إستشارة كمبيوترية......حد تعامل مع الشركة دي...!!!؟

[hero]

حاليا بافكر اشتري جهاز ديسكتوب...(من يجي 6 سنين ما اشترتش ومتعايش مع اللاب توب) طبعا الدنيا اتغيرت والتكنولوجيا اتطورت...وبقي الكلام في الديسكتوب كبيرررر..

المهم علشان ما اطولش عليكوا.....انا مش عايز اشتري من شركات التجميع ايلي ممكن يتنصب عليا فيها ...وايلي غالبا مش هايديك لا فاتورة تنفع ولا ضمان يشفع...

وانا عند CompuMe لاقيت الجهاز دة....وبالبحث والتنقيب وصلت للشركة ايلي بتوردة...السعر في الشركة للمستهلك هو نفس السعر عند CompuMe

الكيسة بـ 3000 تقريبا...ودة لينك الجهاز والشركة....

http://www.ete-it.com/en_DesktopDetails.aspx?p_id=33

السؤال بقي...

هل حد يعرف الشركة دي او تعامل مع CompuMe في مشتريات في حدود الـ 3 آلاف ...هل صادقين في ضمانهم وخدمة ما بعد البيع ....؟؟

سؤال تاني....هل السعر مقارنة بالمواصفات معقول..(هو طبعا اكيد مش الارخص) بس زي مانتوا عرفين ..الفاتورة بتشمل ضريبة مبيعات (السعر شامل الضريبة)...دة غير ان المفروض الجهاز مضمون سنة ....

منتظر ردود اخوانا اصحاب الخبرة في مجال تجميع الحاسبات واسعارها...

جزاكم الله خيرا ...مقدما..

[Karim_Monir]

الجهاز قليل الامكانيات بالنسبة للفلوس
ولا انصح باجهزة تجميع من غير اسماء كبرى او على الاقل ايسر مثلا
ولوهاتجيب تجميع ارشح لك صديق لي صاحب شركة وجار في نفس الوقت وممكن اساعدك في المواصفات وتنزل تجيب احسن سعر في المحلات وبعد كدة تروحلة تقولوة على المواصفات جبتها بكذا وكذا وهو يجبلك زيها
وده لضمان الشفافية طبعا
اللي اضمنهولك الضمان عندهم حاجة تانية فعلا
ده جار وعشرة 7 سنين بقى وقولة بس من طرف كريم منير
لو عايز اسم شركتة ابعتهولك على الخاص وممكن بالتليفون تاخد سعر بس تقول انك من طرفي عشان يديلك احسن سعر
ومكانة في مول السخاوي اللي في الخليفة المامون
وربنا يوفقك

[M_HaFeZ]

فى الدور اللى تحت ياكريم :d

[hero]

كريم باشا ....الف شكر يا ريس وربنا يباركلك...ياريت طبعا تبعتلي اسم الشركة وعنوانها ورقم تليفونها...واسم صديقك.... علي الخاص..وربنا يكرم إن شاء الله ...