اراضى التجمع الخامس

[khaled_afandy]

سلام يا جماعة

انا اخيرا استلمت ارض قرعة بتاعت 2007 ووقعت فى حيص بيص، المفروض انها غير قابلة للبيع (نظريا طبعا) و لا يوجد لى سابقة خبرة فى البناء و فى نفس الوقت المكان ما زال مهجور الى حد ما.

مش عايز ابيع و لا عايز ابتدى بناء دلوقت

اعمل ايه، حد يعرف؟

انا سمعت عن شركات بتعمل نظام شركة مع صاحب الأرض، هما يبنوا و يتم تقاسم الوحدات. هل حد يعرف حد امين و الا خلاص الأمانة راحت؟ او عموما اللى يعرف مكتب او مقاول كويس و امين، يا ريت يقول لى، مع خالص الشكر.

[amr011111]

اعتقد انك لو رميت اساسات واعمده البدروم يبقى الارض مش هتتسحب بس حاول تسأل برضه
بالنسبه للتنفيذ لا انصحك بالبناء بالمشاركه نظير وحدات الا لو مش معاك فلوس للبناء
لو معاك فلوس للبناء يبقى هات مكتب هندسى او مهندس ينفذلك نظير نسبة ارباح غالبه بتبقى بنسبة 15% من قيمة الاعمال المنفذه ( بس حقيقة بتوصل لنسبة 20 % )
او انك لو عندك وقت تنزل بنفسك تتفق مع مقاول وانت تشترى المون وتجيب مهندس يشرف على المبنى
وبالتوفيق

[محمد المصرى]

طيب ممكن بيانات عن الارض
الموقع فين

[hussein]

لو شاركت فهيبدأ يبيع في نصيبه وهيخلص المبني شغل غي خلال سنتين
لومعاك فلوس يبقي خليها ليك انت افضل وماتشاركش حتي لو أساسات بس زي مالاخ الفاضل قالك
مساحتها كام ومعاك كام وانا اقولك ممكن تعمل بيهم ايه

[abdulkhaleq]

اول حاجه تشوف ايه شروط القرعه
هل في مده معينه للبناء ؟ هل في شروط على اثرها ممكن لاقدر الله تتسحب منك ؟....الخ

تاني حاجه تشوف ايه سعر الارض في حالة البيع دلوقتي او ساعة البناء
عشان لو هتشارك حد تقدر تعرف قيمة اللي هياخده من قيمة الارض اللي هي بتاعتك كللها

اذا استقريت عالمشاركه العقد يتكتب فيه (كل) حاجه
واعرف ان كل طابق بسعر, بما فيهم البدروم

وفقك الله

[khaled_afandy]

لو شاركت فهيبدأ يبيع في نصيبه وهيخلص المبني شغل غي خلال سنتين
لومعاك فلوس يبقي خليها ليك انت افضل وماتشاركش حتي لو أساسات بس زي مالاخ الفاضل قالك
مساحتها كام ومعاك كام وانا اقولك ممكن تعمل بيهم ايه

أشكركم على الردود الكريمة، هى الأرض 300 متر، و انا احب احتفظ بها بس مش عايز ابنى دلوقت
يا ترى دى ممكن تتكلف حفر و أساسات قد ايه؟

[khaled_afandy]

اول حاجه تشوف ايه شروط القرعه
هل في مده معينه للبناء ؟ هل في شروط على اثرها ممكن لاقدر الله تتسحب منك ؟....الخ

تاني حاجه تشوف ايه سعر الارض في حالة البيع دلوقتي او ساعة البناء
عشان لو هتشارك حد تقدر تعرف قيمة اللي هياخده من قيمة الارض اللي هي بتاعتك كللها

اذا استقريت عالمشاركه العقد يتكتب فيه (كل) حاجه
واعرف ان كل طابق بسعر, بما فيهم البدروم

وفقك الله

ايوه هما عاملين شروط 33 شهر لإنهاء كل شئ و ممنوع البيع رغم الناس اللى كانت يتستلم معظمهم شاريين من اللى طلع فى القرعة، بس لى قرايب قعدوا بتاع 5 او 7 سني و جايز اكتر ن من اللى خدوا ارض فى التسعينات، بس مش واضحبن معايا عملوا ايه بصراحة

[khaled_afandy]

اعتقد انك لو رميت اساسات واعمده البدروم يبقى الارض مش هتتسحب بس حاول تسأل برضه
بالنسبه للتنفيذ لا انصحك بالبناء بالمشاركه نظير وحدات الا لو مش معاك فلوس للبناء
لو معاك فلوس للبناء يبقى هات مكتب هندسى او مهندس ينفذلك نظير نسبة ارباح غالبه بتبقى بنسبة 15% من قيمة الاعمال المنفذه ( بس حقيقة بتوصل لنسبة 20 % )
او انك لو عندك وقت تنزل بنفسك تتفق مع مقاول وانت تشترى المون وتجيب مهندس يشرف على المبنى
وبالتوفيق

طب ايه الفرق بين إنى اجيب مهندس يشرف على المبنى و اجيب مكتب او مهندس يبفذ مقابل 15-20%

[amr011111]

لو هتجيب مكتب ينفذ المبنى هيبقى متواجد طول الوقت وهوه المسؤول عن كل حاجه يعنى هيحسبلك ان مثلا الاساسات هتتكلف مبلغ وليكن 40 الف ونسبته 15% فتقوم بدفع 90 فى المائه من المبلغ قبل كل بند وبعد تنفيذ البند ده هتدفع 10 % فى المائه المتبقين وانت مش مطلوب تواجدك الا لو كنت عاوز تتابع الشغل
النظام التانى انت هتجيب مقاول عنده خشب والعمال بتوعه وانت تشترى كل المون يعنى قبل صب الاساسات هتجيب له الزلط والرمل والاسمنت والحديد وهوه هيشد النجاره ويرص الحديد والمهندس اللى هتتفق معاه هيجى ليك زيارات فقط يجى ساعه يستلم النجاره والحداده للاساسات ويجى يوم الصب ساعه وخلاص
يعنى زيارات فقط
المهندس المشرف هياخد فى المبنى فى حدود 6000 الاف جنيه
انما النظام الاولانى هتلاقى لو المبنى اتكلف مليون جنيه هوه هياخد 15 %

[abdulkhaleq]

ايوه هما عاملين شروط 33 شهر لإنهاء كل شئ و ممنوع البيع رغم الناس اللى كانت يتستلم معظمهم شاريين من اللى طلع فى القرعة، بس لى قرايب قعدوا بتاع 5 او 7 سني و جايز اكتر ن من اللى خدوا ارض فى التسعينات، بس مش واضحبن معايا عملوا ايه بصراحة

شرط عدم البيع ده الناس بتبيع برضه بس مش بتنقل ملكيه ولا عدادات الا بعد انقضاء المده
لكن بيبيعوا عادي
الشرط الاهم فعلا هو البناء وانت قولت 33 شهر
طيب لو مابنيتش ايه اللي هيحصل ؟ راجع كراسه الشروط عشان تبقى عارف راسك من رجليك قبل اي خطوه

[sayed911]

حضرتك لو كلمتني ها افيدك لأني متملك قطعتين في المستثمر الصغير وقطعة في الأندلس ها افيدك اكتر ونمرتي اهي
01110110175
الموضوع كله ببساطة عن شروط فيه كراريس بتتطلب حفر ورخصة في خلال 3 شهور وفي كراريس بتتطلب اعمال هيكلية في خلال سنة فيه كتير

[khaled_afandy]

شرط عدم البيع ده الناس بتبيع برضه بس مش بتنقل ملكيه ولا عدادات الا بعد انقضاء المده
لكن بيبيعوا عادي
الشرط الاهم فعلا هو البناء وانت قولت 33 شهر
طيب لو مابنيتش ايه اللي هيحصل ؟ راجع كراسه الشروط عشان تبقى عارف راسك من رجليك قبل اي خطوه

سحب الأرض طبعا كما هو الشرط دائما

[khaled_afandy]

حضرتك لو كلمتني ها افيدك لأني متملك قطعتين في المستثمر الصغير وقطعة في الأندلس ها افيدك اكتر ونمرتي اهي
01110110175
الموضوع كله ببساطة عن شروط فيه كراريس بتتطلب حفر ورخصة في خلال 3 شهور وفي كراريس بتتطلب اعمال هيكلية في خلال سنة فيه كتير

ماشى يا باشا، حضرتك فعلا حتقدر تفيدنى بخبرتك
حأتصل بحضرتك الجمعة ان شاء الله

[khaled_afandy]

لو هتجيب مكتب ينفذ المبنى هيبقى متواجد طول الوقت وهوه المسؤول عن كل حاجه يعنى هيحسبلك ان مثلا الاساسات هتتكلف مبلغ وليكن 40 الف ونسبته 15% فتقوم بدفع 90 فى المائه من المبلغ قبل كل بند وبعد تنفيذ البند ده هتدفع 10 % فى المائه المتبقين وانت مش مطلوب تواجدك الا لو كنت عاوز تتابع الشغل
النظام التانى انت هتجيب مقاول عنده خشب والعمال بتوعه وانت تشترى كل المون يعنى قبل صب الاساسات هتجيب له الزلط والرمل والاسمنت والحديد وهوه هيشد النجاره ويرص الحديد والمهندس اللى هتتفق معاه هيجى ليك زيارات فقط يجى ساعه يستلم النجاره والحداده للاساسات ويجى يوم الصب ساعه وخلاص
يعنى زيارات فقط
المهندس المشرف هياخد فى المبنى فى حدود 6000 الاف جنيه
انما النظام الاولانى هتلاقى لو المبنى اتكلف مليون جنيه هوه هياخد 15 %

هو طبعا معظم الناس بتعمل النظام الثانى و الواحد بيبقى هو المتخكم بس صداع طبعا. و كويس قوى 6000 فى المبنى

[maio_do]

فين المكان حيص بيص ده اول مرة اسمع عنه