ارجو النصيحه للا هميه

[ahmedfor3]

الموضوع انا بصراحه مش عارف اتعامل ازى مع الناس وزهقة بصراحه مسلف ناس كتير
فلوس ومش عارف اعمل ايه كل واحد لما يجى يطلب يقولى اسبوع بالكتير ويعدى اسبوع وشهر
وشهرين وساعات سنه المهم ان كل اللى اتعاملت معاهم كده وتيجى تطلب تحس ان انتا بتشحت
المشكله انى مابحبش اقول لا الموضوع ده مضايقنى جدا وعلى كده ليه فلوس بقالها كتير ومش
عارف اجبها اعمل ايه اخذ قرار مسلف حد حتى لو هيموت ولا ايه اسف لاطاله

[أبو آسر]

الموضوع أسهل ما تتخيل
اللي تسلفه مرة وميردهاش أو يماطل متسلفوش تاني ولو اتنطط وعملك قرد
واللي يطلب منك سلفة لأول مرة سلفه مبلغ صغير على سبيل التجربة
في ناس بتستهون بموضوع الدين ده ومتستاهلش إن حد يساعدهم حتى لو كانوا مزنوقين فعلا لأن مش بيبقى في نيتهم السداد وممكن تلاقيه بيصرف فلوس بالعبيط على حاجة تافهة لكن الدين يقولك بعدين يبقى يصبر ما هو مش محتاج !
ربنا يعافينا ويسدد عنا جميعا

[ahmedfor3]

الموضوع أسهل ما تتخيل
اللي تسلفه مرة وميردهاش أو يماطل متسلفوش تاني ولو اتنطط وعملك قرد
واللي يطلب منك سلفة لأول مرة سلفه مبلغ صغير على سبيل التجربة
في ناس بتستهون بموضوع الدين ده ومتستاهلش إن حد يساعدهم حتى لو كانوا مزنوقين فعلا لأن مش بيبقى في نيتهم السداد وممكن تلاقيه بيصرف فلوس بالعبيط على حاجة تافهة لكن الدين يقولك بعدين يبقى يصبر ما هو مش محتاج !
ربنا يعافينا ويسدد عنا جميعا

الف شكر لاهتمام حضرتك طب لو واحد ماشى اثنين ماش لكن كل اللى اعرفهم كده امال انا مخنوق من ايه

[أبو آسر]

الف شكر لاهتمام حضرتك طب لو واحد ماشى اثنين ماش لكن كل اللى اعرفهم كده امال انا مخنوق من ايه
:i_angr1[1]:

طبعا في الظروف المهببة اللي احنا فيها دلوقتي هتلاقي من كل 100 واحد واحد بس هو اللي بيسدد و99 بيماطلوا وبياكلوا فلوس الناس فمتزعلش وأقلم نفسك على الوضع ده
(وإن كثيرا من الناس لفاسقون)
(وما أكثر الناس ولو حرصت بمؤمنين)

[Bassem Youssef]

اعمل زيي و متطلعش جنيه سلف الا في الحالات الانسانيه بالدليل القاطع

و اللي يستلف منك تمضيه هو و اهله علي شيكات علي بياض

[misry]

نفس اللي بيحصل معايا , بس انا بتكسف اصلا اقول لهم على الفلوس :(

[ahmedfor3]

اعمل زيي و متطلعش جنيه سلف الا في الحالات الانسانيه بالدليل القاطع

و اللي يستلف منك تمضيه هو و اهله علي شيكات علي بياض

كلام حضرتك مظبوط فعلا فى الايام دى الواحد لازم يعمل كده

[ahmedfor3]

نفس اللي بيحصل معايا , بس انا بتكسف اصلا اقول لهم على الفلوس :(

بص يا باشا الموضوع ده انا كنت متردد وانا باكتبه بس بصراحه الحكايه زادة معايا اليومين دول الناس بقة بتاخذ
ومش عايزه ترد اصلا

[TIGER@21]

على فكرة ناس ظروفه صعب ومش بتحب السلف ولما بتستلف

ومبتعرفش تسد بيبقى غصب عنها

والله انها اعرف ناس كتيرة بشكل ده

الصبر ثم الصبر يا اخى على الناس الغلابه

سوف تؤجر عند الله

[memo_p910]

اللي تسلفه اعمل حسابك انه مش هايرجع الفلوس وهاتبقى ديون معدومه يبقى ما تسلفش الا المحتاج بجد بنية مساعدة اخوك مش أكتر

[طارق _عبد السلام]

اخوك فى نفس المشكله ..... والمشكله انها بتبدأ بمبالغ صغيره وبيسد فى الميعاد وبعدين نخش فى التقيل وبعدها بيكون استخسار

كان لى صديق عمرى وتقريبا معدش يعرفنى اقسم لك سلفته تقريبا ثمن صبه السقف لشقته وللان ابنه فى ثانوى يعنى داخلين فى 16 سنه وكان كل سنه له عذر مع ان ماشاء الله ربنا مبارك ولما صممت على الاسترداد عمل فركيشه ومخاصمنى ويعتبر دين معدوم
وفيه اللى يقولك شهرين ويمر سنه ولاحس ولا خبر

بس انا ماشى بمبدأ من فرج لاخيه كربه فى الدنيا ودلوقتى موضوع السلف لازم ادقق جدا واحس فعلا ان المقترض فى ضيق فعلا مش عايز السلفه استخسار ..ونفسى امنعه لان الحاله مش زى الاول خاااااااااااااالص

وصدقنى .. ربنا هيفك لك ضيق وكرب كثير جدا بسبب فك ضيق الاخرين

[MaZaGAngeE]

اللي بيكون محتاج فعلا مش بيطلب ...
اللي بيستلف ده لو اتقطع قدامي اخري ١٠٠ جنيه ... لان بيقول في نفسه اللي يجي منه احسن منه و هوه هيعوز الفلوس في ايه ماهو عنده كتير ... وتقولهم تعالواشتغلوا محدش يرضى يشتغل ويقولك بكام وهعمل ايه ...
دول عالم ميعرفوش الجنيه بيجي ازاسي و بتعب و قرف قد ايه

[ahmedfor3]

على فكرة ناس ظروفه صعب ومش بتحب السلف ولما بتستلف

ومبتعرفش تسد بيبقى غصب عنها

والله انها اعرف ناس كتيرة بشكل ده

الصبر ثم الصبر يا اخى على الناس الغلابه

سوف تؤجر عند الله

بص يا اخى الكريم اى انسان ممكن يمر بظروف صعبه حتى لو صاحب شركات بس المفروض الا نسان
اللى عليه ديون يحاول يعيش باقل الا مكنايات علشان يقدر يسد دينه لكن لما تلاقيه عايش بيصرف
احسن منك ويقولك لما يبقى معايا ذياده ابقى اديله ده كده يبقى ايه

[ahmedfor3]

اخوك فى نفس المشكله ..... والمشكله انها بتبدأ بمبالغ صغيره وبيسد فى الميعاد وبعدين نخش فى التقيل وبعدها بيكون استخسار

كان لى صديق عمرى وتقريبا معدش يعرفنى اقسم لك سلفته تقريبا ثمن صبه السقف لشقته وللان ابنه فى ثانوى يعنى داخلين فى 16 سنه وكان كل سنه له عذر مع ان ماشاء الله ربنا مبارك ولما صممت على الاسترداد عمل فركيشه ومخاصمنى ويعتبر دين معدوم
وفيه اللى يقولك شهرين ويمر سنه ولاحس ولا خبر

بس انا ماشى بمبدأ من فرج لاخيه كربه فى الدنيا ودلوقتى موضوع السلف لازم ادقق جدا واحس فعلا ان المقترض فى ضيق فعلا مش عايز السلفه استخسار ..ونفسى امنعه لان الحاله مش زى الاول خاااااااااااااالص

وصدقنى .. ربنا هيفك لك ضيق وكرب كثير جدا بسبب فك ضيق الاخرين

ربنا يعوض عليك ان شاء الله ويجعله فى ميزان حسناتك المهم هو فاكر ان ده شئ سهل بس هيروح فين من ربنا على العموم هو بص على حجات
فى الدنيا ونس الاخره

[S O P H O S]

خد فلوسك وحطها فبوسطة او بنك
ومتخليش معاك غير الي يمشي امور حياتك
وساعتها هتقول لو سلفت يبقي هتسلف كمان ساعة