoZ]

لازم استشارى معتمد من نقابة المهندسين عشان كمان تاخد التراخيص وعلى حسب قوانين البنا عندك.

[mk3]

ياخد حقه شقق ؟؟ وشقق مش شقة واحده ؟!
هو المهندس بياخد كاااااااااام

الفضول هيقتلنى

[AlGazar2]

المهندس بياخد نسبه من اجمالى التكلفة ده بالنسبة للاشراف على التنفيذ و النسبة دى بتقل كل ما حجم المشروع كبر يعنى مشروع بمليون غير مشروع بعشره مليون كامثلة يعنى النسبه من 10:20 %

اما بالنسبة للتصميم سواء معمارى او مدنى فدى بتبقى بالاتفاق مع المهندس اما بتتعمل بالتصميم كامل او بيشتغل بالمتر المربع يعنى مثلا العمارة الصافى بتاعها فى الدور 180 متر و هو صمم ارضى و متكرر يبقى تضرب ال 180 * 2 * حساب المتر
فى الغالب تكلفه التصميم مدنى و معمارى من 10 : 20 الف تقريبا بالنسبة للمبانى السكنية على حسب الشغل المطلوب