تعليقاً على ما حدث لأخت العضو Motorizer , يا ريت نشوف الصورة دى

[fiatto]

معظمنا عرف الحادث اللى تعرضت اليه أخت زميلنا محمود ربنا يشفيها ويعفو عنها , وقرينا اللى كتبه محمود عن المستشفيات 6 أكتوبر ودار الفؤاد والطوارئ والاسعاف ومسلسل الاهمال التام .
فيه صورة لسيارة بنك دم واقفة امام باتا اللى فى ميدان العتبة أول شارع الأزهر كنت شفتها والبهوات الممرضين بيشدو الناس بالعافية عشان تتبرع بالدم , ولقيت المنظر اللى انتو شايفينو ده !! أيوة فساتين متعلقة على باب سيارة بنك الدم !!!
الممرضين والمسئولين عن العربية حبو يعملو سبوبة فعملو اتفاقية شراكة تجارية مع الباعة الجائلين ومفترشى الرصيف وأجرولهم باب العربية كحامل للفساتين !!
ولولا انى صورت الصورة بنفسى مكنتش صدقت !! مرضتش ارفعها فى مشاركتى فى موضوع محمود عشان هو مش ناقص الله يصبره ويثبته ويثبتنا جميعا معاه , فعملت الموضوع ده عشان نشوف بلدنا وصلت لايه .

حظى معاك يامحمود ان مشاركاتى رد فعل لحاجات حصلتلك

[fiatto]

آدى رابط الصورة

www10.0zz0.com/2008/11/05/02/165135822.jpg

[Mido80]

آدى رابط الصورة

www10.0zz0.com/2008/11/05/02/165135822.jpg

الله...اية الحلاوة دي. كان ناقص يخلوا واحد بتاع طعمية وفول يعلق قدرة الفول علي سلم الاسعاف ويبيع الفول والطعمية

[ahmedfd]

لا حول و لا قوة إلا بالله...

[waled369]

يبقى انته أكيد في مصر .

بالنسبة للأخت ربنا يعجل شفائها على خير و تقوم بألف سلامة .

[elassar2010]

لا حول و لا قوة إلا بالله
هى دى مستشفيات مصر هى دى اصلا مصر
ربنا يرحمنا ويشفى اخت محمود باذن الله

[sh21s]

عايزين الصورة دى توصل لوزير الصحة. أعتقد إنها هتخليه ياخد موقف حازم مع مثل هذه الحالات.
أو نبعتها لصفحة أراء القراء فى الجرائد المختلفة عشان الموضوع يتعرف، و بكده يبقى أخذنا خطوة إيجابية و إن شاء الله يكون لها رد فعل.

[fiatto]

عايزين الصورة دى توصل لوزير الصحة. أعتقد إنها هتخليه ياخد موقف حازم مع مثل هذه الحالات.
أو نبعتها لصفحة أراء القراء فى الجرائد المختلفة عشان الموضوع يتعرف، و بكده يبقى أخذنا خطوة إيجابية و إن شاء الله يكون لها رد فعل.

هيقولو عليا مفبركها وان العربية مش عربية اسعاف وألف مبرر ومبرر هيقولوه

ولما وزير الصحة يبقى ياخد موقف من استقبال الحوادث فى المستشفى بتاعته يبقى ياخد موقف من سيارات بنك الدم

[tarekkasaby]

عايزين الصورة دى توصل لوزير الصحة. أعتقد إنها هتخليه ياخد موقف حازم مع مثل هذه الحالات.
أو نبعتها لصفحة أراء القراء فى الجرائد المختلفة عشان الموضوع يتعرف، و بكده يبقى أخذنا خطوة إيجابية و إن شاء الله يكون لها رد فعل.

ممكن تتبعت ل عمرو اديب فى القاهره اليوم

[hazem66]

هو ماحدش شاف الصورة التانية ولا ايه
الرشوة واضحة جدا للعسكرى
والله مش عارف المفروض الصورة دى تروح لوزير الداخلية والتانية لوزير الصحة ولا ايه
مش عارف

[fiatto]

هو ماحدش شاف الصورة التانية ولا ايه
الرشوة واضحة جدا للعسكرى
والله مش عارف المفروض الصورة دى تروح لوزير الداخلية والتانية لوزير الصحة ولا ايه
مش عارف

يظهر ان محدش شاف الصورتين أصلا !!!
تعليقاتكم ايه ياحضرات على التحفتين الفنيتين دول !!
دول يتحطو على كروت بدل الأهرامات وأبو الهول !!!!

[moh_kamal67]

ياراجل ده احنا فى رمضان من 15 وطالع 3 حملات للتبرع بالدم فى مسجد واحد ، مرة كنت مستعجل كانوا عاملين نظام ، اتبرع يا استاذ وبعد 2 متر واحد تانى يشوف اللى مرضاش يحاول يقنعه والبيج بوس بقى على الباب الخارجى ، قاللى بزجر وتعنيف (انت متبرعتش ليه) قلت له موش فاضى وسنى كبير ، قالى اللى التبرع لحد 55 ولا 60 موش فاكر بصيتله باستغراب وقلت له روح اتبرع انت فصدم ولم يعرف رد
كان معاى شاب صغير السن اتكسف وراح يتبرع
انا كنت اتمنى ان تكون صحتى مضبطة واقدر اخدمهم ، ولكن سيدى وعن تجربة ، لو انت فاكر انك هاتدخل فى مستشفى يشيلوك على كفوف الراحة هنا فى مصر ولا حتى فى الخليج تبقى واهم
لما دخلت مرة المستشفى وقعدت 2 اسبوع شفت النظام ، موظفين يؤدوا اشياء روتينية ولا علاقة لهم بالم او توجع المريض ، وهما كام ساعة ويروحوا وانت فى كل الاحوال بين يدى الله يحفظك ، لدرجة اننى كنت ساعات اعدل عليهم لمعرفتى بحالتى وان الشيئ الفلانى لا يتناسب معها
اللهم لا تحوجنا يوم لدخول مستشفى ، بل لا تحوج احد لحد واشفى الناس كلهم يارب ولاتجعلنا فريسة لللأم من الناس
ادام الله علينا الصحة وشفى مرضانا شفاء عاجل من عنده هو سبحانه

[2hmed_7osam]

ف انجلترا اللي بيلاقي كلب او غزال مخبوطة بيبلغ الطوارئ
دقايق وبيكونو جايين وبينقذو الحيوان فما بالك بالانسان

عربيات اسعاف جديدة داخلة الخدمة وعربيات بوليس جديدة داخلة الخدمة
منظر مش اكتر

[fiatto]

ياراجل ده احنا فى رمضان من 15 وطالع 3 حملات للتبرع بالدم فى مسجد واحد ، مرة كنت مستعجل كانوا عاملين نظام ، اتبرع يا استاذ وبعد 2 متر واحد تانى يشوف اللى مرضاش يحاول يقنعه والبيج بوس بقى على الباب الخارجى ، قاللى بزجر وتعنيف (انت متبرعتش ليه) قلت له موش فاضى وسنى كبير ، قالى اللى التبرع لحد 55 ولا 60 موش فاكر بصيتله باستغراب وقلت له روح اتبرع انت فصدم ولم يعرف رد
اللهم لا تحوجنا يوم لدخول مستشفى ، بل لا تحوج احد لحد واشفى الناس كلهم يارب ولاتجعلنا فريسة لللأم من الناس
ادام الله علينا الصحة وشفى مرضانا شفاء عاجل من عنده هو سبحانه

آمين يارب , فعلا انت بتروح المستشفى وانت وعمرك ولطف ربنا بيك
اللى بيضايق انك تلاقى الواحد من دول بتوع عربيات بنوك الدم يستعطفك عشان تتبرع ولما متردش عليه او ترد بالرفض باشارة من ايدك تسمع تمتمة عليك من وراك وانت ماشى , بالظبط اسلوب الشحاتين وبتوع المناديل فى الاشارات .
فى مرة زعقت لواحد وقلتله متقنعنيش ان وقفتك فى نص الشارع للمارة وجذبك للناس من هدومهم عشان انت بتحب الناس والانسانية أكيد ليك عمولة لو حققت تارجت معين زى مندوب المبيعات !! وفى الآخر أكياس الدم بتروح لمستشفيات خاصة وتتباع بفلوس ! أيوة متفتكرش ان العربيات دى بتودى أكياس الدم لمرضى السرطان وقصر العينى وابو الريش , المستشفيات دى بتحصل على الدم من أهالى المرضى وأحيانا كتير بيبقى فى صورة اجبار ان عشان قريبك يتحجز فى المستشفى لازم تجيب 7 متبرعين وكل واحد يتاخد منه شوية حلوين !!
انما التبرع بتاع موسم رمضان والجامعة والميادين العامة وخلافه بيتباع للمستشفيات الخاصة بأسعار محترمة وانت فى المقابل اخدت دعوتين حلوين من المندوب وكيس عصير وخراطيم وأكياس دم ملوثة .

على فكرة مقدرتش اقرب اكتر من كدة وانا باخد الصورة لانى لمحتهم بيكلمو بعض وشاكين انى باصور العربية ونظرات شك وريبة طالعة منهم , قلت آخدها بسرعة قبل مايعملو معايا مشكلة .

[SS]

! أيوة متفتكرش ان العربيات دى بتودى أكياس الدم لمرضى السرطان وقصر العينى وابو الريش , المستشفيات دى بتحصل على الدم من أهالى المرضى وأحيانا كتير بيبقى فى صورة اجبار ان عشان قريبك يتحجز فى المستشفى لازم تجيب 7 متبرعين وكل واحد يتاخد منه شوية حلوين !!
.

فعلا موضوع موضوع ابتزاز المريض و اجباره ع انه يجيب ناس تتبرع بالدم عشان استكمال علاجه ده موضع غاية ف الوضاعة..وده يخليك مؤمن بانه خلاص كل شىء جايز و ممكن اى حاجة تحصل.