بفكر في السفر الي السودان خلال الكام شهر الجايين ... ايه رأيكم ؟؟؟

[Bassem Youssef]

بدون دخول في تفاصيل

مفيش سيوله حاليا للسفر لتنزانيا او كينيا لان الايجارات هناك غاليه

ففكرت في السفر للسودان علي الاقل بصفه مؤقته لحد ما يبقي في سيوله

الايجارات هناك رخيصه الي حد ما علي Numbeo

اي حد يعرف اي معلومه مؤكده عن العيشه هناك يقول

لو في حد عاش هناك قبل كده يقول النظام ايه هناك

ان شاء الله ناوي علي ستوديو تصوير او مركز تصوير مستندات لو يمشي هناك

دول المشروعين اللي شغال فيهم حاليا

[minicooper20]

هتسافر السودان تعمل مركز تصًوير مستندات
انا اسف لو بهزر بس انتا فكرتنى بالسافرو ياجرو عجل فى شرم الشيخ

[Abo_Mazen]

هو حضرتك فيه ناس هنا محتاجه تصور ورق برضه ..في عندنا مدارس وطلبه ومحامين ..عادي يعني ..تصوير المستندات مطلوب هنا برضه

[Hussein_Ramdan]

هتروح السودان تصور ورق طيب دى متجيش على المشوار

[wawamoha]

الراجل عاوز يهاجر من مصر اساسا ..... مش عاوز يروح يعمل مشروع .....
و عاوز مساعده لوحد يعرف العيشه هناك فيها ايه ..

ربنا يوفقك

[eslam atia]

متزعلش يا استاذ باسم علي التريقة الغير مقصودة من بعض الاعضاء سامحهم الله
انا حاسس بيك قسما بالله العلي العظيم
عموما ربنا ييسرلك كل خير اللهم امين

[Bassem Youssef]

انا مش فاهم في ناس داخله تهرج ليه

دي مش مشاريع برضه شغاله و لا ايه يعني ؟؟؟؟

الناس دي مش بتتصور و لا بتصور ورق مثلا ؟؟؟؟

[Bassem Youssef]

هو حضرتك فيه ناس هنا محتاجه تصور ورق برضه ..في عندنا مدارس وطلبه ومحامين ..عادي يعني ..تصوير المستندات مطلوب هنا برضه

هي المشكله ان المشروع ده شغال هنا و لا لأ ؟؟؟

يا سيدي الفاضل الشغل بعافيه شويه بس عادي يعني و المحل بتاعي فميش مشكله

انا عايز اهج من هنا بس عشان كده سألت شغلي ده هينفع هناك و لا لأ

[M_ezzat2]

البلد مبقاش فيها حاجة تخلي الواحد يقعد

[eslam atia]

لا تحرصن فالحرص ليس بزائد ** في الرزق بل يشقي الحريص ويتعب
ويظل ملهوفا يروم تحيلا ** والرزق ليس بحيلة يستجلب
كم عاجزا في الناس يأتي رزقة ** رغدا ويحرم كيس ويخيب
وإذا بليت بنكبة فاصبر لها ** من ذا رأيت مسلما لا ينكب
وإذا أصابك في زمانك شدة ** وأصابك الخطب الكرية الاصعب
فأضرع لربك انه ادني لمن ** يدعوه من حبل الوريد وأقرب
كن ما إستطعت عن الأنام بمعزل ** إن الكثير من الورى لا يصحب
وإذا رأيت الرزق ضاق ببلدة ** وخشيت فيها أن يضيق المكسب
فأرحل فأرض الله واسعة الفضا ** طولا وعرضا شرقها والمغرب
فلقد نصحتك إن قبلت نصيحتي ** فالنصح أغلى ما يباع ويوهب
منقول للأمانة

[prof2013]

خليك قاعد ياباسم هنا كده كده العالم بينهار اساسا وشكلها هترسى على حرب عالمية تالته ومش هيبقى فيها لا هجرة خارجية ولا داخلية ولا الحمالة

[Bassem Youssef]

اقعد فين يا عم الحاج ؟؟؟؟

العيشه هنا بقت تكفر الواحد و الله

كميه مواقف حقيره بتحصل كل يوم

انا ضغطي بقي عالي بسبب البلاوي اللي بتحصل كل يوم

كفايه كده

حرب و لا مش حرب مش فارقه المهم اغور من ام المخروبه دي

حاجه تقرف

[Imhotep]

ياريت كان عندى معلومات افيدك بيها
بس انا داخل اقولك ربنا يوفقك و يحافظ عليك
و يكرمك و يساعدك فى تحقيق حلمك بحياة افضل
و لو ما كانش فى نصيب فى الحياة الافضل بره
ففى السفر سبع فوائد اقلها انك هتبقى خضت التجربة بدل ما انت قاعد تحلم و تفكر و يعذبك التفكير و بس

[Hobgoblin]

أنا اشتغلت في السودان فترة صحيح مش كبيرة بس أقدر أقول لك الحياة أصعب من مصر عموماً.

مفيش بنية تحتية سليمة ولا أماكن ترفيه كويسة.

انصح حضرتك تفكر في ناميبيا.

[OldVic]

أنا سافرت السودان مرتين؛ بلد تعيسة بمعنى الكلمة. الاقتصاد هناك تعبان و الناس فقيرة و الحاجة غالية (خصوصا المستوردة) نتيجة انخفاض قيمة الجنيه السوداني. الأستاذ اللي عايز يسافر المفروض يشوف بلد أحسن من مصر، مش أسوء. ده طبعاً. غير المشاكل الصحية هناك زي الحمى الصفراء و المالاريا. أما الفساد هناك فعايز مجلدات.