الشرط الجزائى تى اى داتا

[fghahkj]

ممكن اعرف ايه موضوع الشرط الجزائى لشركه تى اى داتا
انا اشتركت معاهم فى عرض النص بالنص ودفعت اول 70 ج واستلمت الراوتر
والخدمه اشتغلت 9 ايام فقط وبعدها فصلت من يوم 24/12 لحد الان

فانا عايز اخلص من ام الشركه دى لكن فى شرط جزائى 240 ج
وعلى فكره مش هشترك فى شركه تانيه

[Fadi Ezzat]

دة تمن الراوتر

[canner]

انا كنت مشترك معاهم و هم من الشركات المحترمة فيهم الكويسين و فيهم الوحش و كل حاجة بالمناهدة يعنى لازم يكون بالك طويل معاهم و تفضل ورا حقك و ماتسيبوش و كنت برحلهم الفرع و الفرع الرئيسى و اتخانق لحد ما الموضوع يتحل

[fghahkj]

يعنى انا لو طنشت فيه مشكله
الى عرفته ان الشرط الجزائى مش تمن الراوتر ده علشان متقدرش تفصل منهم وتروح شركه تانيه قبل سنه

[حسام الغرباوي]

بص باختصار حصلي نفس الحوار بس بشكل مختلف

انا مشترك معاهم بقالي حوالي 4 سنين بس كنت فاصل عشان مسافر

نزلت اجازة وروحت اشترك في عرض القوات المسلحة لظباط الجيش وابنائهم ..قالولي انتا لسة علي تي داتا افصل الاول
روحت تي داتا قالولي في عرض 3 شهور 1 ميجا ب90 مع روتر هدية

اخدته ومشيت وبعد 3 شهور رجعت افصل قالولي ادفع 245 جنية تقريبا شرط جزائي ..قلتلهم لأ ...قالوا انتا ماضي علي ورق ( وانا ممضتش ) ...قالولي بمجرد اشتراكك في العرض يبقي لازم تدفع شرط جزائي

طبعا عملت معاهم الدنيئة واتصلت بوزارة الاتصالات وبهدلت الدنيا وقلتلهم هعمل شكوى في شؤون ظباط واخليهم يشفخكوا ...راحت واحدة مكلماني من تي داتا وقالتلي الموضوع بسيط وبلاش شكوى وحوارات ..قلتلي عايز تفصل هنفصلك وممكن نديك نفس عرض الجيش لمدة 6 شهور كمان :d


يعني من الاخر لو ممضتش علي ورق ...اديهم ومترحمش :d

[مُصْطٓفٓى]

تقريبا مادام ليهم مستحقات يبقى مش حتعرف تشترك في شركة تانية الا لما تدفع مستحقات الشركة الأولى
وحتى لو مش حتشترك في شركة تانية فده حقهم وانت ملتزم اخلاقيا بدفع مستحقاتهم
خصوصا ان ده تقريبا تمن الراوتر اللي هم ادهولك
وحضرتك مدفعتش غير 70 جنيه فقط
لكن ما دام فيه مشكلة وهم السبب فيها فقد يكون الامر مختلف في موضوع التزامك الاخلاقي
والطبيعي انك من حقك تطلب فسخ العقد لان الخدمة مش شغالة
وتطالب برد مستحقاتك قبل ما يطلبوا هم رد مستحقاتهم

[omar101970]

اعمل شكوى فى الجهاز القومى للأتصالات على رقمهم 155
ويكون طلبك فسخ التعاقد لعدم التزامهم بتقديم خدمه الأنترنت وتطاالب بمبلغ 70 جنيه كمان

[alfath8]

الله يكون فى عونك
مش هاينفع تفصل الا لما تدفع

[fghahkj]

انا مش عايز افصل ومش عايز الخط كمان يعنى هرمى سلك التليفون فى الشارع

[sasaasso]

انا مش عايز افصل ومش عايز الخط كمان يعنى هرمى سلك التليفون فى الشارع

اتصل علي خدمة عملاء تي داتا