تجاربكم مع الجيوب الانفية

[egyboy]

السلام عليكم

ايه اخباركم مع الجيوب الانفية

هل فى علاج فعلى طبيعى او طبى ؟؟

صداع وارهاق وعدم لتنفس الجيد وحالة من الكسل والسلبية و عايز انام كتير

[Ayman_Amer]

نفس القصة والله
وعند اشتداد الأمر كنت بستخدم زيت النعناع، اغلي نصف كوبايه في كنكة واحط عليهم 4-5 نقط واشم البخار مرتين ثلاثة في اليوم.

[Secret-Man]

ألببخاخ

[mrvolt]

انا بحس بحرقان والهواء بتنفسه بارد وتقيل حد يعرف المشكلة

[amr011111]

مستمره معايا معظم الوقت ولما بستخدم نقط اوترفين او افرين اول استخدامين تلاته بيستمر مفعولها لمدة ساعه بعد كده بحس ان خدت مناعه منها ومفعولها بيستمر لخمس دقايق

[mr_vampire]

Nasonexبخاخ كويس جدا للجيوب الانفية.

كان التهاب دايما وعيني بتدمع وعطس رهييييييب متكرر بيهد الجسم كله.

فمع استخدامه فترة مرتين فاليوم. بفضل الله الموضوع انتهي تماما.

[إنسانة]

العلاج الطبيعي هو غسل التجويف الأنفي بمحلول الماء و الملح عايز تشوف الطريقة التقليدية ابحث "Jala Neti"
لو مش متوفرلك ابريق نيتي أو شبيه ليه ممكن بإستخدام سرنجة تشيل الأبرة وتملاها محلول ملحي وتطبق الطريقة المشروحة هنا

https://www.youtube.com/watch?v=LW9mvVe7Mk4

شكل المحلول الملحي ومكتوب عليه نسبة الملحية 0.9% وهو نفسه المستخدم في البخار , ماتستخدمش ملح الطعام العادي




كل ماتغسل أسنانك أغسل التجويف الأنفي يعني 3 مرات يوميا


وهنا معلومات أكتر

[Fadi Ezzat]

والطريقة دى متجربة قبل كدة

[egyboy]

العلاج الطبيعي هو غسل التجويف الأنفي بمحلول الماء و الملح عايز تشوف الطريقة التقليدية ابحث "jala neti"
لو مش متوفرلك ابريق نيتي أو شبيه ليه ممكن بإستخدام سرنجة تشيل الأبرة وتملاها محلول ملحي وتطبق الطريقة المشروحة هنا

https://www.youtube.com/watch?v=lw9mvve7mk4

شكل المحلول الملحي ومكتوب عليه نسبة الملحية 0.9% وهو نفسه المستخدم في البخار , ماتستخدمش ملح الطعام العادي




كل ماتغسل أسنانك أغسل التجويف الأنفي يعني 3 مرات يوميا


وهنا معلومات أكتر

الطريقة دى حاولت اجربها والمياه منزلتش من الناحية التانية

معرفش مقدرتش اعملها صح بالشكل ده

هحاول تانى

[إنسانة]

والطريقة دى متجربة قبل كدة

طبعا يافندم متجربة أنا على طول بعملها ولبنتي من وهيا رضيعة , لإن إحنا منطقتنا من المناطق اللي فيها هبات غبار في اغلب مواسم السنة فبينصحونا الأطباء بالطريقة دي وخصوصا للاطفال لإن مش ممكن هنعيش على الأدوية طول عمرنا , وطبعا مريحة جدا وبتخليك تستغني عن البخاخات والقطرات
بس برضو لزيادة الإطمئنان ممكن تكلم الدكتور وتستشيره في حالتك

[إنسانة]

الطريقة دى حاولت اجربها والمياه منزلتش من الناحية التانية

معرفش مقدرتش اعملها صح بالشكل ده

هحاول تانى

ميل راسك لأدام فالأول وإنت مميلها لأدام ميلها على الجنب مع فتح الفم و حط السرنجة بشكل مايل
وجرب بدفعة بسيطة لحد ماتتقنها

[besso]

طب انا بردو عندي موضوع العطس الكتير ودايما عندي انسداد في الانف وطبعا مسببلي مشكله كبيره في النوم بالذات وطبعا عندي رشح في الانف كتير بردو

الموضوع ده ظهر من فتره كبيره

ده حله ايه هل دي جيوب انفيه بردو