تعرف ازاى ان شركه مقاولات ملتزمه مش نصابين ؟؟

[M_HaFeZ]

ازاى ياجماعه الواحد يعرف اذا كانت شركة مقاولات شركه شغاله صح وهتسلم وتلتزم بالتعاقد او تطلع شركه نصب وتوصل لانها تكون بتلم فلوس وخلاص وفى موضوع نصب فى التعاملات باى نوع كان ؟؟

الكلام مش على الشركات الكبيره صاحبه الاسم اللى غالبا بتحط اسعار اعلى من السوق اعتمادا على اسمها ...

انما الشركات الاصغر بتكون فرصها افضل نسبيا
لو حد يعرف ايه الوسيله فى التحقق من المصداقيه ياريت يفيدنا

[M_HaFeZ]

للرفع .................

[M_HaFeZ]

ياجماعه محدش عارف

[hdmrdash]

شوف ياسيدى
حاول تعرف المشاريع اللى اكتملت عندهم كام مشروع وتسأل الناس اللى ساكنه الشركه عامله معاكم ايه ونظام ألقساط والتأخير ومواعيد الأستلام ونوعيه التشطيب اللى متفق عليه
وألسانسير اتركب فى ميعاده ولا طلعوا عين السكان
وعملوا ايه فى وديعه اتحاد الملاك
والفتره اللى بعد التسليم الشركه التزمت بالصيانه لمده 3 سنوات او كما هو المتفق عليه
وتشطيب الواجهه والمدخل كما هو فى العقد ولا أيه
سؤال المشترين السابقين أحسن طريق لمعرفه صدق الشركه من عدمه
ولازم تسأل عن كل النقاط السابقه لن ناس كتير بتشترى ومش بتاخد بالها من الحاجات دى
واهم حاجه الجراج ليك نسبه فيه ولا حتشترى حصه وبكام وسعر الحصه تقسيط مع الشقه ولا كاش؟
أى خدمه

[M_HaFeZ]

الف شكرا ياباشا على ردك ده

فعلا اتكلمت فى نقط مهمه جدا
شكرا مره تانيه

[GoldenManEye]

لازم تروح مشروع أو إتنين من اللى هما خلصوهم

وتشوف بنفسك! لو إلتزموا فيهم يبقى هيلتزموا معاك ان شاء الله.