ياجماعة انا مستحرم اشغل خط موبنيل من ايام موضوع ساويرس الاستهزاء با الاسلام

[TIGER@21]

ياجماعة انا مستحرم اشغل خط موبنيل من ايام موضوع ساويرس الاستهزاء با الاسلام

انا سمعت انه باع الشركة الكلام ده صح ولا انا غلطان

انا عايز اشغل الخط القديم علشان الشبكة كويسة عندنا

[misry]

من ساعتها رمينا الخطوط بتاعت موبينيل ومش عارف هو باعها وللا لأ , بس احنا اتقفلنا من ناحيتها خلاص

[almohaor]

لا مابعاهش
دا كلام فى الظاهر
لانه حضر مندوب تسويق من موبنيل عندنا فى العمل للدعاية للموبنيل
واوضحت له ان الناس احجمت عن التعامل مع موبنيل بسبب
تصرفات ساويرس المسيئة للاسلام والمفروض انه رجل عام وكمان اعمال
لازم يحترم مواطنيه وشركاؤه فى الوطن وانه المفروض لاينزل لهذا المستوى الوضيع
قال لى المندوب انه باع الشركة
قلت له بسيطة لو كلامك صحيح
يقوم المشترى بعمل اعلان واحد فقط
على وسائل الاعلام المرئية والسمعية والمقرؤة حتى ليوم واحد فقط
ان ساويرس باع الشركة وانه لاصفة له تجاه موبنيل
راح تجد من قاطعوا الشركة بسببه رجعوا للتعامل مع الشركة تانى تلقائيا
لانه راح تكون هناك مصداقية
كان كلامى مفاجأة له
ورد على بتخاذل بس ده صعب يتعمل عشان برستيج ساويرس لايتبهدل امام الناس
قلت له على كيفكم... اللى بيشيل قربة مخرومة بتخر على دماغه
باى باى بعد ماخد واجب الضيافه

[Hobgoblin]

باعها يا فندم:

Mobinil - Wikipedia, the free encyclopedia

ليه 5% فقط

On February 13, 2012, Orange announced its intent to buy Sawiris' biggest share in Mobinil for about $2 billion which could be the end of the long-standing dispute between the company's major shareholders.

On May 27, 2012, Orange acquired 94 percent of Mobinil. Orange bought most of the Mobinil shares it did not already own from its local venture partner, Sawiris's Orascom Telecom Media and Technology (OTMT). Orange executed its purchase of 93.9 million shares of the 100 million outstanding at a pre-agreed price of E£202.5 each, for a total transaction value of E£19 billion ($3.15 billion). Sawiris agreed to keep a 5 percent stake in Mobinil.[5]

[kaza]

طيب واية مشكلة تشغيل خطك الموبينيل القديم ولية شان شخصي بتستشيرنا فية واية الوقت دة بالذات وقبل 25 منه....كفاية بقي واتقوا ربنا في بلدكم واهاليكم ..اان كان سويرس غلط في الاسلام والمسلمين فالله خصيمة وهو من سيحاسبة واما عذاب عظيم واما جنة نعيم .كفاية..كفاية ..كفاية

[minicooper20]

الفراغ يعمل اكتر من كده

[مُصْطٓفٓى]

الراجل مستحرم ينفع حد استهزأ بدينه
الراجل ده عنده دم
الراجل ده عنده كرامة
الراجل ده عنده غيرة على دينه
مش فراغ
الراجل ده احسن من كل واحد مش حاطط في دماغه ومش فارق معاه دينه

[MaZaGAngeE]

اتباعت صوريا لساويرس تونس…

انت راجل محترم…

انا مستحيل استخدم خط لموبينيل حتي لو هستغني عن الموبايل من اصله…

[Khaled Lanos]

انا بردو من يومها لحد دلوقتي رميت خطوط موبينيل اللي عندي نهائي..وعلى فكرة اصلا موبينيل الشبكة بتاعتها بقت زبالة والنت نفس الكلام عكس اتصالات مثلا.

[amrgamal100]

بص يا باشا .. ما حدش يقدر يلومك على غيرتك على دينك
ومقاطعة ساويرس مشروعة لانه استهزأ بديننا وفاتح قنواته والجرايد اللى بيمولها للتشكيك فى الدين
وشوف إبراهيم عيسى بيقول إيه على قناته واليوم السابع بتتكلم ازاى
وعلى فكرة ساويرس باع وماباعش فى نفس الوقت
يعنى مازال عضو فى مجلس إدارة موبينيل وأدخل على الموقع بتاعهم وشوف بنفسك
والشركة تدار بنفس المجموعة والسياسة القديمة .. ده لعب من تحت الترابيزة
ورغم كل ده .. إلا أننى وقفت عند كلمتك " مستحرم "
فرغم أن الراجل مستعد يصرف فلوسه للتشكيك فى الدين إلا أن التعامل معه مش حرام
نعم عدم التعامل معه مباح .. لكن اللى يتعامل معاه مش بيرتكب ذنب
لان ديننا أباح لنا التجارة والبيع والشراء مع المسلم وغير المسلم
لكن لو انت واخدها مبدأ ومش مستريح .. يبقى " دع ما يريبك إلى مالا يريبك "
أما لو على الحلال والحرام .. فالتعامل معه مش حرام
واطمن يا باشا قال تعالى : ( إن الذين كفروا ينفقون أموالهم ليصدوا عن سبيل الله فسينفقونها ثم تكون عليهم حسرة ثم يغلبون )

[kazamodia]

انا معايا موبينيل من زمان ومشترك في لينك ومباكلش من الكلام الفاضي ده موبينيل احسن شبكة واحسن وارخص نت
مع ذلك شركة موبينيل هي شركة الاتصالات الوحيدة في مصر اللي بتحقق خسائر

[abd_el_7amid]

هى المعادلة صعبة شوية .. عشان كدا هنحاول نبسطها
الراجل بيسخر من رسول الله و بيستهزأ بيه-------- هنشيل كلمة رسول الله (صلى الله عليه و سلم)
الراجل بيسخر من امك و بيستهزا بيها
يا ترى رد فعلك ايه لحفظ كرامة الام؟؟

مع العلم ان رسولنا الكريم اغلى علينا من ابائنا و امهاتنا.
بصراحة هوا دا رأيي و لا اقلل من اراء الاخرين.

[minicooper20]

الراجل مستحرم ينفع حد استهزأ بدينه
الراجل ده عنده دم
الراجل ده عنده كرامة
الراجل ده عنده غيرة على دينه
مش فراغ
الراجل ده احسن من كل واحد مش حاطط في دماغه ومش فارق معاه دينه

يعنى الراجل ده لما ميستخدمش موبنيل بيغير على دينو
و احنا لا
طيب بتسافر امريكا ليه
طيب بتلاعب فرنسا كوره ليه
طيب عامل معاهده سلام مع اسراءيل ليه
طيب بتشرب بيبسى ليه
و غيرها حجات كتير
مش كل دول غلطو فى دينك قبل كده و دينى
الكولنا بنغير عليه مش انتا لواحدك يا باشا
بس السطحيه بقت داء متاصل فى مدعين المعرفه
تحياتى

[Elkordy2000]

كل اللي اعرفهم وكان معاهم ارقام موبينيل رموها بعد استهزاء ساويرس بالاسلام هو وقنواته وانا شايف ان ده كان احسن رد عليه

[TIGER@21]

تم التائكد ان شركة موبنيل مازالت ملك ساويرس
تم تكسير الشريحة القديمة والحمدلله الف شكر للاعضاء الكرام