تى اى داتا اخرتها اية فى البلد دى

[maio_do]

بسم الله الرحمن الرحيم

السلام عليكم ورحمه الله وبركاته

باختصار!!!! ايوة باختصار علشان مطلوش عليكوا لانها قصة كبيرة من الاول انا دلوقتى على سرعه 4 ميجا عرض النص بالنص لا يا فندام خطك ميستحملش ال 4 ميجا !!!!!

دى القصة وطيب الاختصار طلعت منه باية انى فهمت الدنيا شوية وعرفت بقيس الخط يستحمل اد اية وعندى 6 ميجا

طيب وبعدين عامل شكاوى فى حماية المستهلك للعربية هروح اقدم شكاوى فى تى اى داتا على رقم 155

غير انى بقدم الجيش وايام ربنا يعديها على خير بس حسيت انى خلاص مش قادر كل حاجة الواحد بيحارب فيها فى البلد دى علشان يجيب حقه

اروح تى اى داتا هات ورقة مختومة من عندك اثبات انى خطى ميستحملش ال 4 ميجا والرد لا يافندام ده سيستم ومينفعش نطبع ورق منه روح السنترال

اروح السنترال انت ليك عندنا حراره احنا مش بنوصلك نت واعرف فى الاخر ان شركة تى اى داتا مالكها المصرية للاتصالات

الاهم فى الموضوع ده (احتكار النت) ايوة احتكار بعد احتكار الحديد وحاجات كتير فى البلد وصلنا لاحتكار النت ازاى!!!

الخطوط الارضى كلها بتتحول فايبر وتى اى داتا الوحيدة اللى بتوصل للخطوط الفايبر وهى ليها منافسين وبتعمل كده لما تبقى لوحدها فى مصر اية اللى هيحصل

[Bassem Youssef]

اخرتها طين ان شاء الله لان الناس جابت اخرها من كل حاجه في البلد اصلا

[Mu7ammeD]

أنا بردك حاولت أرفع الخط لـ 2 ميجا قالولي إن الخط لا يتحمل ولن احصل علي السرعه كامله.

المضحك بالامر لما رحت الفرع ودخلت علي التكنكال سبورت جاوبني وقالي انت عايز ترقي السرعه ليه خليك في الـ 1 ميجا كويسه!!!

[eslam atia]

شهر واحد مقاطة يرجعوا يبوسوا ايد الناس كلها

[maio_do]

اخرتها طين ان شاء الله لان الناس جابت اخرها من كل حاجه في البلد اصلا

اخرتها عند ربنا كل واحد بحسابه تبقى طين لو كل واحد ساب حقه وسكت اتكتب علينا اننا نحارب علشان اقل حقوقنا

أنا بردك حاولت أرفع الخط لـ 2 ميجا قالولي إن الخط لا يتحمل ولن احصل علي السرعه كامله.

المضحك بالامر لما رحت الفرع ودخلت علي التكنكال سبورت جاوبني وقالي انت عايز ترقي السرعه ليه خليك في الـ 1 ميجا كويسه!!!

طيب انت بتقول كده اسمع انت دى ال 1 ميجا = 1024 كيلو بايت دخلت الفرع بقولوا خطى بيستحمل 6200 كيلو بايت فو ال 6 ميجا قالى ماهلى ال 6 الاف دى يعنى 1 ميجا

شهر واحد مقاطة يرجعوا يبوسوا ايد الناس كلها

هتقاطع اية الانترنت اساسى فى الحياه زية زى الموبايل واى وسيله تواصل تانية مينفعش تتقطع

[maio_do]

المهم انى روحت فرع كونكرد التجمع الخامس علشان اجيب حقى انا عايز اشغل الخط على سرعه 4 ميجا على مسؤليتى لان خطى بيستحمل قالى هتخرج من العرض انت فى العرض 2 ميجا رديت بلا انا دافع 4 ميجا واشتغلت 10 ايام ازاى بقى (هو كده) هروح الجهاز القومى وبكل برود (روح الجهاز)

اخر جملتين وانا خارج (مش هسيب حقى وانا هعرف اجيبوا)

[besso]

شكلهم كده معرفوش يلغوا السرعات العاليه بالقرار اللى طلع من فتره
فقاللك نزهقهم بقى واللى نفسه طويل يسد
ههههههههههههههه

[maio_do]

شكلهم كده معرفوش يلغوا السرعات العاليه بالقرار اللى طلع من فتره
فقاللك نزهقهم بقى واللى نفسه طويل يسد
ههههههههههههههه

المشكلة انى فاضى ومستنى الجيش ولا عارف اشتغل ولا عارف اعمل اى حاجة فبشغل نفسى باى مواضيع وبتعصب وكده ههههههههههههههه

بس انا نفسى كل واحد ياخد حقة من اول كلمة يدفع الفلوس ويبقى مرتاح البال انا شايف فساد وناس شغالة اول حاجه غلط بتعملها بتكدب وعادى وتنصب وعادى اية يا عم ده

[besso]

ماهو لو الناس تاخد موقف
الشركه هتخاف
لكنهم متأكدين ان محدش بيعمل حاجه

[maio_do]

ماهو لو الناس تاخد موقف
الشركه هتخاف
لكنهم متأكدين ان محدش بيعمل حاجه

والله يا كبير انا هعمل اللى ربنا يقدرنى عليه

[S O P H O S]

هيفضلوا كده
كان ليا خصم ونقط وخدوها بردوا بدون حق
وبيخدعوا العملاء بعروض وهمية فرأي

[miam0502788391]

نفس الوضع لما خفضوا اسعار الطلقة ورحت علشان اغير على الاسعار الجديدة المعلنة على موقعهم والجرائد اليومية
قالولى الجهاز القومى للأتصالات لغى الاسعار الجديدة علشان قال ايه المنافسين اشتكوا والفكرة كلها انهم ميقدروش على النت السريع لو كل المشتركين رقوا الى السرعة الاعلى
انتى بقى هيبقى عندنا نت فائق السرعة بسعر معقول
ياعالم ياهووووو فيه حد فى الدنيا لسه بيستخدم سرعة 512

[maio_do]

هيفضلوا كده
كان ليا خصم ونقط وخدوها بردوا بدون حق
وبيخدعوا العملاء بعروض وهمية فرأي

وهنفضل نسيب حقنا

[maio_do]

نفس الوضع لما خفضوا اسعار الطلقة ورحت علشان اغير على الاسعار الجديدة المعلنة على موقعهم والجرائد اليومية
قالولى الجهاز القومى للأتصالات لغى الاسعار الجديدة علشان قال ايه المنافسين اشتكوا والفكرة كلها انهم ميقدروش على النت السريع لو كل المشتركين رقوا الى السرعة الاعلى
انتى بقى هيبقى عندنا نت فائق السرعة بسعر معقول
ياعالم ياهووووو فيه حد فى الدنيا لسه بيستخدم سرعة 512

موضوع الاسعار ده انا فاكروا نزلوا على الموقع الرسمى وشالوا بعدها ومفيش حد بيسخدم 512 دى ماتت من زمن النت بقاله كام سنة فى مصر فلوس اد كده مش قادرين يطورا الاجهزة

[ZADH]

وياريت خدمتهم كويسة علي قد اللي همه بيعملوه ........
أنا في الأيام الأخيرة النت كل شويه بيفصل حوالي دقيقة ويرجع تاني.......
وكل ما أكلمهم يسألوني كم الأسئلة الروتينية المملة اللي كتير منا عارفينها ( من أول كابينة خطوط التليفونات اللي في الشارع مرورا بسلك التليفون وال spilitter مع مراجعة اعدادات الراوتر........, الخ)
وفي الأخر كل حاجة كويسة ........ ازاي مش عارف مع ان المشكلة مازالت مستمرة
وأفوض أمري الي الله