استفسار لخبراء الأسهم: هل ممكن شراء أسهم في شركة مثل جوجل ؟!

[أبو آسر]

السلام عليكم
أنا مليش أي خبرة نهائيا في موضوع الأسهم والبورصة والكلام ده
بس عايز أعرف هل في مشكلة أو عوائق لو حد حب يستثمر فلوسه في شراء أسهم من شركات عالمية ربحها مستمر ومضمون مثل جوجل ؟
كيف تكون الطريقة ؟ وهل توجد مخاطر ؟ هل السهم ممكن يخسر فعلا مع إن الشركة ربحها مستمر ومضمون ؟
قرأت أن السهم قيمته تقريبا 492 $ يعني حوالي 3800 جنيه فهل ممكن حد يشتري مثلا 10 أسهم فقط ويشغلهم مع جوجل من باب الاستثمار ؟
باختصار عايز أعرف أي معلومات من واقع خبراتكم لعلنا نستفيد كلنا
وشكرا

[Hobgoblin]

حضرتك تختار وسيط أو broker من هنا:
.:: Egyptian Exchange ::.

بعد ما تفتح الحساب تقدر تشتري أي سهم يعجبك.

[أبو آسر]

حضرتك تختار وسيط أو broker من هنا:
.:: Egyptian exchange ::.

بعد ما تفتح الحساب تقدر تشتري أي سهم يعجبك.

جميل
يعني لو حبيت أشتري سهم أو أكتر من جوجل بشترك مع وسيط من الوسطاء دول وبعدين أقوله عايز أشتري سهم في شركة جوجل مثلا وسهم في فيس بوك وسهم في أبل وهكذا ؟
وإيه المخاطر اللي ممكن تقابلني ؟
والوسيط ده بيستفاد إيه من الموضوع ده ؟ هل بياخد نسبة من قيمة كل سهم مثلا ؟
مزيد من التفصيل من إخوانا الخبراء الله يكرمكم لأن أخوكم أبيض تماما في الحوار ده

[Hobgoblin]

بص حضرتك...أنا مش في مصر عشان كدة هقول اللي بيحصل معايا هنا.

في الخارج تقدر تفتح حساب ببلاش وتتاجر مع نفسك بدون أي وسطاء.

أعتقد...أعتقد إن في مصر لزم وسيط والوسيط دة بياخد رسوم على كل عملية شراء أو بيع تعملها.

المخاطر طبعاً إن السهم سعره ينزل وحضرتك تكون محتاج سيولة وتضطر تبيع بخسارة...لكن لو الفلوس مش محتاجها ممكن مع المتابعة وتحليل السوق تصبر لحد ما السهم يسترد قوته.

في الخارج فيه حاجة اسمها mutual funds ودي بتكون وعاء من مجموعة من الأسهم المختلفة عشان توازن مبين المخاطرة والربح.

دي حدود معلوماتي ومش متأكد من معلومات مصر زي ما قولت.


بالتوفيق

[Bassem Youssef]

من امتي جوجل بتطرح اسهمها في الاكتتاب العام ؟؟؟؟

[Elawany13]

ابعد عن الشر وغنيله
اسواق البورصة والفوركس اسواق عاليه المخاطر
وبتعمل ادمان شله القمار اللى بيكسب بيتشجع اكتر ويطمع اكتر ويدخل فلوس اكتر لحد ما تيجى الخسارة ويتخرب بيته
واللى بيخسر بيفضل يدخل فلوس اكتر علشان يسند نفسه ويعوض خسائره وبيغرق اكتر واكتر
وعادى جدا انك تلاقى اسهم ماليا قوية جدا وشركات بتكسب ملايين واسهمها كل يوم فى النازل والمساهمين بيجلهم جلطات وبيموتوا مشلولين
واسهم تانيه متسواش تعريفه وكل يوم سعر بيتضاعف علشان المضاربين الكبار بيلعبوا فيه وبيلبسوا الناس فيه
بإختصار الاسواق ديه اللى داخل فيها مفقود اللى خارج منها مولود
خليك فى الاستثمار الآمن زى الذهب أوالعقارات أو الأراضى علشان متندمش بعد كده

[Secret-Man]

مش بالسهوله ديه

اتوقع خبرتك فى التداول لاتكفى لخوضك المخاطر ديه المووضوع ليه ناسه عشان متندمش

[prof2013]

ابعد عن الشر وغنيله
اسواق البورصة والفوركس اسواق عاليه المخاطر
وبتعمل ادمان شله القمار اللى بيكسب بيتشجع اكتر ويطمع اكتر ويدخل فلوس اكتر لحد ما تيجى الخسارة ويتخرب بيته
واللى بيخسر بيفضل يدخل فلوس اكتر علشان يسند نفسه ويعوض خسائره وبيغرق اكتر واكتر
وعادى جدا انك تلاقى اسهم ماليا قوية جدا وشركات بتكسب ملايين واسهمها كل يوم فى النازل والمساهمين بيجلهم جلطات وبيموتوا مشلولين
واسهم تانيه متسواش تعريفه وكل يوم سعر بيتضاعف علشان المضاربين الكبار بيلعبوا فيه وبيلبسوا الناس فيه
بإختصار الاسواق ديه اللى داخل فيها مفقود اللى خارج منها مولود
خليك فى الاستثمار الآمن زى الذهب أوالعقارات أو الأراضى علشان متندمش بعد كده

مش بالسواد ده حضرتك
فيه حاجه اسمها ادارة راس المال والتزام اهم من تعلم البورصه والفوركس نفسهم

[Mecha]

من امتي جوجل بتطرح اسهمها في الاكتتاب العام ؟؟؟؟

من زمان والسهم ب 497$ للشرا , 490 للبيع

[mhamdsamy]

مش بالسواد ده حضرتك
فيه حاجه اسمها ادارة راس المال والتزام اهم من تعلم البورصه والفوركس نفسهم

طب لية كل يوم الساعة حداشر و نص لتناشر و نص المشتريات بتاعت السوق في البورصة المصرية تعلي و فجااة تنخفض
و بقول كل يوم عشان حيتان البورصة بيشتروا سهم يعلوا سعرة و يبيعوة
ومحدش بيعرف عن البيعملوة لانهم خفافيش الظلام ال بتوسوس لبعضها بليل
زي الاخ ال عايز يدخل يضارب معاهم
سوق البورصة المصرية اوسخ سوق في الدنيا كلها
مينفعش معاة الاستثمار طويل الاجل و لا المتوسط و لا المضاربة
ولا ينفع معاة تحليل للسهم و لا الاخبار الاقتصادية
الاحسن السوق السعودي او الاماراتي
دة غير ان فية بنوك و شركات تداول اسهم بتدي توصيات لعملائها غلط عشان تكسب هي في صندوق الاستثمار بتاعها
المصريين في كل حاجة مبوظنها
بس كنصيحة اي مشروع او شركة داخلة بعد المؤتمر الاقتصادي الجي
الناس ممكن تشتري اسهما لانها هتكون مدعومة من الدولة في كل حاجة
بلد الوسايط و ال نهب

[أبو آسر]

ألف شكر يا رجالة
صرفت نظر خلاص :)

[Karim_Monir]

متابع للموضوع

[Haitham Gamal]

متابع جدا